Jueces 5:1-31
5 Rü yema ga ngunexü̃gu ngĩma ga Débora rü Baráx ga Abinuáü̃ nane rü ñaãcü nawiyaegü:
2 —¡Nüxü̃ picua̱xüü̃gü ya Tupana,Pa Iraétanüxü̃arü Ãẽ̱xgacügüx!¡Tupanana moxẽ pexãgü ya guxãma i pemax!Erü perü ngúchaü̃maxã Tupanaca̱x pegü ipexãgü nawa i ngẽma dai.
3 ¡Rü choxü̃́ iperüxĩnüe,Pa Ãẽ̱xgacügü!¡Rü choxü̃́ iperüxĩnüe i pemax i duü̃xü̃gümaxã icua̱xgüe!Rü ñu̱xma rü tá naxca̱x chawiyae rü chapaxeta ya tórü Cori ya Iraétanüxü̃arü Tupana.
4 Pa Chorü Tupanax, yexguma cuma rü Cheíwa icuxũãchigu nax Edóü̃arü naanewa cuxũxü̃ca̱x,rü ñoma ga naane rü nixĩã̱xcüxü rü yema daxũwa yexmagüxü̃ rü nixĩãxtanücüxü rü yema caixanexü̃gü rü poraãcü nanapuxẽxẽ.
5 Rü cupe̱xewa,Pa Torü Cori Pa Iraétanüxü̃arü Tupanax,rü nidu̱xrugü ya ma̱xpǘnegü,rü nidu̱xru ya yima ma̱xpǘne ya Chinaí.
6 5:6-7 Rü yexguma Chamgáx ga Anáx nane maxü̃gu rü Yaé maxü̃gu rü yema Canaáü̃tanüxü̃gagu naxãũcüma ga yema namagü ga ítáxü̃,rü yemaca̱x ga duü̃xü̃gü rü íxraxü̃ ga namagu naxĩ.Rü guxema ĩanexacügüwa maxẽxe rü marü taxuacüma tümaanegüwa tapuracüe yerü yema Canaáü̃tanüxü̃xü̃ tamuü̃e.Rü tataxuma ya texé ya Iraétanüxü̃xü̃ ípoxü̃xẽ.Rü yemaca̱x ga choma i Débora,rü pora chaxü nax íchanapoxü̃güxü̃ca̱x i chautanüxü̃ i Iraétanüxü̃ ñoma wüxi i mama i naxacügüxü̃ ípoxü̃xü̃rüxü̃.
7 Nüü̃ nadau 5:6
8 Rü yexguma yema Iraétanüxü̃ tomare ga tupanaxü̃ yacua̱xüü̃gügu rü nüma ga Canaáü̃tanüxü̃ rü tórü ĩanearü ĩã̱xgüwa nangugü nax tüxü̃ nada̱i̱xü̃ca̱x.Rü woo 40,000 ga Iraétanüxü̃ ga churaragü tüxü̃́ nayexmagü,natürü natanüwa rü nataxuma ga bai ga wüxi ga poxü̃ruxü̃ rü bai ga wüxi ga wocae.
9 Moxẽ pexna chaxã,Pa Iraéanearü Ãẽ̱xgacügü rü pema Pa Iraétanüxü̃ i pegü ixãgüxe nax daiwa pexĩxü̃.¡Rü nüxü̃ picua̱xüü̃gü ya tórü Cori ya Tupana!
10 Pema i cómüxü̃ i búrugügu ĩxẽ rü mexü̃ i naxma̱xwe̱xe i ngomüxü̃wa rütogüxe rü pema ya pecutügumare ixĩxẽ,rü name i nagu perüxĩnüe i ngẽma Tupana taxca̱x üxü̃.
11 ¡Rü yea puchugüwa rü guxü̃ne ya ĩanewa,rü pepaxetagüãcü rü pewiyaegüãcü nüxü̃ pixu nax Cori ya Tupana rü naporamaexü̃,rü Iraétanüxü̃ rü norü uanügüxü̃ naporamaegüxü̃!
12 ¡Naba̱i̱xãchi,Pa Déborax, naba̱i̱xãchi!¡Rü nagu nawiyae i wüxi i wiyae!Rü cumax, Pa Baráx Pa Abinuáü̃ Nanex,¡Írüda rü poxcuwa yagagü i ngẽma curü uanügü i ícuyauxü̃xü̃!
13 Rü narüchoü̃ ga yema Iraétanüxü̃arü ãẽ̱xgacügü rü yema duü̃xü̃gü ga Tupanaarü churaragü ixĩgüxü̃ nax chauxü̃tawa naxĩxü̃ca̱x nax yema uanügü ga iporaexü̃maxã nügü nada̱i̱xü̃ca̱x.
14 Rü Amaréxtanüxü̃arü naanewa inaxĩãchi ga Efraíü̃tanüxü̃ rü cuwe narüxĩ,Pa Déborax.Rü Bẽyamíü̃tanüxü̃ rü ta cuwe narüxĩ.Rü cuwe narüxĩ ga Maquítanüxü̃arü ãẽ̱xgacügü rü Chaburóü̃tanüxü̃arü ãẽ̱xgacügü.
