Números 31:1-54
31 Rü nüma ga Cori ya Tupana rü Moichémaxã nidexa rü ñanagürü nüxü̃:
2 —¡Ẽcü naxütanü rü nadai i ngẽma Madiáü̃tanüxü̃ erü chixexü̃gu Iraétanüxü̃xü̃ nayixẽxẽ! Rü ngẽmawena, Pa Moichéx, rü tá cuyu —ñanagürü.
3 Rü yexguma ga nüma ga Moiché rü duü̃xü̃güxü̃ ñanagürü: —¡Ñuxre i pema rü penade ya pexnegü nax Cori ya Tupanaégagu peyada̱i̱xü̃ca̱x i ngẽma Madiáü̃tanüxü̃ nax ngẽmaãcü yigü ixütanüxü̃ca̱x naxca̱x ga yema chixexü̃ ga taxca̱x naxügüxü̃ ga Tupanape̱xewa!
4 Rü ngẽmaca̱x i pema rü petücumüwachigü tá ngéma penamugü i 1,000 chigü i churaragü i daiwa ĩxü̃ —ñanagürü.
5 Rü yemaca̱x wüxitücumüchigütanüarü churaragütanüwa nayadexechi ga 1,000 ga churaragü nax yemaacü guxü̃wama 12,000 wa nanguxü̃ca̱x. Rü yemagü rü mea nixãxne nax daiwa naxĩxü̃ca̱x.
6 Rü nüma ga Moiché rü inanamuãchitanü nax daiwa naxĩxü̃ca̱x. Rü nüma ga chacherdóte ga Ereachá nane ga Fineéx nixĩ ga íyaxümücüxü̃. Rü nüma nixĩ ga namaxã inacuáxü̃ ga yema Tupanapataarü yemaxü̃gü ga üünexü̃ ga íyanaxü̃ rü guma cornétagü ga nagu yacuegüne nax ínaxügüeãxü̃ca̱x nax nügü nada̱i̱xü̃.
7 Rü yexguma ga yema Iraétanüxü̃ rü Madiáü̃tanüxü̃maxã nügü nadai. Rü yema Cori ya Tupana Moichémaxã nüxü̃ ixuxü̃rüxü̃ nanadai ga guxü̃ma ga yema Madiáü̃tanüxü̃arü churaragü.
8 Rü nanadai ga yema 5 ga Madiáü̃tanüxü̃arü ãẽ̱xgacügü ga Éwi, rü Requéü̃, rü Chú, rü Úru, rü Réba. Rü yexgumarüxü̃ ta nayama̱xgü ga Balaáü̃ ga Beúx nane.
9 Rü nüma ga Iraétanüxü̃arü churaragü rü ínanayauxü̃ ga yema Madiáü̃tanüxü̃arü ngexü̃gü rü norü buxü̃gü. Rü yexgumarüxü̃ ta nayagagü ga norü wocagü rü togü ga naxü̃nagü rü nayana ga norü yemaxü̃gü.
10 Rü ñu̱xũchi ínanagu ga norü ĩanegü rü guma naigü ga napatagü.
11 31:11-12 Natürü guxü̃ma ga yema ngexü̃gü rü buxü̃gü ga ínayauxü̃xü̃ rü wocagü rü togü ga naxü̃nagü ga yagagüxü̃, rü yéma nanagagü naxü̃tawa ga Moiché rü chacherdóte ga Ereachá rü yema Iraétanüxü̃. Rü nümagü ga Moiché rü Ereachá rü yema Iraétanüxü̃ rü Moáanearü metachinüxü̃wa nayexmagü ga natü ga Yudáü̃arü éstewa ga ĩane ga Yericúarü to̱xma̱xtawa.
12 Nüü̃ nadau 31:11
13 Rü nüma ga Moiché rü chacherdóte ga Ereachá rü guxü̃ma ga yema Iraétanüxü̃arü ãẽ̱xgacügü, rü yema churaragüca̱x nibuxmü nax yéma ínapegüxü̃pemagu nüxü̃ yangaugüxü̃ca̱x.
14 31:14-15 Natürü nüma ga Moiché rü namaxã nanu ga yema churaragüerugü ga 1,000 maxã rü 100 maxã icuáxü̃ ga daiwa ne ĩxü̃, rü ñanagürü nüxü̃: —¿Tü̱xcüü̃ penamaxẽxẽxẽ i ngẽma ngexü̃gü?
15 Nüü̃ nadau 31:14
16 Erü nümagü nixĩ i Balaáü̃arü ucu̱xẽmaxã nawomüxẽẽgüãxü̃ ga Iraétanüxü̃ nax Tupanamaxã nanuexü̃ca̱x rü Baá-peúxü̃ yacua̱xüü̃güxü̃ca̱x. Rü yema chixexü̃gagu nixĩ ga Tupana nada̱i̱xü̃ ga tatanüxü̃.
