Tama Tupanagagu niĩ i ngẽma buanecü ya tacü, rü ĩãꞌãtchianegü, rü mucü ya tacü rüeꞌna i to taütchiü̃ i gutchaü̃ i nhuꞌma. Notürü Tupana nagu narüĩnü ya teécaꞌ nangu i ngẽma taütchiü̃ i gutchaü̃. Tupana rü tá inayanaoẽẽ i guü̃ma i taꞌacü nüü̃ ngúü̃ ingegüẽẽü̃, ngẽma rü ta niĩ i ngẽma taütchiü̃ i gutchaü̃. Rü yoni Tupana rü nüü̃ nataãẽẽẽ i ngẽma duü̃ü̃gü na ngúü̃ ningegü i ngẽma taütchiü̃ i gutchaü̃maã. — 2 Corĩ́tiucü̃ãꞌ 1:3.

•  Tüꞌcüü̃ aicuma nüü̃ tacuaꞌgü i ngẽma taütchiü̃ i gutchaü̃gü rü tama i Tupanaarü pocu niĩ?

•  Ngẽma taütchiü̃ i gutchaü̃ rü wüi i cuaꞌruü̃ niĩ na inagútchaü̃ i naane?

•  Nhuãcü ya Tupana nüü̃ narüngü̃ẽẽü̃ i ngẽma duü̃ü̃gü ngeguma namaã ngupetügu i ngẽma taütchiü̃ i gutchaü̃?

•  Tupanaarü Ore eꞌna nüü̃ rüngü̃ẽẽ na ü̃pa nügü nameeẽẽ nacaꞌ i ngẽma taütchiü̃ i gutchaü̃?

•  Wetchicurugü i nüü̃ nataãẽẽẽ ngeguma ngẽma taütchiü̃ i gutchaü̃ namaã nangupetügu.

 Tupanaarü Orewa nüü̃ niu na nori Tupana marü nanapocue ga duü̃ü̃gü ga naanearü poramaã. Notürü yema rü tama namaã wüiguü̃ i ngẽma taütchiü̃ i gutchaü̃ i nhuꞌma.

•   Taütchiü̃ i gutchaü̃ rü nanatchieẽẽ i naguü̃raü̃ü̃ i duü̃ü̃gü. Notürü yeguma Tupana rü marü nanapocuegu ga yema tchieü̃ ügüü̃ ga naanearü poramaã, rü tama nanatchieẽẽ ga yema duü̃ü̃gü ga meã nacaꞌ namaẽü̃. Cuaꞌãtchiruü̃ yeguma Tupana marü inayarüoẽẽgu ga yema tare ĩanegü ga Tchodóma rü Gomóra, Nüma rü inanapóü̃ ga yema meü̃ ga yatü ga Ló rü tare naãcügümaã. (Gênesis 19:29, 30) Tupana rü marü nüü̃ nadau ga yema duü̃ü̃güarü maü̃newa rü inayarüoẽẽ ga yema duü̃ü̃gü i tchieü̃ ügüü̃icatama na yiĩü̃. — Gênesis 18:23-32; 1 Samuel 16:7.

•   Taütchiü̃ i gutchaü̃ rü aiꞌrüguma ngürüãtchimare ínguü̃. Nori Tupana rü ü̃pa yema tchieü̃ ga duü̃ü̃gümaã nidea ga yeguma nanapocuegu ga naanearü poramaã. Yíema ga duü̃ü̃gü ga nüü̃ iĩnüeü̃ rü nüü̃ natautcha na nüü̃ ínanguü̃ẽẽü̃caꞌ. — Gênesis 7:1-5; Mateu 24:38, 39.

•   Nhure i taütchiü̃ i gutchaü̃gü rü duü̃ü̃gügagutama niĩ. Tüꞌcüü̃? Erü ngẽma duü̃ü̃gü rü inayanaoẽẽü̃ i ngẽma nainecügü, rü nanaüpata i ngetá guü̃guma naĩãꞌãtchiane rü ngéta inanguaneetcha rüeꞌna to poraãcü ãũcumaü̃ nawa ngẽmaü̃. (Apocaríchiu 11:18) Tama Tupanagagu niĩ i ngẽma tchieü̃ nguutchiü̃ i ngeguma ngẽma duü̃ü̃gü rü tchiri uneta nanaügu. — Provérbios 19:3

