Salmos 47:1-9
47 Pa Guxü̃ne ya Ĩanecüã̱xgüx ¡penapépüne ya Cori ya Tupana rü taãẽãcü nüxü̃ picua̱xüxü̃gü!
2 Erü nüma ya Cori ya Tupana ya Guxãétüwa Ngẽxmacü rü naxãũcüma. Rü nüma nixĩ i Ãẽ̱xgacü i guxü̃wama ñoma i naanemaxã inacuáxü̃.
3 Rü nüma rü taxme̱xwa nanangexmagüxẽxẽ i guxü̃ma i nachixü̃anegü nax namaxã icuáxü̃ca̱x.
4 Rü nümatama ya Cori ya Tupana nixĩ ga nüxü̃ naxunetaxü̃ i ñaa norü naane nax guxü̃gutáma tóxrü yixĩxü̃ca̱x. Rü ñaa naanemaxã tataãẽgü i yixema i Acóbutanüxü̃ nax Tupana poraãcü tüxü̃ ngechaü̃güxü̃.
5 Rü nüma ya Cori ya Tupana rü dauxü̃ naxĩ nax norü tochicaxü̃wa namaxã inacuáxü̃ca̱x i guxü̃ma. Rü duü̃xü̃gü yoxni taãẽãcüma nüxü̃ nicua̱xüü̃gü rü cornétamaxã nanapaxpünegü.
6 ¡Rü naxca̱x pewiyaegü ya Cori ya Tupana! ¡Rü naxca̱x pewiyaegü ya yimá tórü Ãẽ̱xgacü!
7 Erü nüma ya Tupana rü ñoma i naanearü ãẽ̱xgacü nixĩ. Rü ngẽmaca̱x name nixĩ i naxca̱x pewiyaegü rü nüxü̃ picua̱xüü̃gü.
8 47:8-9 Rü ngẽma yatügü i tachigaxü̃ i guxü̃ i nachixü̃anegüwa ngẽxmagüxü̃ rü namaxã nangutaque̱xe i ngẽma duü̃xü̃gü i Abraáü̃arü Tupanaaxü̃́ yaxõgüxü̃. Rü nüma ya Tupana rü norü tochicaxü̃ i üünexü̃wa narüto rü guxü̃ma i nachixü̃anegüarü ãẽ̱xgacügümaxã inacua̱x. Rü nüma rü guxü̃étüwa nangẽxma.
9 Nüü̃ nadau 47:8