Salmos 123:1-4
123 Pa Cori Pa Tupana ya Dauxü̃wa Ngẽxmacüx, cuxca̱x chadaunagü nax cumaxã chidexaxü̃ca̱x.
2 Rü wüxi i puracütanüxü̃ norü corime̱xẽgu idawenüxü̃ nax nüxü̃ nacuáxü̃ca̱x i ta̱xacü nanaxwa̱xexü̃ rü ngẽxgumarüxü̃ tixĩgü nax tórü Cori ya Tupanaca̱x tadaunagügü nax namaxã idexagüxü̃ca̱x rü tamaxã nüxü̃ yaxuxü̃ca̱x nax nüxü̃́ ingechaü̃tümüxü̃güxü̃. Rü ngẽxgumarüxü̃ i wüxi i pacü i ngĩrü chiũraxü̃ íidawenüchigüxü̃cü nax nüxü̃ nacuáxü̃ca̱x i ta̱xacü nanaxwa̱xexü̃, rü ngẽxgumarüxü̃ ta tixĩgü i yixema nax Tupanaxü̃tawa ínangu̱xẽẽxü̃ nax nüxü̃́ ingechaü̃tümüxü̃güxü̃.
3 Pa Cori Pa Tupanax ¡cuxü̃́ tangechaü̃tümüxü̃gü! Rü tanaxwa̱xe i cuxü̃́ tangechaü̃tümüü̃gü erü marü tama yáxna namaxã taxĩnüe i ngẽma norü guxchigagü i ngẽma tomaxã rüxuanüã̱xgüxü̃.
4 Rü ngẽma diẽruã̱xgüxü̃ rü toxü̃ nacugüe rü ngẽma nügü icua̱xüü̃güxü̃ rü toxchi naxaie. Rü ngẽmaca̱x poraãcüxüchima ngúxü̃ tingegü.
