Nehemías 10:1-39
10 Rü ñaagü nixĩ ga naégagü ga yema duü̃xü̃gü ga yema poperagu naxümatüégaxü̃: Choma ga ãẽ̱xgacü ga Neemía ga Acaría nane, rü Chedequía,
2 rü Cheraía, rü Acharía, rü Yeremía,
3 rü Pachú, rü Amaría, rü Maquía,
4 rü Atú, rü Chebanía, rü Marúx,
5 rü Aríü̃, rü Meremóx, rü Adía,
6 rü Danié, rü Guinetóü̃, rü Barúx,
7 rü Mechuráü̃, rü Abía, rü Miyamíü̃,
8 rü Maachía, rü Bigái rü Chemaía. Rü yemagü rü chacherdóte nixĩgü.
9 Rü yema Lebítanüxü̃ nixĩgü ga Yochué ga Achanía nane, rü Binuí ga Enadáx nataxa, rü Caxmié,
10 rü naenexẽgü ga Chebanía, rü Odía, rü Queritá, rü Peraía rü Anáü̃,
11 rü Micaía, rü Reóx, rü Achabía,
12 rü Chacúx, rü Cherebía, rü Chebanía,
13 rü Odía, rü Baní, rü Benínu.
14 Rü yema Iraétanüxü̃arü ãẽ̱xgacügü nixĩgü ga Paró, rü Paxá-moá, rü Eráü̃, rü Chatú, rü Baní,
15 rü Binuí, rü Agáx, rü Bebái,
16 rü Adonía, rü Bixbái, rü Adíü̃,
17 rü Até, rü Echequía, rü Achúx,
18 rü Odía, rü Achúü̃, rü Bechái
19 rü Arí, rü Anató, rü Nebái,
20 rü Mapía, rü Mechuráü̃, rü Echí,
21 rü Mechechabé, rü Chadóx, rü Yadúa,
22 rü Peratía, rü Anáü̃, rü Ananía,
23 rü Ochéa, rü Ananía, rü Achúx,
24 rü Aroé, rü Pilá, rü Chobéx,
25 rü Reúü̃, rü Achaná, rü Maachía,
26 rü Aía, rü Yanáü̃, rü Anáü̃,
27 rü Marúx, rü Aríü̃ rü Baaná.
28 Rü guxü̃ma ga yema togü ga duü̃xü̃gü ga chacherdótegü, rü Lebítanüxü̃, rü Tupanapata ga taxü̃nearü ĩã̱xarü dauruü̃gü, rü wiyaetanüxü̃, rü yema Tupanapata ga taxü̃newa puracüexü̃ rü nüxü̃ nixugüe nax aixcüma tá yanguxẽẽgüãxü̃ ga Tupanaarü mugü. Rü yexgumarüxü̃ ta inaxunetagü ga guxü̃ma ga yema Iraétanüxü̃ ga wüxigu naxma̱xgümaxã rü naxacügümaxã nüxna ixĩgachitanüxü̃ ga yema togü ga nachixü̃anecüã̱xgü ga tama Tupanaxü̃ cua̱xgüxü̃.
29 Rü guxãma ga toma rü mea tanayauxgü ga yema uneta rü nüxü̃ tixu nax aixcüma tá mea naga taxĩnüexü̃ i ngẽma Tupanaarü mugü rü ucu̱xẽgü ga nüma ya Tupana norü duü̃ ga Moichéna naxãxü̃.
30 Rü wüxigu nüxü̃ tixu rü taxũtáma tanaxwa̱xe nax toxocügü rü tonegü rü ngẽma duü̃xü̃gü i tama Iraétanüxü̃ ixĩgüxü̃maxã yaxãtexü̃ rüe̱xna yaxãmaxü̃.
31 Rü nüxü̃ tixu rü ngẽxguma ngẽma duü̃xü̃gü i tama Iraétanüxü̃ ixĩgüxü̃ ngü̃chigaarü ngunexü̃gu norü ngẽmaxü̃gümaxã núma yataxegügu rüe̱xna guxü̃raü̃xü̃ i trigute̱xemaxã nataxegügu, rü taxũtáma nüxü̃́ naxca̱x tataxegü rü bai i ngü̃chigaarü ngunexü̃gu rü bai i to i ngunexü̃ i nagu Tupanaca̱x ixaurexü̃gu. Rü nüxü̃ tixu rü ngẽxguma norü 7 ya taunecüwa nanguxgu rü taxũtáma tatoegü rü ngẽxma tá inayarüxo i guxü̃ma i ngetanügü.
