Josué 15:1-63
15 Rü yema naane ga sortéuãcü Yudátanüxü̃na üxü̃ rü Edóü̃arü üyeanewa nangu. Rü norü súrwaama nida ñu̱xmata yema naxnücüane ga Chíü̃gu ãégaxü̃wa nangu.
2 Rü norü üyeane rü Már i Ngearü Maxü̃ã́xü̃arü súr iyacuáxü̃wa inaxügü.
3 15:3-4 Rü súrwaama nada ga yema naane. Rü ma̱xpǘne ga Acabíü̃pechinüwa nadapetü rü yema naxnücüane ga Chíü̃wa nadapetü, rü Cadé-banéaarü súrwa nangu. Rü yéma rü inidaama ñu̱xmata ĩane ya Eróü̃wa nangu. Rü yéma ínadaãchi rü ñu̱xmata ĩane ga Adáwa nangu. Rü yexma ínayapoegu ñu̱xmata Cacáwa nangu. Rü yéma nida ñu̱xmata Asmóü̃wa nangu. Rü yéma rü inida ñu̱xmata nawa nangu ga Equítuanearü natüacü. Rü Már Mediteráneugu nayacua̱x. Yema nixĩ ga norü üyeane ga súrwaama üxü̃ ga yema Yudátanüxü̃arü naane.
4 Nüü̃ nadau 15:3
5 15:5-6 Rü yema éstewaama üxü̃ ga norü üyeane, rü guxü̃ma ga yema Már i Ngearü Maxü̃ã́xü̃ nixĩ ñu̱xmata natü ga Yudáü̃ írügoxchinexü̃wa nangu. Rü yéma nixĩ ga inaxügüxü̃ ga norü üyeane ga nórtewaama üxü̃. Rü Bex-oráwaama nada, rü yemaacü Bex-arabáarü nórtewaama nadapetü ñu̱xmata guma nuta ga tacü ga Rubéü̃ nane ga Boáü̃gu ãégacüwa nangu.
6 Nüü̃ nadau 15:5
7 15:7-8 Rü yéma rü yema doxonexü̃ ga Acóxwa ínadaãchi rü Debíxwa nada. Rü yéma rü ínayapo ñu̱xmata ĩane ga Guirigáwa nangu. Rü guma Guirigá rü Adumíü̃arü tuãchixü̃arü to̱xma̱xtawa nayexma ga natüxacüarü súrwa. Rü yéma rü yema norü üyeane nadapetü nawa ga natüacü ga En-chemé. Rü yéma rü inida ñu̱xmata yema to ga natüacü ga En-roguéxwa nangu. Rü yéma rü nadapetü nawa ga doxonexü̃ ga Ben-inóü̃ rü Yebúarü tuãchixü̃arü súrwaama nangu. Rü guma ma̱xpǘne ga Yebú rü to ga naéga rü Yerucharéü̃ nixĩ. Rü ñu̱xũchi ga yema üyeane rü ínadaãchi nawa ga guma ma̱xpǘne ga Inóü̃arü metachinüxü̃arü oéstewa yexmane. Rü ñu̱xũchi Refaíü̃ ga metachinüxü̃arü nórtewaama nada.
8 Nüü̃ nadau 15:7
9 Rü guma ma̱xpǘneétügu ínayapo rü nida ñu̱xmata natüacü ga Netóawa nangu. Rü yéma nadapetü ñu̱xmata nawa nangu ga guma ĩanegü ga ma̱xpǘne ga Efróü̃wa yexmagüne. Rü ĩane ga Baaráwa nadapetü. Rü to ga naéga rü Quiriáx-yearíü̃ nixĩ.
10 Rü Baaráwa rü oéstewaama nada ga yema üyeane rü ñu̱xmata ma̱xpǘne ya Cheíwa nangu. Rü Quecharóü̃wa nadapetü rü guma ma̱xpǘne ga Yearíü̃arü nórtecüwawaama nadapetü nax Bex-cheméwa yanadaexü̃ca̱x. Rü yéma Tináwa nadapetü.
