Tupanaarü Orewa nüü̃ niu na ngẽma norü guꞌarü nguneü̃gu rü tá nanangoꞌẽẽ i nataütchi i daꞌaweaneü̃ i guü̃wama (pandemia). (Luca 21:11) Notürü i ngẽma nataütchi i daꞌaweanegü rü tama Tupanaarü pocu niĩ. Aicumaü̃tchi paa tá Tupana rü inayanaoẽẽ i guü̃ma i daꞌawegü.

•  Tupanaarü Orewa eꞌna marü naü̃pa nüü̃ niu ga pandemiatchiga?

•  Tupana rüeꞌna nanapocue i duü̃ü̃gü i daꞌaweü̃maã?

•  Nhuꞌma i pandemia rü Tupanaarü pocu niĩ?

•  Eꞌna inayacuaꞌ tá i ngẽmagü i pandemia?

•  Wetchicurugü i daꞌawegütchiga

 Tupanaarü Orewa rü tama naü̃pa nüü̃ niu i wüitchigü i pandemiatchiga. Cuaꞌãtchiruü̃, covid-19, aids rü ngẽma na i Espanhacü̃ãꞌ (gripe espanhola). Notürü Tupanaarü Orewa nüü̃ niu natchiga i taütchicü i daꞌaweane. (Luca 21:11; Apocaríchiu 6:8) Tupanaarü Ore rü naü̃pa marü nüü̃ niu na ngẽma gutchaü̃gü nangupetü tá i “ngẽxguma nagúxchaü̃gu i naane” rüeꞌna norü guꞌarü nguneü̃gu. —2 Timúteu 3:1; Mateu 24:3.

 Tupanaarü Orewa nüü̃ niu na nhuguacü Tupana rü nanapocue ga duü̃ü̃gü ga daꞌawemaã. Cuaꞌãtchiruü̃, duü̃ü̃güü̃ tchaünemaã nidaꞌweẽẽ. (Números 12:1-16; 2 Reis 5:20-27; 2 Crônicas 26:16-21) Notürü noretama ga duü̃ü̃gü nidaꞌawegü, rü tama nüna naüe ga guü̃ma ga togü ga duü̃ü̃gü. Aicumaü̃tchi, tüü̃ nidaꞌaweẽẽ ya yíema tama Tupanaga iĩnüetchaü̃e rü yema duü̃ü̃gü ga tchieü̃ ügüe.

 Tama niĩ. Nümaü̃ i duü̃ü̃gü rü nüü̃ niugü na Tupana nanapocue i duü̃ü̃gü i daꞌawegümaã i nhuꞌma. Notürü Tupanaarü Ore rü tama ngemaãcü nanangúeẽẽ.

 Cuaꞌãtchiruü̃, nümagü ga Tupanamaã niaicümagü ga duü̃ü̃gü rü ngúü̃ ningegü ga daꞌawemaã. Nüma ga iaicümacü ga Timúteu rü guü̃guetcha nidaꞌaweü̃. (1 Timúteu 5:23) Notürü Tupanaarü Orewa taguma nüü̃ niu na ngẽma norü daꞌaweü̃ rü Tupanaarü pocu na yiĩü̃. Nuꞌma nhure i aicumacügü Tupanaarü duü̃ü̃gü rü ta nidaꞌawegüü̃ rü nüü̃ naü i daꞌawemaã. Notürü i ngẽma namaã nangupetü erü guãcaꞌ ínangu i tümaarü gutchaü̃. — Eclesiastes 9:11.

 Ngẽmaétüwa, Tupanaarü Orewa nüü̃ niu na taũta ínangu i ngẽma norü nguneü̃ ngeguma Tupana nanapocuegu tá i ngẽma duü̃ü̃gü i tchieü̃ ügüeü̃. Nhuꞌma nagu itamaẽü̃ “i ngẽma ngunexü̃ i pexna naxuaxü̃ãxü̃ i maxü̃ i taguma gúxü̃”, ngẽma rü nhaü̃tchiga niĩ na Tupana rü nanaütchica na guü̃ma i duü̃ü̃gü rü nüü̃ nacuaꞌgü na ngemaãcü nanayaugüãü̃ i maü̃ i táguma gúü̃. (2 Corĩ́tiucü̃ãꞌ 6:2) Tupana namaã i pregaçãoarü puracü i guü̃ i naanewa rü namaã nüü̃ niuẽẽ i ngẽma ‘norü ore i mexü̃’. — Mateu 24:14.

 Aicuma niĩ. Tupanaarü Orewa nüü̃ niu na wipeꞌewa rü taü̃táma teé tidaꞌawegü. Paa tá yimá ãẽꞌgacü i Tupana nüü̃ yangucutchiü̃ rü nanameẽẽ tá i guü̃ma gutchaü̃gü i daꞌawetchiga. (Isaías 33:24; 35:5, 6) Tupana rü tá inayarüoẽẽ i guü̃ma i ngúü̃ rü ngẽma yu. (Apocaríchiu 21:4) Rü wenaarü nanamaẽẽẽ tá i ngẽma yueü̃. Ngẽma duü̃ü̃gü rü wüi i meẽtchicü taüne nüü̃́ nangemagü tá rü inamaẽ tá i ngẽma Meẽtchiü̃ i Naãnewa i númatama i naãnewa. — Salmo 37:29; Puracügü 24:15.

 Apocaríchiu 6:8: “Rü ichadawenü rü nüxü̃ chadau ga wüxi ga cowaru ga dexexü̃. Rü yema naétüwa rütoxü̃ rü Yu nixĩ ga naéga. Rü yema naweama ne ũxü̃, rü Yuexü̃chica nixĩ ga naéga. Rü yema taxre nanayauxgü ga pora nax ñoma ga naanewa rü . . . duü̃xü̃güxü̃ nada̱i̱xü̃ca̱x . . . da̱xaweanemaxã.”

 Nhaü̃tchiga niĩ: Ngẽma profecia natchiga i ngẽma ãgümacü Apocarítchiuarü cowarugü rü tüü̃ naweꞌ i nhuꞌmaü̃tchima nüü̃ nangupetü tchi i ngẽma daꞌaweane i guü̃wama.