Números 32:1-42
32 32:1-2 Rü yema Rubéü̃tanüxü̃ rü Gáxtanüxü̃ rü namuxũchi ga naxü̃nagü. Rü yexguma nüxü̃ nadaugügu ga yema Yachéxane rü Garaáxane nax namexü̃ nax naxü̃nagü nawa nayaexẽẽxü̃, rü Moichéxü̃tawa rü chacherdóte ga Ereacháxü̃tawa rü ñu̱xũchi yema duü̃xü̃gümaxã icua̱xgüxü̃xü̃tawa naxĩ. Rü nüxna nayacagü rü ñanagürügü:
2 Nüü̃ nadau 32:1
3 32:3-4 —Ngẽma Atarúane, rü Dibóü̃ane, rü Yachéxane, rü Nimráane, rü Ebóü̃ane, rü Eraréane, rü Chebáü̃ane, rü Nébuane, rü Beóü̃ane rü nüma ga Cori ya Tupana rü marü Iraétanüxü̃na nanaxã. Rü ngẽma naane i maxẽ mea nawa yaxü̃ rü name nixĩ naxca̱x i naxü̃nagü. Rü ngẽma toma nax curü duü̃xü̃gü tixĩgüxü̃ toxü̃́ ngẽxmaxü̃ rü wocagü rü carnérugü nixĩ.
4 Nüü̃ nadau 32:3
5 Rü ngẽxguma curü me yixĩxgu ¡rü toxna naxã i ngẽma naane! ¡Rü taxṹ i natü i Yudáü̃wa toxü̃ quichoü̃xẽxẽxü̃! —ñanagürügü.
6 Natürü ga Moiché rü nanangãxü̃ rü nüxü̃ ñanagürü: —¿Ẽ̱xna pema rü nuatama perüchoxchaü̃ i ngẽxguma petanüxü̃ daiwa ĩxgu?
7 ¿Rü ta̱xacüca̱x ípenaxoõchitanüxẽxẽchaü̃ i ngẽma petanüxü̃ i Iraétanüxü̃ nax ngẽmaãcü tama nawa nangugüxü̃ i ngẽma nachixü̃ane i Cori ya Tupana nüxna ãxü̃?
8 Rü yematama nixĩ ga guxchaxü̃ ga naxügüxü̃ ga yema penatügü ga yexguma Cadé-banéawa chanamugügu nax yangugügüãxü̃ca̱x ga yema naane.
9 Rü nümagü rü ñu̱xmata Ecúarü natüwa nangugü rü nanangugü ya yema naane. Rü yexguma nawoegu̱xgu rü Iraétanüxü̃xü̃ ínayaxoõchitanüxẽxẽ nax yemaacü tama nagu nachocuxü̃ca̱x ga yema nachixü̃ane ga Cori ya Tupana nüxna ãxü̃.
10 32:10-11 Rü yemaca̱x ga yema ngunexü̃gu rü nanu ga Cori ya Tupana, rü nanaxuegu nax yema duü̃xü̃gü ga Equítuanewa íchoxü̃xü̃ ga 20 ga taunecü rüe̱xna yexera nüxü̃́ yexmagüxü̃ rü taxũtáma nüxü̃ nadaugü i ngẽma naane ga Abraáü̃maxã rü Ichaámaxã rü Acóbumaxã naxueguxü̃, yerü yema ngugütaewa ĩxü̃ rü tama Tupanaga naxĩnüe.
11 Nüü̃ nadau 32:10
12 Rü yemaca̱x ga Tupana rü nüxü̃ nixu rü Yeponé ga Quenétanüxü̃ nane ga Caréxicatama, rü Núü̃ nane ga Yochuéxicatama tá nixĩ i nawa ngugüxü̃ i ngẽma naane, yerü nümagü nixĩ ga aixcüma mea Cori ga Tupanaga naxĩnüexü̃.
13 Rü yemaacü ga Cori ya Tupana rü yema Iraétanüxü̃maxã nanu, rü 40 ga taunecü chianexü̃wa nanayexmagüxẽxẽ, ñu̱xmata taxuxü̃ma i maxü̃xü̃ íyaxü ga yema Cori ya Tupanape̱xewa chixexü̃ ügüxü̃.
14 Rü ñu̱xma i pemax, Pa Rubéü̃tanüxü̃ rü Gáxtanüxü̃ i Chixexü̃güarü Üruxü̃ Nanegüx, rü ngẽma penatügücümagutama pexĩxchaü̃ nax ngẽmaãcü wena Iraétanüxü̃maxã penanuxẽẽxü̃ca̱x ya Cori ya Tupana.