11 Rü yéma rü inida rü ma̱xpǘne ga Ecróü̃arü tuãchi ga nórtewa yexmaxü̃wa nadapetü. Rü yéma rü ĩane ga Chicróü̃wa nada rü ma̱xpǘne ga Baaráwa nadapetü ñu̱xmata Yaxnéewa inarügo. Rü Már Mediteráneugu nayacua̱x ga norü üyeane.
12 Rü yema norü üyeane ga oéstewaama yexmaxü̃ rü Már Mediteráneu nixĩ. Rü yemagu nayacua̱x ga norü naanearü üyeanegü ga yema Yudátanüxü̃. Rü yemaacü nixĩ ga nügümaxã yayauxyegüãxü̃ ga yema Yudátücumü.
Caréx rü nayapu ga ĩanegü ga Ebróü̃ rü Debíx
13 Rü nüma ga Yochué rü Yudátanüxü̃arü naanewa nixĩ ga Caréx ga Yeponé nanena tanaxãxü̃ ga naane. Yerü yemaacü nixĩ ga Cori ya Tupana ga namuaxü̃. Rü guma ĩane ga nüxna naxãxü̃ne nixĩ ga Quiriáx-abá. Rü to ga naéga nixĩ ga Ebróü̃. Rü noxri guma nixĩ ga Anáxarü ĩane ga taxü̃ne ga nawa nayexmagüne ga nataagü.
14 Rü nüma ga Caréx rü guma ĩanewa nixĩ ga ínawoxü̃ãxü̃ ga nataagü ga yema tomaepü̱x ga Anáx nanegü. Rü wüxi nixĩ ga Chechái, rü to nixĩ ga Aimáü̃, rü to nixĩ ga Tarmái.
15 Rü yemawena inaxĩãchi nax ĩane ga Debíxwa maxẽxü̃ ga duü̃xü̃güca̱x íyaxüãchixü̃. Rü guma ĩane rü noxri rü Quiriáx-chéfe nixĩ ga naéga.
16 Rü nümax ga Caréx rü ñanagürü: —Yíxema naxca̱x íyaxü̃ãchixe rü nüxü̃ rüporamaexẽ i ngẽma duü̃xü̃gü i Debíxwa maxẽxü̃ rü choma rü tá tüxü̃ chaxüma̱x ngĩmaxã i chauxacü i Áxcha —ñanagürü.
17 Rü gumá naxca̱x íyagoõchicü rü nüxü̃ rüporamaecü ga yema duü̃xü̃gü ga guma ĩane ga Debíxwa maxẽxü̃, rü Caréxmágü ga Otonié ga Quená nane nixĩ. Rü nümax ga Caréx rü nüxna ngĩxü̃ namu ga naxacü ga Áxcha.
18 Rü yema ngunexü̃ ga nagu yangĩgüxü̃gu rü nüma ga Otonié ngĩxü̃ ñanagürü ga naxma̱x: —¡Namaxã nüxü̃ ixu ya cunatü nax tüxna naxããxü̃ca̱x i wüxi i naane i nagu itoegüxü̃! —ñanagürü. Rü yexguma ga ngĩma rü irüxüe ga ngĩrü búrutawa. Rü nüma ga Caréx rü ngĩxna naca rü ñanagürü: —¿Ta̱xacü cunaxwa̱xe nax cuxna chanaxãxü̃? —ñanagürü.
19 Rü ngĩma rü inangãxü̃ rü ngĩgürügü: —Chanaxwa̱xe i choxü̃ curüngü̃xẽxẽ. Marü choxna cunaxã i ngẽma naane i naxnücüxica ixĩxü̃ i Néguewa. ¡Rü choxna naxã ta i naane i natüacüã́xü̃! —ngĩgürügü. Rü nüma ga Caréx rü ngĩxna nanaxã ga naane ga máxpü̱xanexü̃ ga natüacüã́xü̃ rü naane ga doxonexü̃ ga natüacüã́xü̃.
