Salmos 120:1-7
120 Rü ngẽxguma ãũcümaxü̃wa changexmagu, rü nüxna chaca ya Cori ya Tupana. Rü nüma rü choxü̃ nangãxü̃.
2 Pa Corix, ¡choxü̃ ínanguxuchixẽxẽ nüxna i ngẽma duü̃xü̃gü i dorata̱xgüxü̃ i chixriãcü chauchiga idexagüxü̃!
3 ¿Rü ta̱xacü tá nixĩ i curü poxcu, Pa Conüx i Dorata̱xáxü̃?
4 Rü cuma rü tá naxne ya ãmagunemaxã quingóxnatachinü. Rü ã́xwe ya naicümaxã tá quixa.
5 Rü chaugümaxã changechaü̃ erü natanüwa changexma i ngẽma Méchecüã̱xgü. Rü ngẽma Quedáxtanüxü̃ ínaxãchiü̃güxü̃gu chamaxü̃.
6 Rü marütama nixĩ nax norü ngãxü̃wa changexmaxü̃ i ngẽma chauxchi aiexü̃ i nuegu rüxĩnüexü̃.
7 Rü ngẽxguma ngüxmüchiga namaxã chidexagu, rü nümagü rü daichigagu nidexagü.