15 Rü ngẽxguma taxũtáma Cori ya Tupanawe perüxĩxchaü̃gu i pema, rü nüma rü yexera ya taunecügü tá ñaa chianexü̃wa nanangexmagüxẽxẽ, rü pegagu tá nixĩ i ngẽxguma ngẽxma nayuegu —ñanagürü.
16 Rü yexguma ga yema Rubéü̃tanüxü̃ rü Gáxtanüxü̃ rü Moichéca̱x naxĩ rü nüxü̃ ñanagürügü: —Ngẽma toma tanaxwa̱xexü̃ nixĩ nax nuxã torü carnérupüxü̃ rü tórü wocapǘxü̃ taxügüxü̃, rü ñu̱xũchi ĩanegü nua taxügüxü̃ naxca̱x i toxocügü.
17 Rü ngẽmawena rü tá tanade ya toxnegü, rü nape̱xegu tá taxĩ i ngẽma togü i Iraétanüxü̃ rü ngẽmaãcü tá nüxü̃ tarüngü̃xẽxẽ ñu̱xmata ngẽma norü naanewa tanangugüxẽxẽ. Natürü ngẽma toxocügü rü yoxni yimá ĩanegü ya mea ípoxegugünewa tá nangẽxmagü i ngextá ngẽma duü̃xü̃gü i ñaa naanewa maxẽxü̃ taxucürüwama ínadaixü̃wa.
18 Rü toma rü taxũtáma topataca̱x tawoegu ñu̱xmatáta guxü̃ma i Iraétanüxü̃ nayauxgü i norü naane.
19 Rü ngẽma naane i Yudáü̃arü tocutüwa ngẽxmaxü̃ rü ñu̱xũchi ngẽma naane i yéamaxü̃ra ngẽxmaxü̃ rü toma rü tama tanaxwa̱xe, erü ngẽma toxrü naane rü nuxã Yudáü̃arü éstecutüwaama nangẽxma —ñanagürügü.
20 Rü Moiché nanangãxü̃ rü nüxü̃ ñanagürü: —Rü ngẽxguma aixcüma peyanguxẽẽgu i ngẽma nüxü̃ pixuxü̃ rü name nixĩ i pegü pixüxnegü rü Tupana naxwa̱xexü̃ãcüma ipexĩãchi nax ngẽma uanügümaxã pegü pedaixü̃ca̱x.
21 32:21-22 ¡Rü Tupanaarü ngü̃xẽẽmaxã pexnegümaxã pichoü̃ nawa i natü i Yudáü̃! Rü ngẽma naanewa tá pengẽxmagü ñu̱xmatáta Cori ya Tupana ngẽma naanewa ínawoxü̃ i guxü̃ma i perü uanügü. Rü ngẽmawena rü marü name nax pewoeguxü̃ erü marü peyanguxẽxẽ i ngẽma Cori ya Tupanamaxã nüxü̃ pixuxü̃ rü ngẽma petanüxü̃ i Iraétanüxü̃maxã nüxü̃ pixuxü̃. Rü ngẽxguma i ñaa naane ya Tupana pexca̱x nüxü̃ unetaxü̃ rü tá pexrü nixĩ.
22 Nüü̃ nadau 32:21
23 Natürü ngẽxguma taxũtáma ngẽmaãcü penaxü̱xgux rü wüxi i taxü̃ i chixexü̃ tá pexüe Cori ya Tupanape̱xewa, rü nüma tá pexü̃ napoxcu ega tama peyanguxẽẽgu i ngẽma namaxã nüxü̃ pixuxü̃.
24 ¡Rü pexacügüca̱x ĩanegü pexü̱x rü ñu̱xũchi carnéruchitaxü̃gü, natürü peyangu̱xẽxẽ i ngẽma perü uneta! —ñanagürü.
25 Rü yema Gáxtanüxü̃ rü ñu̱xũchi yema Rubéü̃tanüxü̃ rü nanangãxü̃gü rü Moichéxü̃ ñanagürügü: —Toma i curü puracütanüxü̃ rü tá tanaxü i ngẽma cuma toxü̃ cumuxü̃.
26 Rü yíxema toxma̱xgü rü toxocügü rü torü wocagümaxã rü guxü̃ma i toxü̃nagümaxã daa Garaáxanearü ĩanegüwa tátama tangexmagü.
