Proverbios 7:1-27
7 Pa Chaunex, ¡naga naxĩnü i chorü ore, rü cugüãẽgu namaxã nanguxü̃ i chorü mugü!
2 ¡Rü naga naxĩnü i ngẽma chorü mugü rü chorü ngu̱xẽẽtaegü, rü nüxna nadau ñoma cugüxetüna cudauxü̃rüxü̃! Ngẽxguma naga cuxĩnügu rü tá cumaxü̃.
3 ¡Rü chorü mugümaxã cugü nanga̱xcume̱xẽ rü cugüãxẽgu namaxã nanguxü̃!
4 ¡Rü ñoma wüxi ya cueya̱xrüxü̃ yaxĩxẽxẽ i ngẽma cua̱x, rü cugümücü yaxĩxẽxẽ nax cuãxẽxü̃ cucuáxü̃ca̱x!
5 Erü ngẽma cua̱x rü tá cuxü̃ ínapoxü̃ nüxna i ngẽma ngexü̃ i chixri natena maxü̃xü̃, rü tá cuxü̃ ínapoxü̃ nüxna i ngẽma ngexü̃ i ngeãẽxü̃ i norü dexamaxã cuxü̃́ nügü ngúchaü̃xẽẽxü̃.
6 7:6-7 Choma rü wüxi ga ngunexü̃ chorü beü̃tánamachate̱xewa ichadawenü rü nüxü̃ chadau ga ñuxre ga ngextü̱xüxü̃gü ga tama cua̱x nüxü̃́ yexmagüxü̃, rü meama nüxü̃ chadawenü ga yema natanüwa yexeraãcü tama cua̱x nüxü̃́ yexmaxü̃.
7 Nüü̃ nadau 7:6
8 Yexguma namaarü poeguãchiwa nanguxgu ga yema ngextü̱xüxü̃, rü nixüe ga namawa rü meama yema ngexü̃ íxãpataxü̃wa naxũ.
9 Yexguma rü marü nayáuane rü nixeanechigü.
10 7:10-12 Rü yema ngexü̃ ga chixri natena maxü̃xü̃ rü yema ngextü̱xüxü̃ca̱x nixũ. Rü ngẽma nacüma i wüxi i ngexü̃ i naxü̃nemaxã taxexü̃rüxü̃ nixĩ. Rü tama norü me nixĩ nax napatawa nayexmaxü̃. Rü namagüwa i yatügü ímuxü̃wa naxũ, rü namagüarü põõchigu nachi nax yéma yatügüxü̃ yanguxẽẽxü̃ca̱x nax naxme̱xgu tanguxü̃ca̱x ya texé tüxíra ixũũchíxe.
11 Nüü̃ nadau 7:10
12 Nüü̃ nadau 7:10
13 Nüma ga yema ngexü̃ rü yema ngextü̱xüxü̃na nana̱i̱xãchi rü nanachúxu, rü tama naxãne rü ñanagürü nüxü̃:
14 —¡Nua chauxü̃tawa naxũ! Erü õna i chorü tupanagüna chaxuaxü̃xü̃ íchamexẽxẽ rü tá cumaxã chachibü. Ñu̱xma chayanguxẽxẽ i ngẽma uneta i chorü tupanagümaxã nüxü̃ chixuxü̃ nax ngẽmaãcü chomaxã nataãẽgüxü̃ca̱x.
15 Rü ngẽmaca̱x cuxca̱x íchaxũxü̃ nax cuxü̃ chadauxü̃ca̱x, rü ñu̱xma rü marü cuxü̃ ichayangau.
16 7:16-17 Chorü pechicaxü̃gu chanacha̱xa i wüxi i mexẽchixü̃ i chauchapenüxü̃ i línunaxca̱x i Equítuanewa üxü̃, rü ñu̱xũchi pumara i míra rü álo rü canelamaxã chanapaacaema.
17 Nüü̃ nadau 7:16
18 ¡Nua naxũ rü yigümaxã tamaxẽ ñu̱xmatáta yangune!
19 Erü chaute rü nataxuma i nua ĩpatawa erü yáxü̃wama naxũ.
20 Rü taxũtáma paxa ínangu erü wüxi i chocaãcu i diẽru ngĩxü̃ íninge, rü ngẽmaca̱x tauemacüarü tüemagu tá ínangu —ñanagürü.
21 Norü dexa ga maixcuraxü̃maxã nanachixewe rü düxwa nanangĩãẽraxü̃ ga yema ngextü̱xüxü̃.
22 7:22-23 Rü yexguma ga yema ngextü̱xüxü̃ rü ngĩwe narüxũ ñoma wüxi i woca i norü ma̱xwa igaxü̃rüxü̃, rü yema ngextü̱xüxü̃ rü ñoma wüxi i cowü i yütagu nguxü̃, rü ñu̱xũchi wüxi ya chuxchi norü maxü̃newa rüwáxü̃rüxü̃ nixĩ. Rü ñoma wüxi i weri i norü yauxruü̃gu nguxü̃ tama nüxü̃ nacuáãcüma nax ngẽxma tá nayuxü̃rüxü̃ nixĩ.
23 Nüü̃ nadau 7:22
24 Ngẽmaca̱x, Pa Chaunex, ¡choxü̃́ irüxĩnü rü naga naxĩnü i chorü ucu̱xẽgü!
25 ¡Rü taxṹ i nagu curüxĩnüxü̃ i ngẽma ngexü̃ i chixri natena maxü̃xü̃! ¡Taxṹ i nagu cugü curütauxẽxẽxü̃ nax nawe ícuñaü̃xü̃!
26 Erü muxẽma yuwa tüxü̃ nagagü rü muxẽma naxme̱xgu tarütauxe.
27 Rü ngẽxguma ngẽma nama i napatawa nadaxü̃gu quixũxgu rü yuwa nixĩ i cuxũxü̃.
