Taꞌacücaꞌ imaẽü̃?
Tupanaarü Orearü ngãü̃
Muũma i duü̃ü̃gü rü nügü nacagü i nhaü̃: Tüꞌcüü̃ tchamaü̃? rüeꞌna Taꞌacücaꞌ ítchamaü̃? Tupanaarü Orewa nüü̃ niu na tamaẽü̃ nacaꞌ Tupanamaã tiãmücügüü̃. Nüü̃ cudau i nhure wetchicurugü i Tupanaarü Orewa i ngẽmatchiga.
Tupana rü tüü̃ Naücü. Tupanaarü Ore rü nhanagürü: “Rü nüma [ya Tupana] nixĩ i tüxü̃ nango̱xẽẽxü̃ rü tama yigütama tango̱xẽxẽ.” — Salmo 100:3; Apocaríchiu 4:11
Guü̃ma i ngẽma naüü̃ ya Tupana, rü nüma nüü̃ nacuaꞌ na taꞌacücaꞌ naüaü̃, rü nhuꞌmatchi taꞌacücaꞌ tüü̃ naü. — Isaías 45:18.
Yeguma Tupana rü tüü̃ naügu, nüma rü tüna naã i ngẽma nüü̃ icuaꞌü̃ i ngútchaü̃, ngẽma ngútchaü̃ rü ta natchiga nüü̃ icuaꞌü̃ na tüꞌcüü̃ imaẽü̃. (Mateu 5:3, Tradução do Novo Mundo) Tupana nanawaꞌe na yiema rü ngẽmatama tanaügü. — Salmo 145:16.
Yiema rü tataãẽgügu ngeguma Tupanamaã tiãmücügügu. Nhure i duü̃ü̃gücaꞌ rü taucürüwama na Tupanamaã iãmücüü̃caꞌ. Notürü Tupanaarü Ore rü tüü̃ nangútchaü̃ẽ i nhaü̃: “¡Tupanana pengaicamagü! Rü nüma rü tá ta pexna nangaicama.” — Tiago 4:8; 2:23.
Nacaꞌ Tupanamaã iãmücü rü nanawaꞌe imaẽ i nüma nawaꞌeü̃ãcüma. Tupanaarü Ore rü nüü̃ niu i taꞌacü Tupana nawaꞌeü̃ nawa i Eclesiastes 12:13: “¡Rü Tupanaxü̃ nangechaxü̃ rü naga naxĩnü i norü mugü!”