Nehemías 7:1-73
7 Rü yexguma marü nagu̱xgu nax namexẽẽgüaxü̃ ga Yerucharéü̃arü poxeguxü̃tápü̱x rü nananucu ga norü ĩã̱xgü. Rü ñu̱xũchi nüxü̃ naxunetagü ga ĩã̱xarü dauruü̃gü rü wiyaetanüxü̃ rü Lebítanüxü̃.
2 Rü nüxü̃ chaxuneta ga chauenexẽ ga Ananí nax Yerucharéü̃arü ãẽ̱xgacü yixĩxü̃ca̱x. Rü yexgumarüxü̃ ta nüxü̃ chaxuneta ga Ananía nax ãẽ̱xgacüpatamaxã inacuáxü̃ca̱x yerü nüma nixĩ ga wüxi ga yatü ga mea ta̱xacümaxã icuáxü̃ rü guxü̃ma ga duü̃xü̃güarü yexera Tupanaga naxĩnüxü̃.
3 Rü choma rü yema taxremaxã nüxü̃ chixu nax tama yawãxnagüãxü̃ca̱x ga yema Yerucharéü̃arü ĩã̱xgü naxü̃pa nax mea yabáxichixü̃ ga üa̱xcü. Rü yexgumarüxü̃ ta ga yáuanecü rü naxü̃pa nax yaxĩgachitanüxü̃ ga yema ĩã̱xgüarü dauruü̃gü rü namaxã nüxü̃ chixu nax nawãxtagüãxü̃ ga yema ĩã̱xgü. Rü yexgumarüxü̃ ta Yerucharéü̃cüã̱xgütanüwatama nüxü̃ chaxuneta ga dauxü̃taeruü̃gü nax dauxü̃taechicagüwa rü napatagüpe̱xewatama nadauxü̃taegüxü̃ca̱x.
4 Rü guma ĩane ga Yerucharéü̃ rü nata rü nataanexüchi natürü yema duü̃xü̃gü rü nanoxree̱xpü̱x yerü taxũta nimexẽẽgü ga guma ĩpatagü.
Duü̃xü̃gü ga Babiróniaanewa woeguxü̃
5 Rü nüma ga Tupana rü chauãẽwa nananguxẽxẽ nax chanangutaque̱xexẽẽxü̃ca̱x ga yema duü̃xü̃gü ga tachigagüxü̃ rü yema ãẽ̱xgacügü rü naétü guxü̃ma ga duü̃xü̃gü nax yemaacü wüxi ga poperagu nügü yawǘgüxü̃ca̱x ga duü̃xü̃gü, natanüxü̃maxãchigü. Rü choma rü nüxü̃ chayangau ga yema popera ga nagu naxümatügüxü̃ ga naéga ga yema duü̃xü̃gü ga nüxíra Yerucharéü̃wa ngugüxü̃.
6 7:6-7 Rü ñaagü nixĩ ga naégagü ga yema Iraétanüxü̃ ga Yudáanegu buexü̃ ga ãẽ̱xgacü ga Nabucudonochó Babiróniawa gagüxü̃, rü wenaxarü Yerucharéü̃ca̱x woeguxü̃, rü naigü ga ĩanegü ga Yudáanewa yexmagüneca̱x woeguxü̃. Rü wüxichigü ga duü̃xü̃ rü norü ĩaneca̱x nataegu. Rü ñagü nixĩ ga yema namaxã icua̱xgüxü̃: Chorobabéx, rü Yochué, rü Neemía, rü Acharía, rü Raamía, rü Naamaní, rü Maduquéu, rü Bicháü̃, rü Mispére, rü Bixbái, rü Neúü̃, rü Baaná.