Yudátanüxü̃arü duü̃xü̃güarü ĩanegü
20 Ñaagü nixĩ ga yema naanegü ga nayauxgüxü̃ ga Yudáarü duü̃xü̃gü. Rü yema naane nixĩ ga nügü yanuxü̃ ga Yudátanüxü̃ nae̱xpü̱x ga ñuxre nax yixĩxü̃ ga norü mu.
21 15:21-25 Rü guma ĩanegü ga nayauxgüne nawa ga naane ga súrwaama üxü̃ ga Edóü̃maxã íyaxüyeanexü̃wa rü daagü nixĩ: Caxcheé, rü Édex, rü Yagúx, rü Quiná, rü Dimoná, rü Adadá, rü Quéde, rü Achóx, rü Ixnáü̃, rü Chíx, rü Téreü̃, rü Bearóx, rü Achóx-adatá, rü Querióx, rü Eróü̃. Rü to ga naéga nixĩ ga Achóx.
22 Nüü̃ nadau 15:21
23 Nüü̃ nadau 15:21
24 Nüü̃ nadau 15:21
25 Nüü̃ nadau 15:21
26 15:26-32 Rü Amáü̃, rü Chemá, rü Moradá, rü Achá-gadá, rü Esmóü̃, rü Bex-pérex, rü Achá-chuá, rü Bechéba, rü Bichotía, rü Baará, rü Iyíü̃, rü Écheü̃, rü Etoráx, rü Quechí, rü Ormá, rü Chicáx, rü Maxmaná, rü Chanchaná, rü Lebaóx, rü Chiríü̃, rü En-rimóü̃. Rü guxü̃wama rü 29 ga ĩanegü nixĩ ga norü mu, rü naétü ga norü ĩanexacügü.
27 Nüü̃ nadau 15:26
28 Nüü̃ nadau 15:26
29 Nüü̃ nadau 15:26
30 Nüü̃ nadau 15:26
31 Nüü̃ nadau 15:26
32 Nüü̃ nadau 15:26
33 15:33-36 Rü yema ínadoxonexü̃wa nüxna ügüne ya ĩanegü rü daagü nixĩ: Rü Etaóü̃, rü Chorá, rü Achaná, rü Chanóa, rü En-ganíü̃, rü Tapúa, rü Enáü̃, rü Yamúx, rü Aduráü̃, rü Chocó, rü Achecá, rü Chaaraíü̃, rü Aditaíü̃, rü Guederá, rü Guederotaíü̃. Rü 14 ga ĩanegü nixĩ rü naétü ga norü ĩanexacügü.
34 Nüü̃ nadau 15:33
35 Nüü̃ nadau 15:33
36 Nüü̃ nadau 15:33
37 15:37-41 Rü naigü ga ĩanegü ga yema doxonexü̃wa rü daagü nixĩ: Rü ĩanegü ga Chenáü̃, rü Adachá, rü Midáx-gáx, rü Direáü̃, rü Mispá rü Yoxteé, rü Láqui, rü Bucá, rü Egróü̃, rü Cabóü̃, rü Lamáü̃, rü Quití, rü Guederóx, rü Bex-dagóü̃, rü Naamá rü Maquedá. Rü 16 ga ĩane nixĩ, rü naétü ga norü ĩanexacügü.
38 Nüü̃ nadau 15:37
39 Nüü̃ nadau 15:37
40 Nüü̃ nadau 15:37
41 Nüü̃ nadau 15:37
42 15:42-44 Rü naigü ga ĩanegü ga yema doxonexü̃wa rü daagü nixĩ: Lixná, rü Étex, rü Acháü̃, rü Yíta, rü Achéna, rü Nechíx rü Queirá, rü Achíx, rü Marechá. Rü 9 ga ĩane nixĩ, rü naétü ga norü ĩanexacügü.
