Tama. Tupanaarü ore nüü̃ nawe na inawaꞌegü na Tupanacaꞌicatama iyumüẽgü rü naẽ́gagu ya Ngetchutchu ya Cristu. Rü Ngetchutchu norü nguéü̃gümaã rü nhanagürü: “Rü ngẽmacaꞌ rü nhaãcü tá peyumuẽgü i pema: “Pa Tonatü ya Dauü̃gucü, rü aicuma üünecü cuiĩ i cuma.” (Mateu 6:9) Rü Ngetchutchu taguma nüü̃ niu na togü i tupanagücaꞌ iyumüẽgü, rü bai anyugücaꞌ rü tama to duẽẽcaꞌ. Inawaꞌegü na Tupanacaꞌicatama iyumüẽgü.

 Rü ta Ngetchutchu norü nguéü̃gümaã rü nhanagürü: “Tchama niĩ i ngẽma nama i Tchaunatüü̃tawa nadaü̃ tchiĩü̃. Rü aicuma niĩ i ngẽma ore i nüü̃ tchiuü̃. Rü tchama niĩ i duü̃ü̃güü̃ tchamaẽẽẽü̃. Rü tchaugaguicatama niĩ i Tchaunatüü̃tawa nangugüü̃ i duü̃ü̃gü.” (Juã́ũ 14:6) Rü Ngetchutchugaguicatama Tupanaü̃tawa nangugüü̃ i norü duü̃ü̃gü “erü nüma ya Ngetchutchu rü guü̃guma namaẽtcha na tümaẽ́tüwa natchogüü̃caꞌ”.—Ebréugü 7:25.

Eꞌna name niĩ Tupanacaꞌ tchayumüẽ rü ta tupananetatchicünaꞌãcaꞌ tchayumüẽ?

 Rü yeguma niĩ ga naümatüü̃ ga yema 10 ga Tupanaarü mugü nagu ga yema nutatatchinügü, Tupana nhanagürü: “Rü taũtáma taꞌacü rü natchicünaꞌãpeꞌegu cucaã́püꞌü rü nüü̃ quicuaꞌüü̃! Erü tchama ya curü Cori ya Tupana ya poracü rü poraãcü cuü̃ tchinuü̃.” (Êxodo 20:5) Tüꞌcüü̃ ga Tupana rü nüü̃ niu norü duü̃ü̃gücaꞌ yema ore: “poraãcü cuü̃ tchinuü̃”? Rü Nova Tradução na Linguagem de Hoje ngema wetchicuru nhaãcü rü nhanagürü: “Tchama ya CORI, curü Tupana tchiĩ rü to i tupanagütchi tchaai”. Rü Tupana nanawaꞌe na nacaꞌicatama nüü̃ icuaꞌüü̃güü̃ rü nacaꞌicatama iyumüẽgü. — Isaías 48:11.

 Rü yiema Tupanaü̃ inuẽẽ ngẽguma to i tupanagücaꞌ iyumüẽgügu, woo anyugü urü tupananetatchicünaꞌãgü yiĩgu. Rü yeguma rü Juã́ũ rü wüi orearü ngeruü̃peꞌegu nacaã́püꞌü na nüü̃ nicuaꞌüü̃ü̃caꞌ rü yema ga anyu rü nhanagürü nüü̃: “Tãṹ i ngẽma cuüü̃! Erü tchama rü ta Tupanaãrü duü̃ü̃ tchiĩ, ngẽgumarüü̃ i cuma rü cueneẽgü i Ngetchutchuarü ore i aicuma iĩü̃ iõgüetchaü̃rüü̃ ta tchiĩ. Rü name niĩ i Tupanaü̃ cuicuaꞌüü̃”, nhanagürü. — Apocaríchiu 19:10.