Proverbios 30:1-33
30 Nüma ga Agúru rü Yaqué ga Machácüã̱x nane nixĩ. Rü ñaa nixĩ ga Agúruarü ore ga Itiémaxã rü Ucáxmaxã nüxü̃ yaxuxü̃.
2 Norü orewa rü ñanagürü: —Pemaxã nüxü̃ chixu rü choma rü guxü̃ i duü̃xü̃güarü yexera taxuxü̃ma cuáxe chixĩ i Tupanachiga. Rü choma nax duü̃xü̃mare chixĩxü̃ rü chowa nataxuma i ngẽma cua̱x.
3 Taguma naxca̱x changu̱x rü ngẽmaca̱x tama aixcüma nüxü̃ chacua̱x i nachiga ya Tupana ya Üünecü.
4 ¿Texé tixĩ ya yíxema marü daxũguxü̃ i naanegu ĩnagüxe rü ngéma írüxĩxe? ¿Rü texé tügüme̱xẽgu tayayauxema ya buanecü? ¿Rü texé tügüchirugu tananuque i már? ¿Rü texé nüxü̃ tixu nax ngexta yacuáxü̃ i ñoma i naane? ¿Rü texé nüxü̃ tacua̱x i naéga rü naneéga?
5 Nüma ya Cori ya Tupana rü tüxü̃ ínapoxü̃ ya yíxema nüxü̃́ yaxõgüxe. Rü guxü̃ma i norü unetagü rü aixcüma nixĩ, rü name nax nüxna rüyoexü̃.
6 Tama name i cunayexeraxẽxẽ i Tupanaarü ore. Erü ngẽxguma cunaxüétügu, rü nüma rü ngürüãchi tá cuxna naca, rü ngẽmaãcü tá dorata̱xáxü̃ quixĩ.
7 Pa Tupanax, taxre i ngü̃xẽẽxicatama nixĩ i cuxna naxca̱x chacaxü̃.¡Choxna naxã i ngẽma taxre naxü̃pa nax chayuxü̃!
8 ¡Rü choxü̃ rüngü̃xẽxẽ nax tama chidoraxü̃ca̱x!Rü tama chanaxwa̱xe nax choxü̃ cumuarü diẽruã̱xẽẽxü̃ rüe̱xna changearü diẽruã́xü̃.¡Rü ẽcü choxna naxã i ngẽma nagu mexü̃ nax choxü̃́ nangẽxmaxü̃ca̱x i wüxichigü i ngunexü̃arü õna!
9 Erü ngẽxguma chi chamuarü diẽruã̱xgu rü íyaxüxgu, rü ngürüãchi ngẽmagagu cuxü̃ icharüngüma.Rü ngẽxguma chi changearü diẽruã̱xgu, rü chi changĩ̱x, rü ngẽmagagu chi chixri cuchiga nidexagü i duü̃xü̃gü.
10 Tama name i norü coripe̱xewa chixri nachiga quidexa i norü mugüruxü̃. Erü nüma i norü cori, rü ngürüãchi tá chixexü̃ cumaxã naxuegu, rü ngẽmagagu tá ngúxü̃ quinge.
11 Nangexma i duü̃xü̃gü i nanatümaxã chixexü̃ uegugüxü̃ rü tama naéxü̃ ngechaü̃güxü̃.
12 Rü nangẽxma i duü̃xü̃gü i nügü írümearü maxü̃ã̱xgüxü̃, natürü tama nüxü̃ narüxoe i nacüma i chixexü̃.
13 Nangexma i duü̃xü̃gü i guxãétüwa nügü ügüxẽẽchaü̃xü̃. Rü ngẽmaãcü nügügu narüxĩnüe nax togüarü yexera yaxĩgüxü̃.
14 Rü nangẽxma i duü̃xü̃gü i tümachi aiexü̃ ya yíxema ngearü diẽruã̱xgüxe. Napütagü rü ñoma taragü rü ñoma cüxchigürüxü̃ nixĩgü, rü norü numaxã tüxü̃ inayarüxoxẽẽchaü̃ ya guxãma ya yíxema ngearü diẽruã̱xgüxe ya nachixü̃anewa ngẽxmagüxe.
15 30:15-16 Ngẽma õxmachixi rü nüxü̃́ nangẽxma i taxre i naxacügü i ñagüechaxü̃: “¡Choxna naxã, choxna naxã!” ñagüechaxü̃. Nangexma i tomaepü̱x rüe̱xna ãgümücü i ta̱xacü i taguma nüxü̃́ inguxü̃:yuetamaxü̃, rüngexü̃ i ngexacüxü̃, rüwaixü̃mü i ngearü dexáã́xü̃, rüüxü ya taguma ixoxü̃ne.
