Salmos 63:1-11
63 Pa Chorü Tupanax, cuma nixĩ i aixcüma chorü Tupana quixĩxü̃. Rü guxü̃ma i chorü ngúchaü̃maxã cuxca̱x chadau erü poraãcüxüchi chanaxwa̱xe i chauxü̃ta cungexmaxü̃. Rü guxü̃ma i chorü maxü̃nemaxã chanaxwa̱xe nax chauxü̃ta cungexmaxü̃, ñoma paanexü̃ rü dexá naxwa̱xexü̃rüxü̃.
2 63:2-3 Rü cupatawa cha̱u̱xca̱x cungo̱x. Rü marü nüxü̃ chadau i curü pora rü curü üünexü̃. Rü ngẽma curü ngechaü̃ rü maxü̃arü yexera name. Rü ngẽmaca̱x cha̱u̱a̱xmaxã tá cuxü̃ chicua̱xüxü̃.
3 Nüü̃ nadau 63:2
4 Rü ñu̱xma nax ñoma i naanewa chamaxü̃xü̃gu rü tá cuxü̃ chicua̱xüxü̃. Rü cuxca̱x chaxunagüme̱xẽãcüma tá chayumüxẽ.
5 Rü choma rü cumaxã tá chataãẽxü̃chi ñoma wüxi i duü̃xü̃ i õna i taxü̃maxã taãẽxü̃rüxü̃. Rü taãẽãcü cha̱u̱a̱xmaxã tá cuxü̃ chicua̱xüxü̃.
6 Rü ngẽxguma ichacaxgu rü cuxna chacua̱xãchi, rü guxü̃ma i chütaxü̃gu cugu charüxĩnü.
7 Rü cuxpe̱xatügütüü̃gu tá chawiyae, erü cuma nixĩ i choxü̃ curüngü̃xẽxẽxü̃.
8 Rü ñaa chorü maxü̃ rü cuxna chanaxã. Rü yima curü tügüneme̱xẽmaxã choxü̃ ícupoxü̃.
9 63:9-10 Rü ngẽma chorü uanügü i choxü̃ ima̱xgüchaü̃xü̃ rü taramaxã tá nadai rü ngẽma airugü i dauxchitacüã̱x tá nanangõ̱xgü.
10 Nüü̃ nadau 63:9
11 Natürü i choma nax ãẽ̱xgacü chixĩxü̃ rü tá Tupanamaxã chataãxẽ. Rü guxãma ya yíxema Tupanaarü ngü̃xẽẽca̱x daugüxe rü tá nüxü̃ ticua̱xüxü̃gü. Natürü ngẽma idorata̱a̱xgüxü̃ rü tá nayarüngea̱xgü.