17 ¡Rü ñu̱xmatama penadai i ngẽma buxü̃gü i yatüxü̃ rü guxü̃ma i ngẽma ngexü̃gü i marü yatümaxã maxẽxü̃!
18 Natürü ngẽma paxü̃gü i taguma yatümaxã maxẽxü̃, rü ngexrüma nax penadaixü̃. ¡Rü pexü̃tawa nangẽxmagü! —ñanagürü.
19 Rü ñanagürü: —Guxãma i pema i marü máetagüxe rüe̱xna nüxü̃ ingógüxe i wüxi i yuxü̃ rü name i 7 i ngunexü̃gu duü̃xü̃gü íngexmagüxü̃arü ĩxpemagu perücho. Rü pemax rü ngẽma duü̃xü̃gü i ípeyauxü̃xü̃ rü ngẽxguma norü tomaepü̱x i ngunexü̃wa nanguxgu rü norü 7 i ngunexü̃wa nanguxgu rü tá pegü piyauxgüxü̃ne.
20 Rü ngẽxgumarüxü̃ tá ta peyayauxgü i guxü̃ma i pexchiru rü guxü̃ma i perü ngẽmaxü̃gü i naxcha̱xmünaxca̱x rü chíbuta̱xanaxca̱x rü mürapewanaxca̱x —ñanagürü.
21 31:21-23 Rü nüma ga chacherdóte ga Ereachá rü guxü̃ma ga yema churaragü ga daiwa ne ĩxü̃xü̃ ñanagürü: —Ñaa nixĩ i wüxi i mu ga Cori ya Tupana Moichémaxã nüxü̃ ixuxü̃: “Üxüwa tá penamexẽxẽ i guxü̃ma i ngẽma ngẽmaxü̃gü i üxüwa tama ixaxü̃ i úirunaxca̱x, rü diẽrumünaxca̱x, rü bróũchenaxca̱x, rü fierunaxca̱x, rü éstañunaxca̱x rü plomunaxca̱x. Natürü guxü̃ma i ngẽma üxüwa ixaxü̃ rü dexá i mexẽẽruü̃wa tá peyayauxgü nax yamexü̃ca̱x.
22 Nüü̃ nadau 31:21
23 Nüü̃ nadau 31:21
24 Rü ngẽxguma 7 i ngunexü̃wa nanguxgu rü tá peyayauxgü i pexchiru rü ngẽmaãcü tá pime. Rü ngẽmawena rü marü name nax pichoxcuxü̃ i duü̃xü̃gü íngẽxmagüxü̃wa” —ñanagürü.
Tupana nüxü̃ nixu nax ñuxãcü tá nügü yanuãxü̃ ga yema yemaxü̃gü ga Madiáü̃tanüxü̃na napuxü̃xü̃
25 31:25-27 Rü nüma ya Cori ya Tupana rü Moichéxü̃ ñanagürü: —¡Rü yimá chacherdóte ya Ereacháarü ngü̃xẽẽmaxã rü ñu̱xũchi ngẽma duü̃xü̃güarü ãẽ̱xgacügüarü ngü̃xẽẽmaxã yaxugü i ngẽma duü̃xü̃gü rü ñu̱xũchi ngẽma naxü̃nagü ga Madiáü̃tanüxü̃na pepuxü̃xü̃! ¡Rü taxregu peyatoye i ngẽma naxü̃nagü, rü ngẽma daiwa ne ĩxü̃na penana i wüxitücumü, rü ngẽma totücumü rü duü̃xü̃güna penana!
26 Nüü̃ nadau 31:25
27 Nüü̃ nadau 31:25
28 31:28-29 Rü ngẽma churaragüna üxü̃wa tá cunayaxu i ngẽma choxna üxü̃ natanüwa i ngẽma duü̃xü̃gü rü ngẽma wocagü, rü búrugü, rü carnérugü. Rü ngẽma wüxitücumü i 500 wa rü tá cunayaxu i wüxi nax choxrü yixĩxü̃ca̱x, rü ñu̱xũchi chacherdóte ya Ereachána tá cuyamu nax ngẽmaãcü chorü ãmare yixĩxü̃ca̱x.
29 Nüü̃ nadau 31:28
30 Rü ngẽma Iraétanüxü̃ i duü̃xü̃güna üxü̃wa rü tá cunayaxu i ngẽma choxna üxü̃ natanüwa i ngẽma duü̃xü̃gü rü ngẽma wocagü, rü búrugü, rü carnérugü. Rü ngẽma wüxitücumü i 50 wa rü tá cunayaxu i wüxi nax choxrü yixĩxü̃ca̱x, rü ñu̱xũchi Lebítanüxü̃na tá cuyamugü, erü nümagü nixĩ i chopatana nadaugüxü̃ —ñanagürü ga Tupana.