 Aicuma niĩ. Ngẽma nucümaü̃ Tupanaarü Orearü profeciagü nanaweꞌgü na taütchiü̃ i gutchaü̃ rü duü̃ü̃gücaꞌ inangu tchi i “ngẽxguma nagúxchaü̃gu i naane”. (Mateu 24:3; 2 Timúteu 3:1) Cuaꞌãtchiruü̃ Ngetchutchu rü nhuꞌmaü̃tchima i nguneü̃tchiga rü nhanagürü: “Rü tá taiya nangu̱x, rü tá nataxüchi i da̱xaweanegü, rü muxü̃ma i nachicagüwa rü tá naxĩã̱xãchiane.” (Mateu 24:7) Paa Tupana rü tá inayanaoẽẽ i ngẽma guü̃ma i gutchaü̃gü na tüü̃ ngúü̃ ingegüẽẽü̃, rü ngẽma rü ta niĩ i taütchiü̃ i gutchaü̃ i naturezatchiga. — Apocaríchiu 21:3, 4.

•   Tupana rü nüü̃ nataãẽẽẽ i norü Oremaã. Tupanaarü Orewa nüü̃ niu na Tupana rü yiemagu narüĩnüü̃, rü ngeguma ngúü̃ tingegügu nüma rü nangetchaü̃gu. (Isaías 63:9, TNN; 1 Pedru 5:6, 7) Tupana rü ta tamaã nüü̃ niu natchiga nagu tamaẽü̃ ngeguma tagutáma nangupetügu i ngẽma taütchiü̃ i gutchaü̃. — Nüü̃ cudau “ Wetchicurugü i nüü̃ nataãẽẽẽ ngeguma ngẽma taütchiü̃ i gutchaü̃ namaã nangupetügu.”

•   Tupana rü ngẽma türaeü̃ narüngü̃ẽẽ namaã i norü duü̃ü̃gü. Tupana rü namaã i norü duü̃ü̃gü i nagu naĩ i Ngetchutchucüma i nhama i naanewa rü nüü̃ narüngü̃ẽẽ i ngẽma duü̃ü̃gü i turaeü̃. Wüi i profecia rü nüü̃ niu na Ngetchutchu rü tá ‘tüü̃ nataãẽẽẽgü ya yíema naĩꞌãtchiãẽgüe rü tüü̃ nataãẽẽẽgü ya guãma ya yíema ngetchaü̃güe’. (Isaías 61:1, 2) Tupanaarü duü̃ü̃gü rü nacaꞌ nadaugü na ngemaãcü inaüü̃caꞌ. — Juã́ũ 13:15.

   Tupana rü ta namaã i norü duü̃ü̃gü rü ngĩü̃ namugü i õna rü ngemaü̃gü ngeguma nacaꞌ inangugü i taütchiü̃ i gutchaü̃. — Puracügü 11:28-30; Gárataanecü̃ãꞌ 6:10.

 Aicuma niĩ. Woo Tupanaarü Ore rü tama niĩ i wüi i napane i emergênciatchiga, notürü nawa ngemaü̃ i ucuꞌẽgü na tüü̃ rüngü̃ẽẽrüü̃ niĩ. Cuaꞌãtchiruü̃:

•   Nagu irüĩnü i taꞌacü tá iü naü̃pa i ngẽma taütchiü̃ i gutchaü̃ nangugu. Tupanaarü Orewa nhanagürü: “Ngẽma naãẽxü̃ cuáxü̃, rü ngẽxguma nape̱xewa nangẽxmagu i wüxi i ãũcümaxü̃, rü naxcha̱xwa nixũgachi.” (Provérbios 22:3) Name niĩ naü̃pa nagu irüĩnü i taꞌacü tá iü tchi wüi i taütchiü̃ i gutchaü̃ nacaꞌ nangugu. Rü nüü̃́ nangema i wüi i butcha i anüpaacaꞌ (kit de emergência) na iüü̃caꞌ tchi inawaꞌeü̃. Rü nhuꞌmatchi nananguꞌẽẽ i natanüü̃maã i ngetá nügü inangau tchi wüi i taütchiü̃ i gutchaü̃ nangupetügu.

•   Curü maü̃ rü curü ngemaü̃güarü yeera name. Tupanaarü Orewa nhanagürü: “Rü yexguma noxri ixíraegu, rü taxuxü̃ma ñoma i naanewa tange. Rü ngẽxguma iyuegu rü taxuxü̃táma tinge.” (1 Timúteu 6:7, 8) Name niĩ nüü̃ tarüoetchaü̃ i tapata rü tórü ngemaü̃gü na ngemaãcü tibumüü̃caꞌ. Name nüna tacuaꞌãtchi i tórü maü̃ rü tórü ngemaü̃güarü yeera nameẽtchi. — Mateu 6:25.