27 Rü toma nax curü puracütanüxü̃ tixĩgüxü̃ rü tá tanade ya toxnegü rü Cori ya Tupana naxwa̱xexü̃ãcüma daiwa tá taxĩ, ngẽma nümatama toxü̃ namuxü̃rüxü̃ —ñanagürügü.
28 Rü yemaca̱x ga Moiché rü nayaxucu̱xẽ ga chacherdóte ga Ereachá, rü Yochué ga Núü̃ nane, rü yema Iraétücumügüarü ãẽ̱xgacügü, rü ñanagürü nüxü̃:
29 —Rü ngẽxguma aixcüma ãxneãcüma natü i Yudáü̃ wüxigu pemaxã yachoü̃gu i guxü̃ma i ngẽma Gáxtanüxü̃ rü Rubéü̃tanüxü̃ nax Cori ya Tupana pexü̃ rüngü̃xẽẽãcüma pemaxã daiwa naxĩxü̃ca̱x ñu̱xmata peyapugü i ngẽma nachixü̃ane, rü ñu̱xũchi i pema rü tá nüxna penaxã i ñaa Garaáxarü naane nax noxrügü yaxĩxü̃ca̱x.
30 Natürü ngẽxguma taxũtáma ãxneãcüma pemaxã yachoü̃gu, rü ñu̱xũchi Canaáü̃chianewa petanüwa tá nüxü̃́ nangẽxma i norü naane —ñanagürü.
31 Rü yema Gáxtanüxü̃ rü Rubéü̃tanüxü̃ rü Moichéxü̃ nangãxü̃gü rü ñanagürügü: —Toma nax curü duü̃xü̃gü tixĩgüxü̃ rü tá tanaxü i ngẽma Cori ya Tupana toxü̃ muxü̃.
32 Rü Cori ya Tupanaga taxĩnüeãcüma ãxneãcüma tá nagu tachocu i ngẽma Canaáü̃chiane. Natürü ñaa naane i Yudáü̃arü éstewaama ngẽxmaxü̃ rü toxna tá naxü nax ngẽmaãcü tóxrü yixĩxü̃ca̱x —ñanagürügü.
33 Rü yemaacü ga Moiché rü yema Gáxtanüxü̃na, rü Rubéü̃tanüxü̃na, rü Yúche nane ga Manachétanüxü̃arü ngãxü̃tücumüna nanaxã ga yema naane ga Amoréugüarü ãẽ̱xgacü ga Chióü̃arü naane rü yema Bacháü̃arü ãẽ̱xgacü ga Óxarü naane. Rü yema naanemaxã nüxna nanaxã ga guma ĩanegü ga nawa yexmagüne rü ñu̱xũchi yema wocachitaü̃gü ga guma ĩanegüna ügüxü̃.
34 32:34-36 Rü yema Gáxtanüxü̃ rü nayamexẽẽgü ga ĩanegü ga Dibóü̃, rü Atarú rü Aroé, rü Atarú-chopáü̃, rü Yachéx, rü Yobeá, rü Bex-nimrá, rü Bex-aráü̃. Rü ñu̱xũchi ínanapoxegugü ga guma ĩanegü, rü nanaxüpǘxü̃ ga norü carnérugü.
35 Nüü̃ nadau 32:34
36 Nüü̃ nadau 32:34
37 32:37-38 Rü yema Rubéü̃tanüxü̃ rü nayamexẽẽgü ga ĩanegü ga Ebóü̃, rü Eraré, rü Quiriataíü̃, rü Nébu, rü Baá-meóü̃, rü Chibá. Rü nümaxü̃ne ga guma ĩanegü ga yamexẽẽgüne rü nanaxüchicüxü ga naéga rü to ga naégagu nanaxüéga.
38 Nüü̃ nadau 32:37
39 Rü yema Manaché nane ga Maquítanüxü̃ rü Garaáxanegu nachocu rü ñu̱xũchi nayapugü rü ínanawoxü̃ ga yema Amoréutanüxü̃ ga yéma maxẽxü̃.
40 Rü yemaca̱x ga nüma ga Moiché rü Maquítanüxü̃na nanaxã ga yema Garaáxane. Rü yemaacü ga nümagü rü yexma naxãchiü̃gü.
41 Rü Yaí ga Manachétanüxü̃ ixĩxü̃ rü nanapuxü̃ ga ñuxre ga Amoréugüarü ĩanexacügü rü ñu̱xũchi Abóx-yaígu nanaxüéga.
42 Rü nüma ga Nóba rü nayapu ga ĩane ga Quenáx rü ñu̱xũchi guma ĩanexacügü ga nacüwawa yexmagüne, rü nügügutama nanaxüéga.
