Eꞌna Tupana guü̃guma guü̃ i natchicawa nangẽma?
Tupanaarü Orearü ngãü̃
Rü Tupana rü guãü̃ma nadau. Rü ta nüma ya Cori nüü̃ natautcha nanaü guü̃ma i norü ngútchaü̃ i guü̃ i natchicawa. (Provérbios 15:3; Ebréugü 4:13) Notürü Tupanaarü Ore tama nanangúeẽẽ na Tupana guü̃ i natchicawa nangema. Nüma ya Tupana tama norü üwa nangema. Tupanaarü Ore nanangúeẽẽ na Tupana wüi i natchicawa nangema.
Nhuãcü niĩ ya Tupana: Tupana rü wüi i Naãẽ niĩ. (Juã́ũ 4:24) Taguma teé nhugu nüü̃ tadau ga Tupana. (Juã́ũ 1:18) Ngẽguma Tupanatchiga norü ore iugu rü guü̃guma nüü̃ niu na Tupana wüi natchicawa nangema. Taguma tama nüü̃ niu na nüma ya Tupana togü i natchicawa nangema. — Isaías 6:1, 2; Apocaríchiu 4:2, 3, 8.
Ngetá Tupana naãtchiü̃: Tupana dauü̃guü̃ i naane nangema rü ngema natchica tama i Universowa nangema. Ngema natchica na Tupana naãtchiü̃ dauü̃guü̃ i naane niĩ. (1 Reis 8:30) Tupanaarü Ore tüü̃ nawe na Tupana wüi natchicawa nangema yerü ‘wüi ga nguneü̃gu ga yeguma Cori [Yeuwa, TNM] a ya Tupanapeꞌewa naĩgu ga norü orearü ngeruü̃gü ga dauü̃cüãꞌ’.— Jó 1:6.
Tchi Tupana tama guü̃ i natchicawa nangẽma, rüeꞌna nüü̃ natautcha na tchona nadau?
Ngü̃. Tupanacaꞌ nagutchaãẽ wüitchigü i duü̃ü̃. Woo Tupana naãtchiü̃gu i dauü̃guü̃ i naane, Tupana nüü̃ naĩnü guãma i yíema na naga iĩnüẽtchaü̃. Rü Tupana ngema duü̃ü̃güü̃ narüngü̃ẽẽ. (1 Reis 8:39; 2 Crônicas 16:9) Nüü̃ nadau na nhuãcü Yeuwa nüü̃ nawe na nacaꞌ nagutchaãẽ i norü duü̃ü̃gü:
Ngẽguma cuyumüẽgu: Yeuwa cuü̃ naĩnü ngẽguma cuyumüẽgu. — 2 Crônicas 18:31.
Ngẽguma poraãcü cungetchaü̃gu: “Rü nüma ya Cori ya Tupana rü ínamemare na tüü̃ nangü̃ẽẽü̃ ya yíema tügücaꞌ iyarütauee.” — Salmo 34:18.
Ngẽguma cunawaꞌegu na cuü̃ narüngü̃ẽẽ: Yeuwa norü oremaã ‘rü tá cuü̃ nanguꞌẽẽ i ngẽma cuü̃́ nanawaꞌeü̃. Rü tá cuü̃ naucuꞌẽ rü cumaã tá nüü̃ niu i ngẽma nama i nagu tá quiũü̃’. — Salmo 32:8.
Doragü i Tupanatchiga na nhuꞌre i duü̃ü̃gü nüü̃ yadeagü
Dora: Tupana guü̃ma i norü üwa nangema.
Aicüma: Tupana tama nhama i naanewa nangema rü ta tama i to i natchica i Universowa nangema. (1 Reis 8:27) Rü aicuma niĩ na guü̃ma i ngema dauü̃wa nüü̃ idauü̃ nanangoꞌẽẽ i Tupanaarü üüne rü norü pora. Rü guü̃ma i ngema dauü̃wa ngemaü̃ tüü̃ nüü̃ nacuaꞌẽẽ na nhuãcü nameetchiü̃ i ngema nüma naüü̃. (Salmo 19:1) Wüi cuaꞌtchiruü̃, ngẽguma wüi ütchicünaꞌãü̃ cuáü̃ nanaügu wüi natchicunaꞌã tama ngema natchicunaꞌãwa naãtchiü̃. Narüü̃tama Yeuwa tama naãtchiü̃ i norü üwa. Rü ta ngẽguma wüi ütchicünaꞌãü̃ cuáü̃ naügu wüi natchicunaꞌã, rü ngema natchicünaꞌã nüü̃ nawe tchi yima yatü mea napuracü. Ngemaãcü, Tupanaarü ü tüü̃ nawe na Yeuwa mecümagü nangema, cuaꞌtchiruü̃ Norü pora, Norü cuaꞌ rü Norü ngetchaü̃. — Romacü̃ãꞌ 1:20.
Dora: Tupana poraütchicü rü nüü̃ nacuaꞌ i guü̃ma tchi nüma guü̃ i natchicawa nangẽmagu.
Aicüma: Tupanaãẽ i üüneü̃ rü Tupanaarü pora niĩ. Rü norü naãẽ i üüneü̃maã Tupana guü̃guma rü guãü̃ma nadau woo dauü̃guü̃ i naane nangemagu. — Salmo 139:7.
Dora: Na Salmo 139:8wa nüü̃ nawe na Tupana guü̃ i natchicawa nangema. Rü ngema wetchicuru nhanagürü: “Rü ngẽguma tchi dauü̃guü̃ i naanegu tchaĩnagügu, rü ngẽ́ma cungema i cuma. Rü ngẽguma tchi mairaü̃tüü̃gu tchaücuꞌgu rü ngẽ́ma rü ta cungema i cuma.”
Aicüma: Ngema wetchicuru tama nüü̃ niu na Tupana guü̃ i natchicawa nangema. Ngema wetchicuru nüü̃ nawe na Yeuwaü̃ natautcha na tüü̃ narüngü̃ẽẽü̃caꞌ rü guü̃wama i ngetá itaĩü̃wa.
a Tupanaarü Ore nüü̃ nawe na Yeuwa Tupanaéga niĩ.
Tocaꞌ cuü̃ name i ngẽma
CAGÜ NA TUPANAARÜ ORE NANGÃÜ̃
Taꞌacütchiga niĩ i naãẽ i üüneü̃?
Nüü̃ cudau na tüꞌcüü̃ Tupanaarü Orewa nüü̃ niu na naãẽ i üüneü̃ rü natchiga niĩ “Tupanameꞌẽ”.
TEÉ TIGÜ
Nacaꞌ ínaca na cuü̃tawa naũü̃caꞌ
Nüü̃ yeera cucuaꞌü̃ i Tupanaarü Oretchiga rüeꞌna i Yeuwaarü Orearü Uruü̃gütchiga.