Salmos 137:1-9
137 Rü yexguma Babiróniaanearü natücutügüwa tarütogügu rü taxauxe yerü nüxna tacua̱xãchi ga Chióü̃.
2 Rü Babiróniaanearü naixtanügu tanachogü ga torü paxetaruü̃gü ga árpagü.
3 Rü yema Babiróniaanecüã̱x ga yéma toxü̃ gagüxü̃ ga torü yemaxü̃gü ga toxna puxü̃xü̃, rü toxü̃ namu nax taãẽãcü naxca̱x tawiyaegüxü̃ nagu ga wiyaegü ga Chióü̃cüã̱x.
4 ¿Rü ñuxãcü tá nagu tawiyaegü ya torü Cori ya Tupanaarü wiyaegü i ngẽxguma ngẽma naane i tama toxrü ixĩxü̃wa tangexmagügu?
5 Rü ngẽxguma chi Tupanape̱xewa cuxü̃ icharüngümagu, Pa Yerucharéü̃x ¡rü daa chorü tügünechacüxü rü nüxü̃ iyanangüma nax cuxca̱x napaxetaxü̃!
6 Rü ngẽxguma cuxü̃ charüngümagu rü tama choxrütama taãẽétüwa cuxü̃ chaxǘxẽẽgu, Pa Yerucharéü̃x ¡rü daa chorü conü rü name i nua chauxmanaxãwa yaxũ nax taguma wena chawiyaexü̃ca̱x!
7 Pa Cori Pa Tupanax ¡taxṹ i cunangupetüxẽxẽmarexü̃ nax cupoxcuexü̃ i ngẽma Edóü̃tanüxü̃ ga Babiróniacüã̱xgüxü̃ muxü̃ nax noxtacüma iyanaxoxü̃ca̱x ga torü ĩane ga Yerucharéü̃!
8 Rü cumax, Pa Babiróniax, rü tá icuyarüxo. Rü tá nataãxẽ ya yimá cuxü̃ iyarüxoxẽẽcü naxca̱x ga yema tomaxã cuxüxü̃.
9 Rü tá nataãxẽ ya yimá curü buxü̃güxü̃ íyauxü̃cü nax nutagu yachi̱xgüãcüma nadaiaxü̃ca̱x.
