Números 33:1-56
33 Rü ñaagü tá nixĩ ga yema nachicagü ga Iraétanüxü̃ nawa ngugüxü̃ ga yexguma Equítuanewa ñoma churaragürüxü̃ yachimaãcü ínachoxü̃gu. Rü nüma ga Moiché rü Aróü̃ nixĩ ga namaxã icua̱xgüxü̃.
2 Rü nüma ga Moiché nayaxümatüchigü ga yema nachicagü ga nawa íyachoxü̃etanüxü̃ rü yema nawa yangugüetanüxü̃, yema Cori ya Tupana namaxã nüxü̃ ixuxü̃rüxü̃. Rü ñaagü nixĩ ga yema nachicagü ga nawa íyachoxü̃etanüxü̃ rü nawa yangugüetanüxü̃.
3 33:3-4 Rü yema Iraétanüxü̃ rü taunecü namaxã ixügücü ga tauemacüarü 15 ga ngunexü̃gü Ramchéwa ínachoxü̃ ga Üpetüchigaarü petachigaarü moxü̃ãcü. Rü tama muü̃ãcüma ínachoxü̃ yerü Tupana rü taxü̃ ga norü poramaxã nüxü̃ narüngü̃xẽxẽ. Rü yema Equítuanecüã̱xgüpe̱xewa ínachoxü̃ ga yexguma tüxü̃ inata̱xgüyane ga guxema nanegü ga rüyamaegüxe ga Cori ya Tupana tüxü̃ daixe. Rü yemaacü nixĩ ga Tupana poxcu namaxã ueguxü̃ ga yema Equítuanecüã̱xgüarü tupananetagü.
4 Nüü̃ nadau 33:3
5 Rü yema Iraétanüxü̃ rü Ramchéwa inaxĩãchi rü Chucóxwa nangugü rü yexma narücho.
6 Rü yéma Chucóxwa inaxĩãchi rü Etáü̃wa nangugü ga chianexü̃arü üyeanewa.
7 Rü Etáü̃wa inaxĩãchi. Rü ínachoegu rü Pi-airóx ga Baá-chepóü̃arü éstewa ngẽxmaxü̃ca̱x nawoegu. Rü Midóxarü to̱xma̱xtawa nangugü, rü yexma narücho.
8 Rü Pi-airóxwa inaxĩãchi, rü márwa nichoü̃, rü Etáü̃arü chianexü̃wa nangugü. Rü tomaepü̱x ga ngunexü̃ nagu naxĩ ga yema chianexü̃ rü ñu̱xmata Maráwa nangugü. Rü yexma narücho.
9 Rü yéma Maráwa inaxĩãchi rü Eríü̃wa nangugü ga ngextá 12 ga dexáarü chuxchuxü̃ rü 70 ga cucugü íyexmagüxü̃wa, rü yexma narücho.
10 Rü Eríü̃wa inaxĩãchi rü Már ga Dauchíüxü̃pechinüwa nangugü rü yexma narücho.
11 Rü Már ga Dauchíüxü̃pechinüwa inaxĩãchi rü chianexü̃ ga Chíü̃wa nangugü rü yexma narücho.
12 Rü chianexü̃ ga Chíü̃wa inaxĩãchi rü Doxcáwa nangugü rü yexma narücho,
13 Rü Doxcáwa inaxĩãchi rü Arúwa nangugü rü yexma narücho.
14 Rü Arúwa inaxĩãchi rü Refidíü̃wa nangugü rü yexma narücho. Rü yéma nixĩ ga yema Iraétanüxü̃axü̃́ nataxuxü̃ ga dexá nax naxaxegüxü̃ca̱x.