7 Nüü̃ nadau 7:6
8 Rü yema Parótanüxü̃ ga Babiróniawa woeguxü̃ rü 2,172 nixĩgü ga norü mu.
9 Rü Chepatíatanüxü̃ rü 372 nixĩ.
10 Rü Árarátanüxü̃ rü 652 nixĩ.
11 Rü Paxá-moátanüxü̃ ga Yochuétaagü rü Yoátaagü ixĩgüxü̃ rü 2,818 nixĩ.
12 Rü yema Eráü̃tanüxü̃ rü 1,254 nixĩ.
13 Rü yema Chatútanüxü̃ rü 845 nixĩ.
14 Rü yema Chacáitanüxü̃ rü 760 nixĩ.
15 Rü yema Binuítanüxü̃ rü 648 nixĩ.
16 Rü yema Bebáitanüxü̃ rü 628 nixĩ.
17 Rü yema Agáxtanüxü̃ ga woeguxü̃ rü 2,322 nixĩ.
18 Rü yema Adonicáü̃tanüxü̃ ga woeguxü̃ rü 667 nixĩ.
19 Rü Bixbáitanüxü̃ rü 2,067 nixĩgü.
20 Rü Adíü̃tanüxü̃ rü 655 nixĩ.
21 Rü Atétanüxü̃ ga Echequíataagü rü 98 nixĩ.
22 Rü Achúü̃tanüxü̃ rü 328 nixĩ.
23 Rü Becháitanüxü̃ rü 324 nixĩ.
24 Rü Arítanüxü̃ rü 112 nixĩ.
25 Rü Gabaóü̃tanüxü̃ rü 95 nixĩ.
26 Rü ĩanegü ga Beréü̃cüã̱xgü rü Netopácüã̱xgü rü 188 nixĩ.
27 Rü ĩane ga Anatócüã̱xgü rü 128 nixĩ.
28 Rü ĩane ga Bex-chamábecüã̱xgü rü 42 nixĩ.
29 Rü ĩanegü ga Quiriáx-yearíü̃cüã̱xgü rü Quefirácüã̱xgü rü Beerúxcüã̱xgü rü 743 nixĩ.
30 Rü ĩanegü ga Ramácüã̱xgü rü Guébacüã̱xgü rü 621 nixĩ.
31 Rü ĩane ga Mixmácüã̱xgü rü 122 nixĩ.
32 Rü ĩanegü ga Betécüã̱xgü rü Áicüã̱xgü rü 123 nixĩ.
33 Rü ĩane ga Nébucüã̱xgü rü 52 nixĩ.
34 Rü ĩane ga Eráü̃cüã̱xgü rü 1,254 nixĩ.
35 Rü ĩane ga Aríü̃cüã̱xgü rü 320 nixĩ.
36 Rü ĩane ga Yericúcüã̱xgü rü 345 nixĩ.
37 Rü ĩanegü ga Loxcüã̱xgü rü Adíxcüã̱xgü rü Onócüã̱xgü rü 721 nixĩ.
38 Rü ĩane ga Chenaácüã̱xgü rü 3,930 nixĩ.
39 Rü yema chacherdótegü ga woeguxü̃ ga Yedaíatanüxü̃ rü Yochuétaagü ixĩgüxü̃ rü 973 nixĩ.
40 Rü yema Imétanüxü̃ rü 1,052 nixĩ.
41 Rü yema Pachútanüxü̃ rü 1,247 nixĩ.
42 Rü yema Aríü̃tanüxü̃ rü 1,017 nixĩ.
43 Rü yema Lebítanüxü̃ ga Yochuétaagü rü Caxmiétaagü rü Odabíataagü rü 74 nixĩ.
44 Rü yema wiyaetanüxü̃ ga Achátaagü rü 148 nixĩ.
45 Rü yema ĩã̱xgüarü dauruü̃gü rü 138 nixĩ. Rü nümagü rü Charúü̃taagü, rü Atétaagü, rü Tamóü̃taagü, rü Acúxtaagü, rü Atitátaagü, rü Chobaítaagü nixĩgü.
46 7:46-56 Rü guxü̃ma ga yema Tupanapata ga taxü̃newa puracüexü̃ rü Chiátaagü, rü Achupátaagü, rü Tabaótaagü, rü Querótaagü, rü Chixátaagü, rü Padóü̃taagü, rü Lebanátaagü, rü Agabátaagü, rü Chamaítaagü nixĩgü. Rü togü rü Anáü̃taagü, rü Guidétaagü, rü Gáataagü, rü Reaíataagü, rü Rechíü̃taagü, rü Necodátaagü, rü Gacháü̃taagü, rü Uchátaagü, rü Pachéataagü, rü Becháitaagü, rü Meuníü̃taagü, rü Nepuchíü̃taagü, rü Babútaagü, rü Acupátaagü, rü Arúxtaagü, rü Balútaagü, rü Meidátaagü, rü Achátaagü, rü Barcótaagü, rü Chícharataagü, rü Temátaagü, rü Nechíataagü, rü ñu̱xũchi Atifátaagü nixĩgü.
47 Nüü̃ nadau 7:46
48 Nüü̃ nadau 7:46
49 Nüü̃ nadau 7:46
50 Nüü̃ nadau 7:46
51 Nüü̃ nadau 7:46
52 Nüü̃ nadau 7:46
53 Nüü̃ nadau 7:46
54 Nüü̃ nadau 7:46
55 Nüü̃ nadau 7:46
56 Nüü̃ nadau 7:46
57 7:57-59 Rü yema Charomóü̃arü ngü̃xẽẽruü̃gütanüxü̃ ga woeguxü̃ rü Chotaítaagü, rü Choférextaagü, rü Ferudátaagü, rü Yaarátaagü, rü Dacóü̃taagü, rü Guidétaagü, rü Chepatíataagü, rü Atítaagü, rü Poquére-achebaíü̃taagü, rü Amóü̃taagü nixĩgü.
