Salmos 108:1-13
108 108:1-2 Ñu̱xma rü íchame, Pa Chorü Tupanax, rü íchame nax chorü wiyaemaxã cuxü̃ chicua̱xüxü̃. Rü pa̱xmama tá ícharüda rü chorü paxetaruü̃gümaxã tá chapaxeta. Rü ngẽmaãcü tá nüxü̃ charümoxẽ i ngẽma ngexwacaxü̃ i ngunexü̃.
2 Nüü̃ nadau 108:1
3 Pa Cori Pa Tupanax, rü chorü wiyaegümaxã tá cuxü̃ chicua̱xüxü̃ nape̱xewa i guxü̃ma i nachixü̃anecüã̱x i duü̃xü̃gü.
4 Erü ngẽma curü ngechaü̃ rü daxũguxü̃ i naanearü yexerawa nangu. Rü ngẽxgumarüxü̃ ta i curü aixcüma rü ya̱u̱xtüweanexü̃arü yexerawa nangu.
5 Pa Chorü Tupanax, cuma rü daxũguxü̃ i naanemaxã icucua̱x rü curü üüne rü ñoma i naane namaxã nanapá.
6 ¡Rü toxü̃ nangãxü̃ rü curü poramaxã toxü̃ ínanguxü̃xẽxẽ i toma nax toxü̃ cungechaü̃xü̃!
7 Rü cumax, Pa Tupanax, rü cupatawa quidexa rü ñacurügü: —Taãẽãcüma tá pexna chanaxã i guxü̃ma i ngẽma naane i oéstewaama Chiquéü̃wa ixügüxü̃ rü ñu̱xmata éstewaama Chucóxarü doxonexü̃wa nguxü̃.
8 Rü ngẽxgumarüxü̃ ta i Garaáxarü naane rü Manachéarü naane i natü i Yudáü̃arü éstewaama ngẽxmagüxü̃ rü choxrü nixĩ. Rü ngẽma Efraíü̃arü naane i churaragü i poraxü̃ nawa ne ĩxü̃ rü choxrü nixĩ. Rü ngẽxgumarüxü̃ ta i ngẽma Yudáarü naane i Iraétanüxü̃arü ãẽ̱xgacügü nawa ne ĩxü̃ rü choxrü nixĩ.
9 Rü ngẽma Moáane rü Edóü̃ane rü chautüü̃wa nangẽxmagü. Rü ngẽma Firitéutanüxü̃ rü choma rü tá nüxü̃ charüporamae —ñanagürü ya Tupana.
10 108:10-11 Pa Tupanax, ¿rü texé tá Edóü̃anewa choxü̃ taga? ¿Rü texé tá norü ĩane ya poranegu choxü̃ taxücuxẽxẽ i ñu̱xma nax toxü̃ cuxoxü̃ rü marü tama torü churaragüxü̃ íquixümücüxü̃?
11 Nüü̃ nadau 108:10
12 ¡Rü torü uanügücha̱xwa toxü̃ rüngü̃xẽxẽ nax nüxü̃ tarüporamaegüxü̃ca̱x! Erü taxuwama toxü̃́ name i toxrüxü̃ i duü̃xü̃güarü ngü̃xẽxẽ.
13 Natürü curü ngü̃xẽẽmaxã Pa Tupanax, rü tá nüxü̃ tarüporamae i ngẽma torü uanügü, erü cuma rü tá cuyayitanüxẽxẽ.