Salmos 140:1-13
140 140:1-2 Pa Cori Pa Tupanax ¡naxme̱xwa choxü̃ ínanguxuchixẽxẽ i ngẽma chixexü̃ ügüxü̃ i duü̃xü̃gü! ¡Rü choxü̃ ínapoxü̃ nüxna i ngẽma máxwa̱xegüxü̃ rü ngẽma chixexü̃ca̱x daugüxü̃ i guxü̃ i oragu rü daixca̱x daugüxü̃!
2 Nüü̃ nadau 140:1
3 Rü yima norü conü rü ñoma ãxtapearü conürüxü̃ naxãmagu. Rü ngẽma norü dexa rü ãxtapeguchatarüxü̃ nixĩ.
4 Pa Corix ¡choxna nadau naxcha̱xwa i ngẽma chixexü̃gu maxẽxü̃ i duü̃xü̃gü! ¡Rü choxü̃ ínapoxü̃ nüxna i ngẽma máxwa̱xegüxü̃ rü naxca̱x daugüxü̃ nax ñuxãcü tá chixexü̃gu choxü̃ nangu̱xẽẽgüxü̃!
5 Rü ngẽma duü̃xü̃gü i nügü icua̱xüü̃güxü̃ rü chopexegu nanaxǘgü i wüxi i norü yauxruxü̃. Rü choxü̃ niwaiyemaxü̃gü namaxã i ngẽma norü yauxruxü̃ rü norü bocupararuxü̃.
6 Rü choma rü marü cumaxã nüxü̃ chixu rü ñachagürü cuxü̃: —Cuma nixĩ i chorü Tupana quixĩxü̃. ¡Rü nüxü̃ naxĩnü i ngẽma cuxna naxca̱x chacaxü̃!
7 Pa Cori Pa Tupana Pa Chorü Maxẽxẽruxü̃ ya Poracüx, cuma nixĩ i choxü̃ ícupoxü̃xü̃ i daiwa —ñachagürü cuxü̃.
8 140:8-9 Pa Cori Pa Tupanax ¡rü taxṹ i nüxü̃́ cunatauxchaxẽxẽxü̃ i ngẽma chixexü̃arü üruxü̃ nax naxüaxü̃ca̱x i noxrütama ngúchaü̃! ¡Rü nüxna nachu̱xu nax tama yanguxẽẽãxü̃ca̱x i ngẽma norü ĩnü i chixexü̃! Rü ngẽma chorü uanügü i choxü̃ íchomaeguãchixü̃ rü inachigü nax choxü̃ yama̱xgüxü̃ca̱x. ¡Natürü naxca̱xtama natáeguxẽxẽ i ngẽma chixexü̃ i cha̱u̱xca̱x naxügüxü̃ nax nümatama nagu nayi̱xixü̃ca̱x!
9 Nüü̃ nadau 140:8
10 ¡Rü naétügu nayixẽxẽ i curü poxcu ñoma ã́xwe ya inaicürüxü̃! ¡Rü wüxi i ãxmaxü̃ i taguma nawa ínachoxü̃xü̃gu nawocu!
11 ¡Rü taxṹ i cunamaxẽxẽchaü̃xü̃ i ñoma i naanewa i ngẽma guxchigawa̱xexü̃! ¡Rü ngẽma máxwa̱xexü̃ rü nüxna nangu i ngẽma chixexü̃ nax ngẽma yamáxü̃ca̱x!
12 Rü choma nüxü̃ chacua̱x rü nüma ya Cori ya Tupana rü mea namaxã inacua̱x i ngẽma ngearü diẽruã́xü̃. Rü tüxü̃ ínapoxü̃ ya yíxema naxĩ̱xãchiãẽgüxe.
13 Rü ngẽma duü̃xü̃gü i aixcüma mexü̃ rü tá cuxü̃ nicua̱xüü̃gü. Rü cuxü̃tawa tá namaxẽ i ngẽma cupe̱xewa ixaixcümagüxü̃.