31 Rü nüma ga Moiché rü Ereachá rü yema Cori ya Tupana Moichéxü̃ muxü̃ãcü nanaxügü.
32 31:32-35 Rü guxü̃wama ga norü uanügüna napuxü̃xü̃ nixĩ ga 675,000 ga carnérugü, rü 72,000 ga wocagü, rü 71,000 ga búrugü, rü 32,000 ga paxü̃gü ga taguma yatümaxã maxẽxü̃. Natürü tama nayaxugü ga yema naxü̃nagü ga churaragü nügüxü̃ dexü̃.
33 Nüü̃ nadau 31:32
34 Nüü̃ nadau 31:32
35 Nüü̃ nadau 31:32
36 31:36-38 Rü yema churaragüna yaxüxü̃ rü 337,500 ga carnérugü nixĩ. Rü yematanüwa rü 675 nixĩ ga Cori ya Tupanana namugüxü̃. Rü yema 36,000 ga wocatanüwa rü 62 nixĩ ga Cori ya Tupanana namugüxü̃.
37 Nüü̃ nadau 31:36
38 Nüü̃ nadau 31:36
39 31:39-40 Rü yema 30,500 ga búrutanüwa rü 61 nixĩ ga Cori ya Tupanana namugüxü̃, rü yema 16,000 i pacü i taguma yatümaxã maxẽcütanüwa rü 32 nixĩ ga Cori ya Tupanana ngĩxü̃ namugücü.
40 Nüü̃ nadau 31:39
41 Rü nüma ga Moiché rü chacherdóte ga Ereachána nanana ga yema Cori ya Tupanana naxüxü̃ yema Cori ya Tupana namuxü̃ãcüma.
42 31:42-46 Rü yema naxü̃nagü rü pacügü ga churaragü norü uanügüna puxü̃xü̃, rü nüma ga Moiché rü ngãxü̃ nixĩ ga yema tama daiwa ĩxü̃ ga Iraétanüxü̃na namugüxü̃. Rü yema nixĩ ga 337,000 ga carnérugü, rü 36,000 ga wocagü, rü 3,500 ga búrugü, rü 16,000 ga pacügü.
43 Nüü̃ nadau 31:42
44 Nüü̃ nadau 31:42
45 Nüü̃ nadau 31:42
46 Nüü̃ nadau 31:42
47 Rü yema Iraétanüxü̃ ga tama daiwa ĩxü̃na üxü̃wa, rü nüma ga Moiché rü wüxichigü ga 50 wa nanayaxu ga wüxi ga pacü rü wüxi ga naxü̃nachigü, rü ñu̱xũchi yema Lebítanüxü̃ ga Tupanapatawa puracüexü̃na nanamugü, yema Cori ya Tupana nüxü̃ ixuxü̃ãcüma.
48 31:48-49 Rü yexguma ga yema churaragüarü ãẽ̱xgacügü ga 1,000 maxã rü 100 maxã icuáxchigüxü̃, rü Moichéxü̃ ínayadaugü rü nüxü̃ ñanagürügü: —Tomagü nax curü puracütanüxü̃ tixĩgüxü̃ rü tayaxugü i ngẽma churaragü i toxme̱xwa ngẽxmagüxü̃, rü taxuxü̃ma nataxu.
49 Nüü̃ nadau 31:48
50 Rü ñaagü nixĩ i ngẽmaxü̃gü i wüxichigü i toma tórü uanü̃gütanüwa nüxü̃ itayangauxü̃ i úirunaxca̱x i napü̱xme̱xẽgü, rü cadénagü, rü ãneragü, rü naxmachinügü, rü nachagügü. Rü guxü̃ma i ngẽma rü Cori ya Tupanana tayana nax toxü̃́ nüxü̃ iyanangümaxü̃ca̱x i torü pecadugü —ñanagürügü.
51 Rü Moiché rü Ereachá rü nüxna nanade ga guxü̃ma ga yema yemaxü̃gü ga úirunaxca̱x ixĩgüxü̃.
52 Rü 184 quíruarü yexera nixĩ ga nayaxü̃ ga yema úiru ga yéma Tupanaca̱x nanaxü̃ ga yema churaragüerugü ga 1,000 ga churaragümaxã rü 100 ga churaragümaxã icuáxchigüxü̃.
53 Rü wüxichigü ga churara rü ñuxre ga yema úiru ga norü uanügüna napuxü̃xü̃tanüwa Tupanana naxãgü.
54 Rü yemaacü ga Moiché rü Ereachá rü yema churaragüerugüme̱xẽwa nanayauxgü ga yema úirugü ga yéma nanaxü̃. Rü ñu̱xũchi Tupanapatagu nayanu nax yemaacü Cori ya Tupana taguma Iraétanüxü̃xü̃ iyanangümaxü̃ca̱x.