15 Rü Refidíü̃wa inaxĩãchi rü chianexü̃ ga Chinaíwa nangugü rü yexma narücho.
16 Rü chianexü̃ ga Chinaíwa inaxĩãchi rü Quibúx-ataabá nangugü. Rü yexma narücho.
17 Rü Quibúx-ataabá inaxĩãchi rü Acheróxwa nangugü. Rü yexma narücho.
18 Rü Acheróxwa inaxĩãchi rü Rixmáwa nangugü. Rü yexma narücho.
19 Rü Rixmáwa inaxĩãchi rü Rimóü̃-pérewa nangugü. Rü yexma narücho.
20 Rü Rimóü̃-pérewa inaxĩãchi rü Lixnáwa nangugü. Rü yexma narücho.
21 Rü Lixnáwa inaxĩãchi rü Richáwa nangugü. Rü yexma narücho.
22 Rü Richáwa inaxĩãchi rü Queerátawa nangugü. Rü yexma narücho.
23 Rü Queerátawa inaxĩãchi rü ma̱xpǘne ga Chépewa nangugü. Rü yexma narücho.
24 Rü ma̱xpǘne ga Chépewa inaxĩãchi rü Aradáwa nangugü. Rü yexma narücho.
25 Rü Aradáwa inaxĩãchi rü Maqueróxwa nangugü. Rü yexma narücho.
26 Rü Maqueróxwa inaxĩãchi rü Taxáxwa nangugü. Rü yexma narücho.
27 Rü Taxáxwa inaxĩãchi rü Térawa nangugü. Rü yexma narücho.
28 Rü Térawa inaxĩãchi rü Mixcáwa nangugü. Rü yexma narücho.
29 Rü Mixcáwa inaxĩãchi rü Achamonáwa nangugü. Rü yexma narücho.
30 Rü Achamonáwa inaxĩãchi rü Mocheróxwa nangugü. Rü yexma narücho.
31 Rü Mocheróxwa inaxĩãchi rü Bené-yaacáü̃wa nangugü. Rü yexma narücho.
32 Rü Bené-yaacáü̃wa inaxĩãchi rü Guigáxarü ma̱xpǘnewa nangugü. Rü yexma narücho.
33 Rü Guigáxarü ma̱xpǘnewa inaxĩãchi rü Yobátawa nangugü. Rü yexma narücho.
34 Rü Yobátawa inaxĩãchi rü Abrunáwa nangugü. Rü yexma narücho.
35 Rü Abrunáwa inaxĩãchi rü Echióü̃-guébewa nangugü. Rü yexma narücho.
36 Rü Echióü̃-guébewa inaxĩãchi rü chianexü̃ ga Chíü̃wa nangugü ga Cadéwa. Rü yexma narücho.
37 Rü Cadéwa inaxĩãchi rü ma̱xpǘne ga Órwa nangugü ga Edóü̃anearü üyeanewa. Rü yexma narücho.
38 Rü nüma ga chacherdóte ga Aróü̃ rü yema Cori ya Tupana namaxã nüxü̃ ixuxü̃rüxü̃ guma ma̱xpǘne ga Órgu naxĩnagü rü yexma nayu. Rü marü ningu ga 40 ga taunecü nax Equítuanewa ínachoxü̃xü̃ ga Iraétanüxü̃. Rü gumá taunecüarü wüxime̱e̱xpü̱x ga tauemacüarü nüxíraxü̃xü̃ ga ngunexü̃gu nixĩ ga nayuxü̃.
39 Rü yexguma guma ma̱xpǘne ga Órgu nayu̱xgu ga Aróü̃ rü 123 ga taunecü nüxü̃́ nayexma.
40 Rü yema Canaáü̃tanüxü̃ ga ãẽ̱xgacü ga Arácüã̱x ga Néguewa maxü̃xü̃ ga Canaáü̃anewa rü nüxü̃ nacuáchiga nax yéma nangugüxü̃ ga Iraétanüxü̃.
