Ngeü̃rüüü̃ niĩ i Tupanaẽ́ga?
Tupanaarü Orearü ngãü̃
Tupana rü nawüiãégatama. Rü hebraicogawa nhaãcü nawü i ãgümücü i consoantegümaã: יהוה. Rü ticunagawa duü̃ü̃gü rü nideagü i nhaãcü: Yeuwa . a Rü Tupana nüü̃ niu i Itchaíaarü poperawa i nhaã: “Tchama rü Yeuwa tchiĩ. Ngẽma niĩ i tchauéga.” (Isaías 42:8a, Tradução do Novo Mundo) Nũcümaü̃ i Tupanaarü Ore i ümatüü̃güwa nangoꞌ na naéga ya Yeuwa rü 7 mil narümumaẽ. Rü natauma i to naéga i Tupanatchiga na nhamarüü̃ muẽꞌpüꞌcüna nangoꞌ. b
Eꞌna Yeuwa rü yeera naãẽ́gaü̃?
Tupanaarü Orewa rü Tupana rü nawüiẽ́gatama. Notürü muü̃ãcü nüü̃ taca ya Yeuwa. Rü ngẽma tüü̃ narüngü̃ẽẽ na yeera Yeuwacümagütchiga nüü̃ tacuaꞌgü rü nhaãtüguwa nangẽma i nhure i cuaruü̃gü.
Ore |
Nawa nangoꞌ |
Nhaü̃tchiga niĩ |
|---|---|---|
Alá |
(Tauwama) |
Nhaã ore “Alá” rü árabigawa niĩ rü “Tupana” nhaü̃tchiga niĩ. Rü “Alá” rü tama Tupanaẽ́ga niĩ. Tupanaarü Ore i ümatüü̃ i árabigawa rü togü i nagawa ngẽmaü̃ i ngẽma ore na Tupanatchiga nideacaꞌ. |
Norü Ügü i Guü̃ma rü Nawa niĩ Íyacuaü̃ |
Ngẽma ore rü nhaü̃tchiga na natauma i to Tupana na guü̃arü yeera naporacü i Yeuwaarü yeera ngẽmaẽtchaü̃.— Isaías 43:10, TNM |
|
Guãétüwa Ngẽmacü |
Tupana rü guãétüwa nangẽma. |
|
Guü̃guma Ngẽmacü |
Daniel 7:9 , 13 rü 22, TNM |
Tupana ya Guü̃guma Ngẽmacü rü naü̃pa ga guü̃ma i ngemaü̃güü̃ rü duü̃ü̃gü. — Salmo 90:2 |
Inuũwaꞌecü |
Tupana nanawaꞌe i nüicatama nüü̃ ticuaꞌüü̃gü. Ngẽma ore i togü i Tupanaarü Orewa i ümatüü̃gü rü nhaãcü nawü “tchama rü tchanatchuꞌu na togü i tupanagüü̃ picuaꞌüü̃gü” urü “duü̃ü̃gü rü nüü̃ nacuaꞌgü na tchama rü tchanawaꞌe na tchaicatama nüü̃ picuaꞌüü̃gü”.— Tradução da Sociedade Bíblica Portuguesa rü Tradução do Novo Mundo. |
|
Naãnearü Üruü̃ |
Nanaü ga guü̃ma i ngemaü̃. |
|
Tupana |
Guü̃ma i ngẽma na nüü̃ nicuaꞌüü̃ rü Tupana niĩ. Ngẽma ore ta nhaü̃tchiga niĩ “Naporacü”. Nhaã ore ꞌElo·himʹ i hebraicogawa rü nhaü̃tchiga niĩ “Tupana” i ticunagawa rü ngẽma ore rü plural niĩ i hebraicogawa rü tüü̃ naweꞌ na Yeuwa rü taütchicü niĩ. |
|
Tupanagüarü Tupana |
Deuteronômio 10:17, TNM |
Ngẽma naweꞌ na Tupana ya Taütchicü rü tupananetagüarü natoraü̃ niĩ. — Isaías 2:8 |
Tupana ya Mecümaütchicü |
Taãẽ rü wüi Tapanacüma niĩ. — Salmo 104:31. |
|
Tchamatama tchiĩ |