32 Rü togümaxã nüxü̃ tixu rü wüxichigü ya taunecügu nax itanaxãgüxü̃ i ãgümücü i gramu i diẽrumü nax ngẽmamaxã tanaxütanüxü̃ca̱x i guxü̃ma i Tupanapata ya taxü̃nearü puracü.
33 Rü yema nixĩ ga paũ ga Tupanape̱xewa inuxü̃, rü ãmaregü ga trigute̱xegü ga wüxichigü ga ngunexü̃gu ixãxü̃, rü naxü̃nagü ga wüxichigü ga ngü̃chigaarü ngunexü̃gu ínagugüxü̃, rü tauemacü ya ngexwacaxü̃cügu ínagugüxü̃ rü yema Tupanaca̱x naxüchigagüxü̃ ga petagügu ínagugüxü̃. Rü yexgumarüxü̃ ta yema diẽrumaxã tanaxütanü ga naxü̃nagü ga Iraétanüxü̃arü pecaduca̱x ínagugüxü̃ nax Tupana nüxü̃́ nüxü̃ irüngümaxü̃ca̱x ga norü pecadugü.
34 Rü guxãma ga toma ga chacherdótegü rü Lebítanüxü̃ rü guxü̃ma ga duü̃xü̃gü rü sortéu taxü nax wüxichigü ga taunecügu nüxü̃ tacuáxü̃ca̱x nax ta̱xacürü ngunexü̃ tá nagu yanguchigüxü̃ i wüxichigü ya ĩpatacüã̱xgü nax Tupanapata ya taxü̃newa nangegüãxü̃ca̱x i üxü nax yema üxümaxã ãmarechicawa yagugüãxü̃ca̱x i Tupanaarü ãmaregü yema mugüpanewa naxümatüxü̃ãcü.
35 10:35-36 Rü togümaxã itaxunetagü nax wüxichigü ga taunecügu Tupanapata ga taxü̃newa tananaxü̃ ga nüxíraxü̃xü̃ ga tonetüarü o. Rü yexgumarüxü̃ ta togümaxã itaxunetagü nax Tupanapata ga taxü̃newa rü yema chacherdótegü ga yéma puracüexü̃pe̱xewa tanagaxü̃ ga nüxíraü̃cü ya tonegü, rü nüxíraxü̃xü̃ i torü wocaxacügü, rü nüxíraxü̃xü̃ i carnéruxacügü yema mugüpanewa naxümatüxü̃ãcü.
36 Nüü̃ nadau 10:35
37 Rü togümaxã itaxunetagü nax Tupanapata ga taxü̃nearü yemaxü̃pataü̃wa tananaxü̃ca̱x i ngẽma nüxíraxü̃xü̃ i torü trigute̱xe rü nüxíraxü̃xü̃ i tonetüarü o, rü yima nüxíraü̃cü ya torü bínu rü nüxíraxü̃xü̃ i torü chíxü̃ nax chacherdótegüna tanaxãxü̃ca̱x. Rü yexgumarüxü̃ ta togümaxã itaxunetagü rü ngẽma 10 i tonetügüarü owa rü wüxi tá nixĩ i Lebítanüxü̃na taxãgüxü̃ erü ngẽma nixĩ i toonegüwa nüxna üxü̃ nax nayauxgüãxü̃ca̱x.
38 Rü ngẽxguma Lebítanüxü̃ toxü̃tawa yayauxgügu i ngẽma 10 i nüxna üxü̃ i tonetüarü owa, rü ngẽxguma rü tá ínayaxümücü i wüxi i chacherdóte i Aróü̃tanüxü̃. Rü ngẽxguma marü nüxna tanaxãxgu rü nüma i Lebítanüxü̃ rü nanaxwa̱xe nax ngẽma 10 tanüwa Tupanapata ya taxü̃nearü ngẽmaxü̃güpataü̃gu namaxã nanguxü̃xü̃ i wüxi.
39 Rü nüma i Iraétanüxü̃ rü Lebítanüxü̃ rü ngẽma trigu rü bínu rü chíxü̃ rü tá nagu nayanu ya yima ĩpata ya nawa nangẽxmagüne i nawechigü i üünexü̃ rü chacherdótegü i Tupanapata ya taxü̃newa puracüexü̃ rü ĩã̱xarü dauruü̃gü rü wiyaetanüxü̃. Rü tanaxuegu nax tagutáma ngéma tanata̱xmarexü̃ ya Tupanapata ya taxü̃ne.
