Tupanaarü Ore rü nhanagürü: “Rü ngẽma duü̃xü̃gü i maxẽxü̃ rü nüxü̃ nacua̱xgü nax wüxi i ngunexü̃gu rü tá nayuexü̃. Natürü ngẽma marü yuexü̃ rü taxuxü̃ma nacua̱xgü rü taxuguma narüxĩnüe.” (Eclesiastes 9:5; Salmo 146:4) Ngemaãcü ngẽguma tayuegu rü ítarütaue. Ngẽma marü yueü̃ rü tauü̃ma nagu tarüĩnüe rü tauü̃ma taügüe.

“Wena tá waixü̃müca̱x cutaegu”

 Nüü̃ tacuaꞌgüü̃ i taꞌacü ngupetüü̃ ngẽguma tayuegu nagagu yeguma Tupana namaã nüü̃ niugu ga Adáũ yeguma tama naga naĩnügu. Tupana rü nhanagürü: “Rü waixü̃mü quixĩ rü wena táxarü ngẽmaxü̃ quixĩ.” (Gênesis 3:19) Naü̃pa Tupana naü ga Adáũ ga waiü̃müwa, rü nüma rü tama nüü̃́ nayemaü̃. (Gênesis 2:7) Ngegumarüü̃ ta niĩ yeguma nayugu ga Adáũ. Nüma rü wena waiü̃müwa nataégu rü ínarütau.

 Nanangegumarüü̃ ta niĩ ngẽguma nayuegu i duü̃ü̃gü i nhuꞌma. Natchiga i duü̃ü̃gü rü naeü̃gü, rü Tupanaarü Ore rü nhanagürü: “Rü guxü̃ma i ngẽma rü waixü̃müte̱xewa nixĩ i naxüxü̃, rü guxü̃ma rü wenaxarü waixü̃müte̱xexü̃ tá nixĩgü.” — Eclesiastes 3:19, 20.

Norü yu rü tama norü yaguü̃ niĩ.

 Tupanaarü Ore nüü̃ niu i ngẽma yu rü nhama tapemareü̃rüü̃ tiĩ. (Salmo 13:3; Juã́ũ 11:11-14; Puracügü 7:60) Ngẽguma i wüie i duẽẽ rü tapegue, rü tá tauü̃ma nüü̃ tacuaꞌü̃. Ngẽgumarüü̃ niĩ i ngẽguma iyugu. Ngẽma marü yueü̃ rü tauü̃ma nüü̃ tacuaꞌgüe erü marü ínayarüo i guü̃ma i taꞌacü i nagu ĩnüeü̃. Tupanaarü Ore rü nanaguꞌẽẽ na Tupanaaü̃́ natautcha na wena namaẽẽẽãü̃ i yueü̃. (Jó 14:13-15) Nacaꞌ ya yíema ya duẽẽgü ya Tupana wenaarü inamaẽẽü̃, rü ngẽguma iyuegu rü tama norü guꞌ niĩ.