Salmos 32:1-11
32 Rü tataãxẽ ya yíxema Tupana marü tüxü̃́ nüxü̃ irüngümaxẽ i tümaarü pecadugü.
2 Rü nataãxẽ ya yimá yatü ya Tupana nüxü̃́ nüxü̃ irüngümacü i norü pecadu rü norü maxü̃wa rü nataxuma i dora.
3 Rü yexguma tama Tupanamaxã nüxü̃ chixuxgu ga chorü pecadu rü guxü̃ ga ngunexü̃gu chaxauxecha rü yexeraãcü chiturachigü.
4 Rü chütacü rü ngunecü choxü̃ icurüwe̱xãchixẽxẽ, Pa Tupanax. Rü yema chorü pora rü ínaxũxũ ñoma putürachacu i üa̱xcü ipaxẽẽxü̃rüxü̃.
5 Rü yexguma nagu charüxĩnügu ga chorü maxü̃ nax naturaxü̃ rü cumaxã nüxü̃ chixu ga guxü̃ma ga chorü pecadugü rü taxuxü̃ma chicu̱x. Rü chaugümaxã ñacharügü: —Cori ya Tupanamaxã tá nüxü̃ chixu i chorü chixexü̃gü —ñachagürü. Rü cumax, Pa Corix, rü choxü̃́ nüxü̃ icurüngüma ga guxü̃ma.
6 Rü ngẽmaca̱x i guxü̃ma i duü̃xü̃gü i aixcüma yaxõgüxü̃ rü ngẽxguma guxchaxü̃wa nangẽxmagu rü tá cumaxã nüxü̃ nixu i ngẽma norü guxchaxü̃gü. Rü woo muxũchixü̃ i guxchaxü̃gü nüxna ngaicamagu rü taxũxü̃táma nüxna nangu.
7 Rü cumax rü chorü dauruxü̃ quixĩ, rü cuma nixĩ i choxü̃ ícupoxü̃xü̃ i ngẽxguma ãũcümaxü̃wa changexmagu. Rü ngẽxguma nüxü̃ charüporamaegu i chorü uanügü, rü chorü guxü̃cüwawa tá taãẽãcü cunawiyaegüxẽxẽ i duü̃xü̃gü.
8 Rü cumax, Pa Cori Pa Tupanax, rü ñacugürü choxü̃: —Choma rü cuxü̃ chadawenü rü tá cuxü̃ changu̱xẽxẽ i ngẽma cuxü̃́ chanaxwa̱xexü̃. Rü tá cuxü̃ chaxucu̱xẽ, rü tá cuxü̃ chanawe̱x i ngẽma nama i mexü̃ nax nagu quixũxü̃.
9 Rü tama name nax ñoma cowarurüxü̃ rüe̱xna ñoma mularüxü̃ quixĩxü̃ nax tama cuãẽxü̃ cucuáxü̃, rü ñu̱xmata ütü̱xünaguca̱x cuwáxü̃ nax mea namagu quixũxü̃ca̱x —ñacugürü choxü̃.
10 Rü ngẽma chixexü̃arü üruxü̃gü rü muxü̃tama i ngúxü̃ ningegü, natürü ngẽma nüxü̃́ yaxõgüxü̃ rü Cori ya Tupana rü guxü̃gutáma nüxü̃ nangechaü̃.
11 ¡Cori ya Tupanamaxã petaãẽgü, Pa Duü̃xü̃gü i Mexü̃gu Rüxĩnüexü̃x! ¡Rü petaãẽgü rü taãẽmaxã Tupanaxü̃ picua̱xüü̃gü!