41 Rü nüma ga Iraétanüxü̃ rü ma̱xpǘne ga Órwa inaxĩãchi rü Charmonáwa nangugü. Rü yexma narücho.
42 Rü Charmonáwa inaxĩãchi rü Punóü̃wa nangugü. Rü yexma narücho.
43 Rü Punóü̃wa inaxĩãchi rü Obóxwa nangugü. Rü yexma narücho.
44 Rü Obóxwa inaxĩãchi rü Iyé-abaríü̃wa nangugü ga Moáanearü üyeanewa. Rü yexma narücho.
45 Rü Iyé-abaríü̃wa inaxĩãchi rü Dibóü̃-gáxwa nangugü. Rü yexma narücho.
46 Rü Dibóü̃-gáxwa inaxĩãchi rü Amóü̃-dibrataíü̃wa nangugü. Rü yexma narücho.
47 Rü Amóü̃-dibrataíü̃wa inaxĩãchi rü Abaríü̃arü máxpüxanexü̃wa nangugü ga Nébuarü éstewa. Rü yexma narücho.
48 Rü Abaríü̃arü máxpü̱xanexü̃wa inaxĩãchi rü Moáanearü metachinüxü̃wa nangugü ga natü ga Yudáü̃cutüwa ga Yericúarü to̱xma̱xtawa. Rü yexma narücho.
49 Rü yemaacü ga yema Iraétanüxü̃ rü Yudáü̃cutüwa nayexmagü ga Moáanearü metachinüxü̃wa. Rü ĩane ga Bex-yechimóxwa inaxügü rü ñu̱xmata ĩane ga Abé-chitíü̃wa nangu nax naxüãcuaneãxü̃.
50 Rü nüma ga Cori ya Tupana rü Moichémaxã nidexa ga yexguma Moáanearü metachinüxü̃wa nayexmagu ga natü ga Yudáü̃cutüwa ga Yericúarü to̱xma̱xtawa. Rü ñanagürü nüxü̃:
51 33:51-52 —¡Ẽcü ngẽma Iraétanüxü̃maxã nüxü̃ ixu i ñaa ore!: “Rü ngẽxguma pema tá pichoü̃gu i ngẽma natü i Yudáü̃ rü nawa pichocu̱xgu i ngẽma Canaáü̃cüã̱xgüarü naane, rü ¡ẽcü ípenawoxü̃ i guxü̃ma i ngẽma duü̃xü̃gü nawa i ngẽma naane! ¡Rü nagu pepogüe i guxü̃ma i norü tupananetachicüna̱xãgü i nutanaxca̱x rü úirunaxca̱x rü diẽrumünaxca̱x! ¡Rü ngẽxgumarüxü̃ ta nagu pepogüe i guxü̃ma i norü ãmaregüarü guruü̃gü i ma̱xpǘnegüwa ngẽxmagüxü̃!
52 Nüü̃ nadau 33:51
53 ¡Rü penapu i ngẽma nachixü̃ane! ¡Rü ngẽxma nagu pexãchiü̃gü! Erü chomatama pexna chanaxã nax pema nawa pemaxẽxü̃ca̱x.
54 Natürü ngẽxguma pegü peyanuxgu i ngẽma naane rü wüxitücumüwachigü tá nanayaxu i ngẽma nagu nanguxü̃. Rü ngẽma natücumü i rümumaexü̃ rü tá nanayauxgü i rütamaexü̃ i naane. Rü ngẽma natücumü i rünoxremaexü̃ rü tá nanayauxgü i ngẽma rüxíramaexü̃ i naane. Rü ngẽmaãcü wüxitücumüwachigü tá nanayaxu i ngẽma naane i nagu nanguxü̃.
55 Natürü ngẽxguma ngẽma naane peyauxgügu i pema rü tama nawa ípenawoxü̃gu i guxü̃ma i ngẽma duü̃xü̃gü i ngẽma naanegu ãchiü̃güxü̃, rü ngẽma ngéma yaxǘgüxü̃ rü tá pexü̃ ngéma nachixewe ñoma wüxi i naixtüchi i pexetügu nguxgurüxü̃, rü ñoma wüxi ya tuxugu pengu̱xgurüxü̃ tá nixĩ.
56 Rü ngẽxguma tama ípenawoxü̃gu rü choma rü tá pexü̃ama chapoxcu namaxã i ngẽma poxcu i ngẽma duü̃xü̃güca̱xchire̱x ixĩxü̃” —ñanagürü ga Cori ya Tupana.
