Salmos 76:1-12
76 Rü Yudáanewa rü duü̃xü̃gü rü meama Tupanaxü̃ nacua̱xgü. Rü nüma rü natachigaxüchi i guxü̃wama i Iraéanewa.
2 Rü Yerucharéü̃wa nangẽma ya napata rü Chióü̃gu namaxü̃.
3 Rü yéma nixĩ ga nagu nabügüxü̃ ga tórü uanügüarü chuxchigü ga ãũcümane, rü norü poxü̃ruü̃gü, rü norü taragü, rü naxnegü.
4 ¡Rü cumax, Pa Corix, rü guxü̃arü yexera cuxãũcümaxü̃chi! Rü yima ma̱xpǘnegü i guxü̃guma ngẽxmaechanearü yexera quixĩ.
5 Rü yema churaragü ga tama muü̃wa̱xegüxü̃ rü cuma rü ícunawoxü̃. Rü yema nügü írüporagüxü̃ rü ñu̱xma rü taxucürüwama ta̱xacü naxüe erü nayuemare.
6 Rü yexguma nüxna cuchogügu, Pa Acóbuarü Tupanax, rü yema churaragü ga cowaruétügu ĩxü̃ rü wüxigu norü cowarugümaxã ínayachaxgütanüãchi rü taxuxü̃ma naxüe.
7 Erü cuma rü cuxãũcümaxü̃chi. ¿Rü texé tapora nax cupe̱xewa itachiamaxü̃ i ngẽxguma cuma tümamaxã cunuxgu?
8 76:8-9 Rü daxũguxü̃ i naanewatama marü cunaxuegu i curü poxcu namaxã i ngẽma chixexü̃ ügüxü̃. Rü ngẽmaca̱x i ñoma i naane rü nidu̱xru rü nachianemare i ngẽxguma cunaxuegu̱xgu i curü poxcu naxca̱x i ngẽma chixexü̃ ügüxü̃ rü ícunanguxü̃xẽẽgu i ngẽma curü duü̃xü̃gü i togü chixri namaxã icua̱xgüxü̃.
9 Nüü̃ nadau 76:8
10 Rü ngẽma norü nu i ngẽma cumaxã rüxuanügüxü̃ rü curü cua̱xüxü̃ruxü̃ tá nayanguxuchi. Rü woo ngẽxguma íxrarüwa nanuegu rü curü nga̱xcueruxü̃ nayanguxuchi i ngẽma.
11 ¡Rü Tupanamaxã ipexunetagü, natürü aixcüma peyangu̱xẽxẽ i ngẽma perü uneta! Rü guxãma i pema ya yimá Ãũcümacüarü duü̃xü̃gü pixĩgüxü̃ rü ¡ẽcü nüxna penana i perü ãmaregü!
12 Rü ngẽma ãẽ̱xgacügü i duü̃xü̃gümaxã icua̱xgüxü̃ rü nüma ya Tupana rü nanadai. Rü ngẽmaãcü nanamuü̃exẽxẽ i ngẽma nachixü̃anegüarü ãẽ̱xgacügü.