Jeremías 45:1-5
45 Rü yexguma ãgümücü ga taunecü marü Yudáanearü ãẽ̱xgacü yixĩxgu ga Yoaquíü̃ ga Yochía nane, rü nüma ga Tupanaarü orearü uruxü̃ ga Yeremía, rü poperaarü ümatüruxü̃ i Barúx ga Nería nanemaxã nüxü̃ nixu ga Tupanaarü ore nax naxümatüaxü̃ca̱x. Rü nüma ga Yeremía rü Barúxü̃ ñanagürü:
2 45:2-3 —Cuma, Pa Barúx, rü ñacurügü: “Chaugümaxã changechaü̃. Rü ngẽma Cori ya Tupana cha̱u̱xca̱x ínguxẽẽxü̃ rü guxchaxü̃gü rü ngúxü̃güxicatama nixĩ. Rü ngẽmaca̱x marü düxwa chipa nax chaxaxuxü̃, rü taguma wüxi i taãxẽ chayaxu”, ñacurügü.
3 Nüü̃ nadau 45:2
4 Natürü nüma ya Cori ya Tupana rü cuchiga nidexa rü ñanagürü: “Choma rü tá ichayanaxoxẽxẽ i ngẽma chomatama chaxüxü̃, rü tá chanabe̱x i ngẽma ichatogüxü̃. Rü ngẽmaãcü tátama namaxã chaxü i guxü̃ma i ñaa naane.
5 ¿Ẽ̱xna cuma naxca̱x ícuca̱xaxü̃ i ta̱xacü i cugüca̱xicatama ixĩxü̃? ¡Rü taxṹ i naxca̱x ícuca̱xaxü̃! Erü choma rü tá íchananguxẽxẽ i taxü̃ i guxchaxü̃gü naxca̱x i guxü̃ma i duü̃xü̃gü. Natürü i cuma rü tá cuxna chadau nax tama cuyuxü̃ca̱x i ngextá ícuxũxü̃wa. Rü chomatama ya Tupana nixĩ i ngẽma ñachaxü̃ cuxü̃”, ñanagürü —ñanagürü ya Yeremía.