58 Nüü̃ nadau 7:57
59 Nüü̃ nadau 7:57
60 Rü guxü̃wama ga yema Tupanapata ga taxü̃newa puracüexü̃ rü ñu̱xũchi yema Charomóü̃arü ngü̃xẽẽruü̃gütaagü ixĩgüxü̃ rü 392 nixĩ.
61 Rü yema duü̃xü̃gü ga ĩanegü ga Tex-mérawa, rü Tex-archáwa, rü Querúxwa, rü Adóü̃wa, rü Iméwa ne ĩxü̃ ga tama nüxü̃ nacua̱xgüxü̃ rü aixcüma Iraétanüxü̃ yixĩgü rü ñaagü nixĩ:
62 Yema duü̃xü̃gü rü Deraíataagü, rü Tobíataagü, rü Necodátaagü nixĩgü. Rü guxü̃wama rü 642 nixĩ ga norü mu.
63 Rü yema chacherdótegü ga woeguxü̃tanüwa rü nayexma ga Obaíataagü, rü Cóxtaagü, rü Bachiláitaagü. Rü nüma ga Bachilái rü Garaáxcüã̱x ga Bachiláixacümaxã naxãxma̱x rü yemaca̱x na̱xtüégagu nügü naxüéga.
64 Rü nümagü ga yema chacherdótegü rü yema natanüxü̃panegu naxca̱x nadaugü ga naéga. Natürü nataxuma ga naéga ga yema natanüxü̃panewa rü yemaca̱x ínanamuxü̃ ga chacherdótegütanüwa.
65 Rü nüma ga ãẽ̱xgacü rü nüxna nanachu̱xu nax tama nangõ̱xgüãxü̃ca̱x ga yema õna ga Tupana üünexẽẽxü̃, ñu̱xmata wüxi ga chacherdóte gumá nutaxacügü ga cua̱xruxü̃ ixĩcü ga Uríü̃ rü Tumíü̃wa nüxü̃ nacuá ga yema Tupanaarü ĩnü.
66 Rü yema duü̃xü̃gü ga Babiróniawa woeguxü̃ rü guxü̃wama 42,360 nixĩgü.
67 Rü naétü nayexmagü ga 7,337 ga norü puracütanüxü̃ ga yatüxü̃gü rü ngexü̃gü. Rü yemaétüwa nayexmagü ga 245 ga wiyaetanüxü̃ ga yatüxü̃gü rü ngexü̃gü.
68 7:68-69 Rü namaxã nawoegu ga 736 ga cowarugü, rü 245 ga mulagü, rü 435 ga caméyugü, rü 6,720 ga búrugü.
69 Nüü̃ nadau 7:68
70 Rü nümaxü̃ ga natanüxü̃maxã icua̱xgüxü̃ rü inanaxãgü ga norü ãmaregü naxca̱x ga yema puracü nax namexẽẽgüãxü̃ca̱x ga yema ĩanearü poxeguxü̃tápü̱x. Rü nüma ga ãẽ̱xgacü rü yema diẽrumaxã icuáxü̃na nanaxã ga 8 quíru naguxü̃ ga úiru rü 50 ga tacháũgü rü 530 ga chacherdótegüchirugü.
71 Rü yema ãẽ̱xgacügü ga natanüxü̃maxã icua̱xgüxü̃, rü inanaxãgü ga 160 quíru naguxü̃ ga úiru, rü 1,210 quíru naguxü̃ ga diẽrumü.
72 Rü guxü̃ma ga yema togü ga duü̃xü̃gü rü inanaxãgü ga 160 quíru naguxü̃ ga úiru rü 1,100 quíru naguxü̃ ga diẽrumü, rü 67 ga chacherdótegüchirugü.
73 Rü yema chacherdótegü, rü yema Lebítanüxü̃, rü yema ĩã̱xgüarü dauruü̃gü, rü yema wiyaetanüxü̃, rü yema duü̃xü̃gü ga guma ĩanecüã̱x, rü yema Tupanapata ga taxü̃newa puracüexü̃, rü guxü̃ma ga Iraétanüxü̃ rü norü ĩanewachigü ningugüetanü. Rü yexguma norü 7 ga tauemacüwa nanguxgu ga nax nawoeguxü̃ rü guxü̃ma ga yema Iraétanüxü̃ rü norü ĩanewachigü nayexmagü.
