Salmos 150:1-6
150 ¡Cori ya Tupanaxü̃ picua̱xüü̃gü! ¡Rü napatawa rü nüxü̃ picua̱xüü̃gü! ¡Rü pema i daxũguxü̃ i naanewa ngẽxmagüxe i nüma ínangexmaxü̃wa rü nüxü̃ picua̱xüü̃gü!
2 ¡Rü nüxü̃ picua̱xüü̃gü naxca̱x i ngẽma mexü̃ i norü poramaxã naxüxü̃! ¡Rü nüxü̃ picua̱xüü̃gü erü guxü̃guma nangẽxmaecha rü nataxuma i norü ügü rü norü gu̱x!
3 ¡Rü cornétamaxã rü árpamaxã rü árpaxacümaxã nüxü̃ picua̱xüü̃gü!
4 ¡Rü paü̃derugümaxã ípiyüxeãcüma nüxü̃ picua̱xüü̃gü! ¡Rü wowerugümaxã rü paxetaruü̃gü i ãtü̱xüxü̃maxã nüxü̃ picua̱xüü̃gü!
5 ¡Rü paxetaruü̃gü i ãtachinüxü̃ rü itagaxü̃maxã nüxü̃ picua̱xüü̃gü! ¡Rü paxetaruü̃gü i ãtachinüxü̃ rü ígaxü̃maxã nüxü̃ picua̱xüü̃gü!
6 ¡Rü guxü̃ma i ngẽma ingü̃ãtanücüüxü̃ rü Cori ya Tupanaxü̃ yacua̱xüü̃gü! ¡Rü ngĩxã Cori ya Tupanaxü̃ ticua̱xüü̃gü!
