Salmos 49:1-20
49 ¡Dücax, Pa Guxü̃ma i Duü̃xü̃gü i Ñoma i Naanewa Maxẽxü̃x, rü mea iperüxĩnüe i ñaa ore!
2 Rü guxãma i pema i diẽruã̱xgüxe, rü pema ya ingearü diẽruã̱xgüxe, rü pema i duü̃xü̃gümaxã icua̱xgüxe, rü pema i togüme̱xẽwa ngẽxmagüxe ¡rü mea iperüxĩnüe i ñaa ore!
3 Rü ñu̱xmax rü tá chidexa namaxã i ore i cua̱x tüxna ãxü̃. Rü choma rü chauãẽxü̃ chacuáãcüma tá nüxü̃ chixu i ngẽma nagu charüxĩnüxü̃.
4 Rü ore i ucu̱xẽruü̃gügu tá charüxĩnü rü árpamaxã chapaxetaãcü ore i ẽxü̃guxü̃chiga tá chawiyae.
5 ¿Rü ta̱xacüca̱x tá chamuü̃ i ngẽxguma ínangugügu i ngunexü̃gü i ãũcümaxü̃ rü ngẽxguma ngẽma chauxchi aiexü̃ i duü̃xü̃gü choxü̃ íchomaeguãchigu namaxã i norü chixexü̃gü?
6 Rü nümagü rü norü diẽruguama narüxĩnüe rü muxü̃ i norü ngẽmaxü̃gümaxã nügü nicua̱xüü̃gü.
7 Natürü taxúema tüxü̃́ nangẽxma i pora nax tügütama tamaxẽẽxü̃ca̱x. Rü tama diẽrumaxã Tupanaxü̃tawa naxca̱x tataxe i tümaarü maxü̃.
8 49:8-9 Rü taxuxü̃ma i diẽru ningu nax naxca̱x itaxexü̃ca̱x i wüxi i duü̃xü̃arü maxü̃ nax ngẽmaãcü nüxna ínanguxuchixü̃ca̱x i ngẽma yu.
9 Nüü̃ nadau 49:8
10 Nüxü̃ tadau nax guxü̃ma i duü̃xü̃gü yuexü̃ woo i ngẽma nüxü̃ cua̱xüchigüxü̃ rü nayue, rü woo i ngẽma naechitamare maxẽxü̃ rü nayue. Guxü̃ma nayue rü ngẽma norü ngẽmaxü̃gü rü togüca̱x ngéma nawogü.
11 Rü ngẽma diẽruã̱xgüxü̃ rü nügügu nanaxüéga i norü naane ñoma guxü̃gutáma noxrü yixĩxü̃rüxü̃. Natürü ngẽxguma nayu̱xgux rü ngẽma naxma̱xü̃ tá nixĩ i napata ixĩxü̃ i guxü̃gutáma.
12 Rü wüxi i duü̃xü̃ rü tama nixĩ i namaxechaxü̃ ega woo nadiẽruã̱xü̃chigux, erü ñoma naeü̃gürüü̃tama nayu.
13 Rü ngẽmaãcü nixĩ i nayuexü̃ i ngẽma duü̃xü̃gü i nügügutama yaxõgüxü̃. Rü ngẽmaãcütama nayue i ngẽma duü̃xü̃gü i nügütama icua̱xüü̃güxü̃.
14 Rü ngẽma yu nixĩ i namaxã icuáxü̃ i duü̃xü̃gü, erü naxmaxü̃wa nanagagü ñoma carnérugü i daiwa gagüxü̃rüxü̃. Rü duü̃xü̃gü rü napatagü ya imexẽchinearü yáxü̃gu rü naxmaxü̃gu tá niyixe i naxü̃negü. Natürü ngẽma ngunexü̃ i nagu yuwa ínadagüxü̃ i duü̃xü̃gü rü ngẽma mexü̃gu maxẽxü̃ rü tá ngẽma chixexü̃gu maxẽxü̃maxã inacua̱xgü.
15 Natürü nüma ya Tupana tá nixĩ i yuwa choxü̃ ínanguxuchixẽẽxü̃, rü nügüxü̃tawa tá choxü̃ naga.
16 ¡Rü taxṹ i naxca̱x quixãũxãchixü̃ ega texé muarü diẽruã̱xgu rü yamuxgu i norü meruü̃gü i napatawa!
17 Erü ngẽxguma nayu̱xgux rü taxũtáma ta̱xacü ninge. Rü woo i ngẽma norü meruü̃gü rü taxũtáma naxmaxü̃wa namaxã naxũ.
18 49:18-19 Rü woo ñu̱xma nax maxü̃gu rü nataãxẽ, rü duü̃xü̃gü rü nüxü̃ nicua̱xüü̃gü naxca̱x i norü ngẽmaxü̃gü, natürü wüxi i ngunexü̃gu rü tá nayu rü marü tagutáma ñomaarü ngóonexü̃xü̃ nadau.
19 Nüü̃ nadau 49:18
20 Rü duü̃xü̃gü rü woo namuarü ngẽmaxü̃ã̱xgux, natürü tama namaxecha. Rü nayuama ñoma naeü̃gürüü̃tama.
