Números 1:1-54
1 Rü yexguma norü taxre ga taunecüwa nanguxgu nax Equítuanewa ínachoxü̃xü̃, rü gumáarü taxre ga tauemacügu nixĩ ga Tupana ga Moichémaxã yadexaxü̃ nawa ga guma norü tügümüne ga napata ga Chinaíarü chianexü̃wa yexmane.
2 1:2-3 Rü Moichéxü̃ namu rü ñanagürü: —¡Peyaxugü i guxü̃ma i Iraétanüxü̃ i nügütanüxü̃chigü, rü wüxi ya ĩpatacüã̱xchigü nax nüxü̃ pecuáxü̃ca̱x i naéga rü norü mu i guxü̃ma i ngẽma yatüxü̃gü i 20 ya taunecü rüe̱xna yexera nüxü̃́ ngẽxmagüxü̃ i marü mexü̃ nax churara yixĩgüxü̃! Rü natanüxü̃tücumüchigügu tá cuyawügüéga. Rü Aróü̃ tá nixĩ ya cuxü̃ rüngü̃xẽẽcü nawa i ngẽma puracü.
3 Nüü̃ nadau 1:2
4 Rü ngẽxgumarüxü̃ ta rü wüxitücumüwachigü rü tá naxca̱x peca i wüxi i yatü i woetama ngẽmatücumüwa ãẽ̱xgacü ixĩxü̃ nax pexü̃ nangü̃xẽẽxü̃ca̱x.
5 Rü ñaagü nixĩ i naéga i ngẽma ãẽ̱xgacügü i tá pexü̃ rüngü̃xẽẽgüxü̃: “Rü Rubéü̃tanüxü̃wa, rü Erichú ya Chedeú nane tá nixĩ.
6 Rü Chimeóü̃tanüxü̃wa, rü Cherumié ya Churichadái nane tá nixĩ.
7 Rü Yudátanüxü̃wa, rü Nachóü̃ ya Aminadá nane tá nixĩ.
8 Rü Ichacátanüxü̃wa, rü Natanaé ya Chuá nane tá nixĩ.
9 Rü Chaburóü̃tanüxü̃wa, rü Eriá ya Eróü̃ nane tá nixĩ.
10 Rü Yúche nane ga Efraíü̃tanüxü̃wa, rü Erichamá ya Amiúx nane tá nixĩ. Rü Yúche nane ga Manachétanüxü̃wa, rü Gamarié ya Pedachú nane tá nixĩ.
11 Rü Bẽyamíü̃tanüxü̃wa, rü Abidáü̃ ya Yidoní nane tá nixĩ.
12 Rü Dáü̃tanüxü̃wa, rü Aiéche ya Amichadái nane tá nixĩ.
13 Rü Achétanüxü̃wa, rü Paguié ya Ocráü̃ nane tá nixĩ.
14 Rü Gáxtanüxü̃wa, rü Ereachá ya Reué nane tá nixĩ.
15 Rü Netarítanüxü̃wa, rü Airá ya Enáü̃ nane tá nixĩ” —ñanagürü ga Cori ya Tupana.
16 Rü yemagü nixĩ ga yema norü ãẽ̱xgacügüchigü ga nadexü̃ nax Iraétanüxü̃maxã inacua̱xgüxü̃ca̱x.
17 1:17-19 Rü gumá taunecü rü norü taxre ga tauemacüarü ügügu rü nümagü ga Moiché rü Aróü̃ rü nanaxĩtaque̱xexẽxẽ ga yema yatügü ga natanüxü̃maxã icua̱xgüxü̃ ga Tupana idexechixü̃. Rü yexgumarüxü̃ ta nanaxĩtaque̱xexẽxẽ ga guxü̃ma ga yema togü ga duü̃xü̃gü. Rü nayaxugü ga guxü̃ma ga yema Iraétanüxü̃. Rü natücumüchigüãcü nayawǘgüéga. Rü yexgumarüxü̃ ta rü wüxichigü ya ĩpatacüã̱xchigüãcü nayawǘgüéga ga yema duü̃xü̃gü. Rü yemaacü niwǘgüéga ga guxü̃ma ga yema yatügü ga 20 ga taunecü rüe̱xna yexera nüxü̃́ yexmagüxü̃, yerü yemaacü nixĩ ga Cori ya Tupana ga Moichémaxã nüxü̃ yaxuxü̃. Rü yemaacü Moiché nayaxugü ga yema duü̃xü̃gü ga yexguma Chinaíarü chianexü̃wa nayexmagügu.
18 Nüü̃ nadau 1:17
19 Nüü̃ nadau 1:17
20 Rü yexguma marü nügütanüxü̃chigü rü wüxi ya ĩpatacüã̱xchigü yaxugüã̱gu rü nayawǘgüéga ga yema yatüxü̃gü ga 20 ga taunecü rüe̱xna yexera nüxü̃́ yexmagüxü̃ rü marü imexü̃ nax churaragü yixĩgüxü̃. Rü norü mu rü ñaa nixĩ:
21 Rü Rubéü̃ ga Iraé nane ga yacütanüxü̃wa rü 46,500 ga yatüxü̃gü nixĩ ga churarawa imexü̃.
22 1:22-23 Rü Chimeóü̃tanüxü̃wa rü 59,300 nixĩ.
