Salmos 8:1-9
8 Pa Cori Pa Tupana ya Guxü̃étüwa Ngẽxmacüx, rü cuéga rü namexẽchi rü guxü̃ma i ñoma i naanewa nüxü̃ nacua̱xgü. Rü ngẽma curü üüne rü daxũguxü̃ i naanearü yexerawa nangu.
2 Rü ngẽma buxü̃gü rü woo ngẽma õxchanagü rü nüxü̃ curüngü̃xẽxẽ nax cuxü̃ yacua̱xüü̃güxü̃ca̱x nax ngẽmaãcü i curü uanügü rü yanangea̱xgüxü̃ca̱x rü cupe̱xewa naxãneexü̃ca̱x.
3 8:3-4 Rü ngẽxguma chütacü daxũgu chadawenügu, rü nüxü̃ chadau ya tauemacü rü ẽxtagü i cuxme̱xmaxã cuxüxü̃ i daxũwa cungexmagüxẽẽxü̃. Rü ngẽxguma chaugüna chaca rü ñachagürü: —¿Ta̱xacüca̱x nagu curüxĩnüxü̃ ya yimá yatü? ¿Rü tü̱xcüü̃ naxca̱x cuxoegaãxẽxü̃? —ñachagürü.
4 Nüü̃ nadau 8:3
5 Rü wixgutaa̱x cugürüxü̃ cuyaxĩxẽxẽ ya yimá yatü, rü nüxna cunaxã i pora rü cua̱x.
6 Rü yimá yatü rü naxme̱xwa cunangexmagüxẽxẽ i guxü̃ma i ngẽma cuxüxü̃, rü nüxna cunaxã i cua̱x nax namaxã inacuáxü̃ca̱x.
7 Rü carnérugüétüwa rü wocagüétüwa rü naeü̃güétüwa cunangexmaxẽxẽ ya yima yatü.
8 Rü werigü i daxũgu íxüüxü̃étüwa, rü choxnigü i márwa maxẽxü̃étüwa, rü guxü̃ma i márwa ngẽxmagüxü̃étüwa cunangexmaxẽxẽ ya yimá yatü.
9 Pa Cori ya Tupana ya Guxü̃étüwa Ngẽxmacüx, rü cuéga rü namexẽchi rü guxü̃ma i ñoma i naanewa nüxü̃ nacua̱xgü.