Nüma rü nügü niĩẽẽ i guü̃ma i taꞌacü nanawaꞌe na norü ngútchaü̃ naüü̃caꞌ. Ngẽma ore rü ta nhaãcü nidea “tchama rü tchaugü tchiĩẽẽ tá i ngẽmaãcü i tchorü ngútchaü̃” urü nhaãcü “tchama rü tchaugü tchiĩẽẽ tá rü taꞌacü tchanawaꞌe tchaugü tchiĩẽẽ tá”. (Bíblia Enfatizada, de Rotherham; Tradução do Novo Mundo) Ngẽma ore rü naca niĩ na nüü̃ iutchiga i Tupanaẽ́ga ya Yeuwa na wetchicuru 15wa nangoꞌ.— Êxodo 3:15, TNM. |
|
Ngúeẽẽruü̃ |
Nüma rü tüü̃ naucuꞌẽ rü tüü̃ nanguꞌẽẽ rü taꞌacü rü torü mecaꞌ niĩ. — Isaías 48:17, 18, TNM. |
|
Tupana ya Nangoꞌẽẽcü |
Nüma rü nanaü ga guü̃ma.— Apocaríchiu 4:11 |
|
Tórü Üruü̃ |
Nhamarüü̃ i ngẽma tüü̃arü üruü̃ rü waiümüwa nanaü i taꞌacü i nüma naütchaü̃ü̃ rü ngemaãcü tá Tupana nangẽma i pora na namaã nacuaꞌ i duü̃ü̃gü rü natchiü̃anecü̃ãꞌgü. — Romacü̃ãꞌ 9:20, 21. |
|
Yumüẽgü nüü̃ Naĩnücü |
Nümatama nüü̃ naĩnü i guü̃ma i yumüẽgü na duü̃ü̃gü rü aicuma norü maü̃maã namaã nidea. |
|
Tanatü |
Nawa nangẽma i maü̃. |
|
Dauruü̃ |
Nüma rü tacaꞌ nãoẽgaãẽ ya guü̃ma ya teé nüü̃ ticuaꞌüü̃gü. |
|
Ngü̃ẽẽruü̃ |
Tupana rü Ngetchutchuarü yugagu rü nüna tüü̃ ínanguü̃ẽẽ i pecaduwa rü yuwa. — Juã́ũ 3:16 |
|
Guü̃gutáma Guü̃ma i Natchiü̃ãnegüarü Ãẽꞌgacü |
Tupana rü guü̃guma Ãẽꞌgacü niĩ rü guü̃gutáma niĩama. |
|
Nuta i Taütchiü̃ |
Tupana rü nüü̃ namaẽẽ rü nüü̃ ínapoü̃ i norü duü̃ü̃gü. |
|
Maẽẽẽruü̃ |
Tupana rü ãũcümaü̃wa rü yuwa nüü̃ ínanguü̃ẽẽ i norü duü̃ü̃gü. |
|
Tupana ya Üünecü |
Taúema ya teé Tupanaarü yeera üüneü̃ tiĩ. |
|
Cori |
Ngẽma ore rü hebraicogawa nhaãcü nidea ꞌA·dhohnʹ rü ꞌAdho·nimʹ. Ngẽma ore rü ta nhaü̃tchiga niĩ “yora” urü “ngúeẽẽruü̃”. |
|
Cori ya tchuraragüarü yora |
Nüma rü namaã nacuaꞌ i guü̃ma i poraãcü i ãĩyugü na tchuraragürüü̃ niĩgü. Rü ngẽma ore rü ta nhaü̃tchiga niĩ “Tchuraragüarü Yeuwa”. — Isaías 1:9, Tradução do Novo Mundo; Versão Brasileira. |
|
Cori ya Guü̃étüwa Ngẽmacü |
Ngẽma ore rü hebraicogawa nhaãcü nidea ꞌAdho·naiʹ. Rü ngẽma rü nüü̃ nanaweꞌ na taúema teé Tupanaétüwa nangẽma. |
|
Guü̃arü Yeera Poracü |
Taúema ya teé Tupanaarü yeera naporacü. Nhaã ore ꞌEl Shad·daiʹ i hebraicogawa na ticunagawa nhaü̃tchiga niĩ “Tupana ya Guü̃arü Yeera Poracü” rü 7 ẽꞌpüꞌcüna nangoꞌꞌ i Tupanaarü Orewa. |
Natchicagüéga i Tupanaarü Ore i ümatüü̃ i hebraicogawa
Tupanaarü Orewa nangẽmaü̃ i nümaü̃ i natchicaéga na Tupanaẽ́gawa ne naũ. Notürü ngẽma naégagü tama to Tupanaẽ́ga niĩ.