23 Nüü̃ nadau 1:22
24 1:24-25 Rü Gáxtanüxü̃wa rü 45,650 nixĩ.
25 Nüü̃ nadau 1:24
26 1:26-27 Rü Yudátanüxü̃wa rü 74,600 nixĩ.
27 Nüü̃ nadau 1:26
28 1:28-29 Rü Ichacátanüxü̃wa rü 54,400 nixĩ.
29 Nüü̃ nadau 1:28
30 1:30-31 Rü Chaburóü̃tanüxü̃wa rü 57,400 nixĩ.
31 Nüü̃ nadau 1:30
32 1:32-35 Rü Yúche nanegütanüxü̃wa rü Efraíü̃tanüxü̃wa rü 40,500 nixĩ. Rü Manachétanüxü̃wa rü 32,200 nixĩ.
33 Nüü̃ nadau 1:32
34 Nüü̃ nadau 1:32
35 Nüü̃ nadau 1:32
36 1:36-37 Rü Bẽyamíü̃tanüxü̃wa rü 35,400 nixĩ.
37 Nüü̃ nadau 1:36
38 1:38-39 Rü Dáü̃tanüxü̃wa rü 62,700 nixĩ.
39 Nüü̃ nadau 1:38
40 1:40-41 Rü Achétanüxü̃wa rü 41,500 nixĩ.
41 Nüü̃ nadau 1:40
42 1:42-43 Rü Netarítanüxü̃wa rü 53,400 nixĩ.
43 Nüü̃ nadau 1:42
44 1:44-46 Rü yexguma Moiché rü Aróü̃ yaxugügügu wüxigu namaxã ga yema 12 ga norü ngü̃xẽẽruü̃gü ga wüxitücumüarü ãẽ̱xgacüchigü ixĩgüxü̃, rü guxü̃wama rü 603,550 wa nixĩ ga nanguxü̃ ga yema yatüxü̃gü ga 20 ga taunecü rüe̱xna yexera nüxü̃́ yexmagüxü̃ rü churarawa imexü̃.
45 Nüü̃ nadau 1:44
46 Nüü̃ nadau 1:44
Lebítanüxü̃chiga
47 Natürü yexguma yaxugügügu ga yema togü ga Iraétücumügü ga marü churarawa imexü̃ rü tama nixugü ga yema Lebítanüxü̃
48 Yerü ga Cori ya Tupana rü marü Moichémaxã nüxü̃ nixu rü ñanagürü nüxü̃:
49 —Ngẽxguma tá cuyaxugügu i Iraétanüxü̃, rü taxũtáma cuyaxugü i ngẽma Lebítanüxü̃.
50 Rü ngẽma Lebítanüxü̃ rü chopatawaarü puracütanüxü̃ tá cuyaxĩgüxẽxẽ nax nüxna nadaugüxü̃ca̱x ya yima chopata rü norü ngẽmaxü̃gü. Rü ngẽxguma ngextá penangegügu ya yima chopata, rü nümagü tá nixĩ i yangegüãxü̃ namaxã i guxü̃ma i norü ngẽmaxü̃gü i namaxã cha̱u̱xca̱x napuracüexü̃. Rü nümagü rü tá chopataxü̃ ínapemaeguãchi.
51 Rü ngẽxguma tóxnamana pexĩxgu, rü nüma i Lebítanüxü̃ tá nixĩ i íyawẽgüxü̃ ya yima chopata. Rü ngexta ípengugüxü̃wa rü nüma i Lebítanüxü̃ tá nixĩ i wena inachitaü̃xẽẽgüxü̃ ya yima chopata. Rü texé ya tama Lebítanüxü̃ ixĩxẽ i nüxna ngaicamaxe ya chopata rü tá tayu.
52 Rü ngẽma togü i natücumügü i Iraétanüxü̃ rü wüxitücumüchigü rü ñoma churaragürüxü̃ tá nügü ininu nacüwagu ya yima chopata. Rü wüxitücumüchigü rü norü woneratüxü̃wa tá nangẽxmagü.
53 Natürü i nümagü i Lebítanüxü̃ rü tá chopatacüwaarü ngaicamagu napegü nax ngẽmaãcü nüxna nadaugüxü̃ca̱x rü ngẽmaãcü i choma ya Cori ya Tupana rü tama ngẽma Iraétanüxü̃maxã chanuxü̃ca̱x —ñanagürü ga Cori ya Tupana.
54 Rü nüma ga Iraétanüxü̃ rü yema Cori ya Tupana Moichémaxã nüxü̃ ixuxü̃ãcü nanaxügü ga guxü̃ma.