43 Nüü̃ nadau 15:42
44 Nüü̃ nadau 15:42
45 15:45-46 Rü oéstewaama nüxna naxü ga guma ĩane ga Ecróü̃ namaxã ya norü ĩanexacügü. Rü Ecróü̃wa ne nada rü ñu̱xmata Már Mediteráneuwa nangu. Rü namaxã nangau ga guxü̃ma ga yema naane ga Adúxna ngaicamaxü̃ namaxã ga norü ĩanexacügü.
46 Nüü̃ nadau 15:45
47 Rü yexgumarüxü̃ ta nüxna naxǘ ga guma ĩane ga Adúx namaxã ga norü ĩanexacügü rü guma ĩane ga Gácha namaxã ga norü ĩanexacügü. Rü yema Yudátanüxü̃arü naane rü yema natüxacü ga Equítuanewa yexmaxü̃wa nangu, rü namaxã nangau ga naxpechinü ga Már Mediteráneu.
48 15:48-51 Rü yema ínamáxpü̱xanexü̃wa rü guma ĩanegü ga nayauxgüne ga Yudátanüxü̃ rü daagü nixĩ: Chamí, rü Yatíx, rü Chocó, rü Daná, rü Quiriáx-chaná (rü to ga naéga nixĩ ga Debíx), rü Anáx, rü Etemóa, rü Aníü̃, rü Gochéü̃, rü Oróü̃, rü Guiró. Rü 11 ga ĩane nixĩ, rü naétü ga norü ĩanexacügü.
49 Nüü̃ nadau 15:48
50 Nüü̃ nadau 15:48
51 Nüü̃ nadau 15:48
52 15:52-54 Rü yexgumarüxü̃ tá nüxna naxǘ ya daa ĩanegü: Aráx, rü Dumá, rü Echáü̃, rü Yanúü̃, rü Bex-tapúa, rü Afecá, rü Ũtá, rü Quiriáx-abá (rü to ga naéga nixĩ ga Ebróü̃), rü Chióx. Rü 9 ga ĩanegü nixĩ, rü naétü ga norü ĩanexacügü.
53 Nüü̃ nadau 15:52
54 Nüü̃ nadau 15:52
55 15:55-57 Rü nai ga ĩanegü ga nayauxgüne rü daagü nixĩ: Maóü̃, rü Carméx, rü Chíx, rü Yutá, rü Yereé, rü Yoxdeáü̃, rü Chanóa, rü Caíü̃, rü Guibeá, rü Tiná. Rü 10 ga ĩane nixĩ, rü naétü ga norü ĩanexacügü.
56 Nüü̃ nadau 15:55
57 Nüü̃ nadau 15:55
58 15:58-59 Rü nai ga ĩanegü ga nayauxgüne rü daagü nixĩ: Arú, rü Bex-chú, rü Guedóx, rü Maaráx, rü Bex-anúx, rü Etecóü̃. Rü 6 ga ĩanegü nixĩ, rü naétü ga norü ĩanexacügü.
59 Nüü̃ nadau 15:58
60 Rü nai ga ĩane ga nayauxgüne nixĩ ga daagü: Quiriáx-baá ga to ga naéga nixĩ ga Quiriáx-yearíü̃, rü Rabá rü naétü ga norü ĩanexacügü.
61 15:61-62 Rü yema ínanaxnücüanexü̃wa rü guma ĩanegü ga nayauxgüne rü daagü nixĩ: Bex-arabá, rü Midíü̃ rü Checacá, rü Nixcháü̃, rü ĩane ga Yucüra, rü En-gádi. Rü 6 ga ĩane nixĩ, rü naétü ga norü ĩanexacügü.
62 Nüü̃ nadau 15:61
63 Natürü yema Yudátanüxü̃ rü taxucürüwama Yerucharéü̃wa ínanawoxü̃ ga Yebuchéugü ga yexma ãchiü̃güxü̃. Rü ngẽmaca̱x i ngẽma Yebuchéugü rü ñu̱xma rü ta wüxigu Yudátanüxü̃maxã Yerucharéü̃wa namaxẽ.