16 Nüü̃ nadau 30:15
17 Yíxema tümanatüxü̃ cugüxe, rü tümaégu idauxcüraxü̃xe, rü name i ngurucugü tüxü̃ naca̱u̱xü̃xetü, rü ẽxchagü tüxü̃ nangõ̱xgü.
18 30:18-19 Nangexma i tomaepü̱x rüe̱xna ãgümücü i nacüma i choxü̃́ guxchaxü̃ nax nüxü̃ chacuáxü̃, rü ñaagü nixĩ:ñuxãcü dauxü̃gu yañaxü̃ i ngẽma ĩyü, rüta̱xacümaxã nügü yatúmarexü̃ i ngẽma ãxtape, rüñuxãcü mea natoxpe̱xexü̃ ya wapuru ya taxüchine i márwa, rüñuxãcü wüxi i ngextü̱xücü rü wüxi i pacümaxã nügüxü̃́ nangúchaü̃güxü̃.
19 Nüü̃ nadau 30:18
20 Wüxi i ngexü̃ i natena ngeãẽxü̃, rü nachibü rü naya̱u̱xa̱x, rü norü ĩnüwa rü ñanagürü: “Taxuxü̃ma i chixexü̃ chaxü”, ñanagürü.
21 30:21-23 Nangexma i natomaepü̱xraxü̃xü̃ rüe̱xna naxãgümücüraü̃xü̃ i duü̃xü̃gü i taxuacüma yáxna namaxã ixĩnüxü̃. Ngẽmagü rü nanamuü̃exẽxẽ i wüxi i nachixü̃aneacu, rü ñaagü nixĩ:
ãẽ̱xgacüwa nanguxü̃ i wüxi i duü̃xü̃ i mugüruxü̃ ixĩxü̃,ngẽma duü̃xü̃ i naechita maxü̃xü̃ rü norü õna íyaxüxüchixü̃,ngẽma ngexü̃ i nüxü̃ naxoexü̃ rü naxãteama,ngẽma naxü̃taxü̃ i norü chiũraxü̃ yaputéxü̃.
22 Nüü̃ nadau 30:21
23 Nüü̃ nadau 30:21
24 30:24-28 Nangexma i ãgümücü i naweane i cua̱x nüxü̃́ ngẽxmaxü̃ i ngẽma nüxü̃ cua̱xüchixü̃arü yexera ixĩgüxü̃, rü ñaagü nixĩ:tachiwagü, rü woo tama naporae natürü taunecügu rü nananutaque̱xe i nawemü, rüconéyugü, rü woo tama namuxũchichire̱x natürü nutatanügu naxüxmaxü̃gü, rümunügü, rü woo nangearü ãẽ̱xgacüã̱x, mea nügü naxüxchimüü̃ ega inaxĩxgu, rüngairegü, rü woo tauxchaãcü taxme̱xmaxã tayayaxu, natürü ãẽ̱xgacüpatawa nangẽxmagü.
25 Nüü̃ nadau 30:24
26 Nüü̃ nadau 30:24
27 Nüü̃ nadau 30:24
28 Nüü̃ nadau 30:24
29 30:29-31 Nangexma i tomaepü̱x rüe̱xna ãgümücü i poraexü̃ i ngẽxguma yaxũxgu, rü tama muü̃xü̃, rü ñaagü nixĩ:leóü̃ i yexera nüxü̃ imuü̃xü̃ i taxuecha̱xwa iñaxü̃, rüota i yatüxü̃ i nügü írütaxü̃, rüchíbu i yatüxü̃, rünachixü̃anearü ãẽ̱xgacü ya norü churaragüpe̱xegu ixũcü.
30 Nüü̃ nadau 30:29
31 Nüü̃ nadau 30:29
32 Ngẽxguma chi cuechitamare cugü quicua̱xüxü̃gu, rüe̱xna nagu curüxĩnügu nax chixexü̃ tá cuxüxü̃, rü name nixĩ i mea nagu curüxĩnü.
33 Ngẽxguma chi lechi quibáegu rü tá nawa cunayaxu i mantequiya. Rü ngẽxguma chi cugüráü̃ quidagügu, rü tá cuduráü̃, rü ngẽxguma chi toguxemaxã cunuxgu rü dai tá ínangu —ñanagürü ga Agúru.
