Job 32:1-22
32 Rü yexguma ga yema tomaepü̱x ga yatügü rü narüngea̱xgü rü marü tama Yoxü̃ nixuchigachigü, yerü nüma ga Yox rü nüxü̃ nixuchigüama ga taxuxü̃ma ga chixexü̃ nax naxüxü̃.
2 Rü yéma nayexma ta ga wüxi ga to ga yatü ga Eriúgu ãégacü. Rü nüma rü Baraqué ga Buchítanüxü̃ nane nixĩ. Rü norü o̱xi rü Ráü̃ nixĩ. Rü nüma ga Eriú rü marü tama yáxna namaxã naxĩnü nax Yoxmaxã nanuxü̃, yerü nüxü̃ naxĩnü nax nügü ínapoxü̃xü̃ rü Tupanana naxugüãxü̃ ga yema guxchaxü̃gü ga naxca̱x ínguxü̃.
3 Rü nüma ga Eriú rü yema tomaepü̱x ga Yoxmücügümaxã rü ta nanu, yerü tama nüxü̃ nacua̱xgü ga ñuxãcü Yoxü̃ nax nangãxü̃güxü̃, rü yemaacü nayaTupanaguãchixẽẽgü ga yema guxchaxü̃.
4 Rü nüma ga Eriú rü guxãxü̃ma narüngextü̱xümae, rü yemaca̱x yema togüxü̃ ínanangu̱xẽxẽ ga nax yagúegagüxü̃ ga Yoxmaxã nax yadexagüxü̃.
5 32:5-6 Natürü yexguma nüxü̃ nada̱u̱xgu nax tama nüxü̃ nacua̱xgüxü̃ ga ñuxãcü nax nangãxü̃güaxü̃, rü düxwa tama yáxna namaxã naxĩnü rü ñanagürü: —Choma rü pexü̃ charübumae rü ngẽmaca̱x changea̱xmare, rü tama pemaxã nüxü̃ chixu i ngẽma nagu charüxĩnüxü̃.
6 Nüü̃ nadau 32:5
7 Erü choma rü nagu charüxĩnügu rü pema nax perüyamaegüxü̃ rü yema pexü̃ ngupetüxü̃ãcü chi penangãxü̃, erü marü mucüma ya taunecü pexü̃́ nangẽxma i perü cua̱x
8 32:8-9 Natürü tama ngẽma nax namuarü taunecüã́xü̃gagu nixĩ nax wüxi ya yatü cua̱x nüxü̃́ ngẽxmaxü̃. Erü yimá Tupana ya Guxãétüwa Ngẽxmacü nixĩ ya inaxãcü i wüxíechigüarü cua̱x.
9 Nüü̃ nadau 32:8
10 Rü ngẽmaca̱x chanaxwa̱xe i choxü̃́ iperüxĩnüe, erü choma rü ta choxü̃́ nangẽxma i ngẽma nüxü̃ chixuxchaü̃xü̃.
11 Rü choma rü íchanangu̱xẽxẽ nax nüxü̃ pixuxü̃ i ngẽma perü ore i namaxã pegü ípepoxü̃güxü̃. Rü pexü̃ chadau nax naxca̱x pedaugüxü̃ i ngẽma rümemaexü̃ i ore.
12 Rü choma rü mea icharüxĩnü i perü ore, natürü taxúema i petanüwa rü nüxü̃ tacua̱x nax ñuxãcü mea tanangãxü̃xü̃ i ngẽma Yoxarü ore i namaxã nügü ínapoxü̃xü̃.
13 Rü tama name i ñaperügügü: “Toma rü toxü̃́ nangẽxma i cua̱x, natürü Tupanaxicatama tá nixĩ i Yoxca̱x nango̱xẽẽxü̃ i norü chixexü̃”, ñaperügügü.
14 Rü Yox rü tama choxü̃ naxuchi̱xẽ, rü ngẽmaca̱x i choma rü taxũtáma pema penangãxü̃xü̃ãcü chanangãxü̃.
15 Pa Yox, ñaa cumücügü rü ínatüe, rü nüxü̃́ nayataxu i norü cua̱x nax mea cuxü̃ nangãxü̃güxü̃ca̱x.
16 Natürü ñu̱xma nax tama cuxü̃ nangãxü̃güxü̃ rü choma rü taxũtáma changeã̱xmare nax cuxü̃ changãxü̃xü̃.
17 Rü choma rü ta choxü̃́ nangẽxma i ngẽma nüxü̃ chixuxchaü̃xü̃, rü ngẽmaãcü tá ichanawe̱x i ngẽma nüxü̃ chacuáxü̃.
18 Rü ngẽma ore rü namaxã chanapaeru. Rü marü tama yáxna namaxã chaxĩnü nax nüxü̃ chixuxü̃ca̱x.
19 Rü choma rü ñoma naxcha̱xmünaxca̱x i bínuchíü i marü iwã́ĩxchaü̃xü̃rüxü̃ chixĩ.
20 Rü ngẽmaca̱x chanaxwa̱xe nax chidexaxü̃ erü tama yáxna namaxã chaxĩnü nax cuxü̃ changãxü̃xü̃.
21 32:21-22 Rü taxúeétüwa tá chaxü rü taxúexü̃ tá chicua̱xüxü̃. Rü taxúexü̃ tá chatachigaxẽxẽ. Rü ngẽxguma chi ngẽmaãcü chanaxüxgu rü chi Tupana choxü̃ napoxcu —ñanagürü ga Eriú.
22 Nüü̃ nadau 32:21