15 5:15-16 Rü Dẽboraxü̃ naxümücügü ga Ichacátanüxü̃arü ãẽ̱xgacügü.Rü nümagü rü Baráxü̃ naxümücügü ga yema doxonexü̃wa ga nügü ínadaixü̃wa.Natürü ga Rubéü̃tanüxü̃ rü carnérugüarü daugu narüxĩnüe rü tama cuxü̃ naxümücüchaü̃ ga yema pegü ípeda̱i̱xü̃wa.
16 Nüü̃ nadau 5:15
17 Natürü yema natü ga Yudáü̃arü tocutüwa yexmagüxü̃ ga duü̃xü̃gü rü Garaáxanegu narüchomare.Rü yema Dáü̃tanüxü̃ rü Achétanüxü̃ rü türewatama norü wapurugüna nadaugü rü tama daiwa naxĩ.
18 Natürü ga Chaburóü̃tanüxü̃ rü Netarítanüxü̃ rü ãũcümaxü̃wa naxĩ ga nügü ínadaixü̃wa.
19 Rü yema Canaáü̃tanüxü̃arü ãẽ̱xgacügü rü ĩane ga Taanáxwa nangugü napechinüwa ga yema natü ga Chiyóü̃ ga Meguíduwa daxü̃. Rü yexma Iraétanüxü̃maxã nügü nadai, natürü taxuxü̃ma ga diẽrumaxã rü yemaxü̃gümaxã nawoegu.
20 5:20-21 Rü woo i woramacurigü i daxũwa ngẽxmagüxü̃ rü Chícharamaxã nanue.Rü ngẽma nũxcümaü̃xü̃ i natü i Quichóü̃arü poraxü̃chíüxü̃ nayachagüxẽxẽ ga guxü̃ma ga yema tórü uanügü ga yuexü̃.Rü choma i Débora rü yexera chapora rü ichixũama.
21 Nüü̃ nadau 5:20
22 Rü naxãũgatanü ga guma Chícharaarü cowarucutügü,yerü nibuxmü ga yema norü cowarugü ga daiwa ĩxü̃.
23 Rü Tupanaarü orearü ngeruxü̃ i daxũcüã̱x rü chixexü̃ namaxã naxuegu ga guma ĩane ya Merú yerü tama Tupanaarü churaragüxü̃ narüngü̃xẽẽgü ga yexguma nügü nadaixgu.
24 ¡Rü Tupana ngĩxna daux i Yaé i naxma̱x ya Ébe ya Quenéutanüxü̃!¡Rü natanüwa i guxü̃ma i ngexü̃gü i Iraétanüxü̃ rü Tupana ngĩxna daux i Yaé!
25 Rü nüma ga Chíchara rü dexáca̱x cuxna naca,rü cuma rü lechi nüxna cuxã.Rü curü memaecü ya tacháũgu nüxna cunaxã ya lechi ya pamüne.
26 Rü yexgumayane rü wüxime̱xẽmaxã cunayaxu i wüxi i nai ga ãmaguxü̃,rü náixme̱xmaxã cunayaxu ga poruxü̃,rü naeruwa cuyapocuchi ñu̱xmata yatoxpetüerux.
27 Rü cupe̱xegu yuãcü ñaxtüanegu nangu ga Chíchara.
28 Rü taxoegaãxẽ ga Chícharaarü mama,rü beü̃tánawa ítadaxuchi rü ñatarügü:“¿Tü̱xcüü̃ ya yima chaunearü caru ya daiweü̃ tama paxa ínangu?¿Tü̱xcüü̃ tama nüxü̃ taxĩnü i norü caru?” ñatarügü.
29 Rü ngĩxü̃ ingãxü̃gü ga ngĩrü puracütanüxü̃ ga ngĩãẽxü̃ rücua̱xmaegücü rü wüxigu Chícharaarü mamamaxã ngĩgürügügü:
30 “Bexmana nügü inayanu i ngẽma nügü ínadaixü̃wa napuxü̃xü̃ i ngẽmaxü̃gü,rü wüxichigü i churarana ixü i wüxi rüe̱xna taxre i pacügü.Rü ngẽma ãmatüxü̃ i naxchirugü rü Chíchara rü nügüxü̃́ nanade namaxã i to i naxchirugü i nga̱xãẽpechigüxü̃ i nügünaxãwa yanga̱xcuchixü̃ruxü̃”, ngĩgürügügü.
31 Pa torü Tupanax, tanaxwa̱xe nax ngẽmaãcü nayuexü̃ i guxü̃ma i curü uanügü.Natürü ngẽma cuxü̃ ngechaü̃güxü̃ rü tanaxwa̱xe nax naporaexü̃ ñoma üa̱xcü i poraemaxüchixü̃rüxü̃
—ñanagürügü. Rü yemawena rü 40 ga taunecü nataxuma ga dai ga yema naanewa.