Natchicaéga |
Nawa nangoꞌ |
Nhaü̃tchiga niĩ |
|---|---|---|
Javé-Chammá, Jeová-Samá |
Ezequiel 48:35, Centro Bíblico Católico rü Tradução do Novo Mundo (com Referências), nota. |
“Yeuwa yéma nangẽma.” |
Cori ya Tupana [ya Yeuwa] rü tüna nanaã i ngẽma inawaꞌeü̃ |
Yeuwa rü tüna naã tá taꞌacü rü tüü̃́ natau. |
|
Cori ya Tupana [ya Yeuwa] rü tchorü cuaꞌruü̃ niĩ |
“Yeuwa rü tchorü cuaruü̃ niĩ” urü “tchorü wonera niĩ”. (Nova Versão Internacional) Yeuwaarü duü̃ü̃gü rü nacaꞌ nadaugüü̃ i norü ngü̃ẽẽ rü na nüma rü nüna inapoü̃caꞌ. — Êxodo 17:13-16 |
|
Jeová-Salom |
“Yeuwa ya tórü taãẽẽẽruü̃ rü torü ngümüẽẽruü̃ iĩcü.” |
Tüꞌcüü̃ inawaꞌegü nüü̃ icuaꞌgüü̃ rü nüü̃ iugü i Tupanaẽ́ga?
Tupanacaꞌ nameü̃tchima i naéga. Ngẽma nüü̃ tacuaꞌgü erü nüma rü nanangoꞌẽẽ i naéga i norü Orewa i ümatüü̃ rü 7 mil ẽꞌpüꞌcüna narümuũmae. — Malaquias 1:11, TNM.
Rü Tupana nane ga Ngetchutchu rü muẽꞌpüꞌcüna nidea natchiga na nameẽtchi niĩ i Tupanaéga. Wüi i cuaꞌruü̃, nüma rü nayumüe rü nhanagürü: “Pa Tonatü ya Dauü̃wa Ngẽmacü nanaüüneẽẽ i cuéga”. — Mateu 6:9, TNM rü Juã́ũ 17:6.
Na Yeuwamaã iãmücügüü̃caꞌ name niĩ na nüü̃ icuaꞌgüü̃ rü nüü̃ iugüü̃ i Tupanaẽ́ga. (Salmo 9:10, TNM; Malaquias 3:16, TNM) Rü nawa i Salmo 91:14, TNM rü Tupana namaã nauegu na nüü̃ rüngü̃ẽẽ tá i naãmücügü rü nhanagürü: “Rü yiema tchoü̃ ngetchaü̃e rü tchama rü ta tüü̃ ítchapoü̃ rü ta tüü̃ tchatatchigaẽẽ erü tchauégaü̃ tacuaꞌ.”
Tupanaarü Ore nüü̃ niu na togü Tupanagü ngemaü̃ rü 1 Corĩ́tiucü̃ãꞌ 8:5, 6 rü nhanagürü rü “duü̃xü̃gü nagu narüxĩnüe rü nangexma i muxü̃ma i tupanagü i ñoma i naanewa rü dauxü̃guxü̃ i naanewa.” Notürü Tupanaarü Ore nüü̃ niu na wüirica niĩ ya Tupana ya aicumacü rü na naéga rü Yeuwa niĩ. — Salmo 83:18, tcaP.
a Nümaü̃ i duü̃ü̃gü na natchiga nanguꞌe i hebraicoga rü nacaꞌ narümẽmaẽ nhaãcü niugü: “Iavé” urü “Javé”.
b Nawa i Tupanaarü Ore i ümatüü̃ ga nucümaü̃ ngẽguma nangoꞌgu i Yeuwaẽ́ga rü nawa nangẽma i ore “Cori”; “Cori ya Tupana” rü “Tupana” i ticunagawa. Rü to nacüma na Tupanaẽ́ga nüü̃ iu rü nhaãcü niĩ: “Jah”. Rü ngẽma naéga rü 50 ẽꞌpüꞌcüna Tupanaarü Ore i ümatüü̃wa nangoꞌ. Rü nhaã ore: “Aleluia” i hebraicogawa rü gregogawa nhaü̃tchiga niĩ: “Nüü̃ picuaꞌüü̃gü ya Jah” rü “Nüü̃ picuaꞌüü̃gü ya Javé”. Rü ngẽmacaꞌ ngẽma naéga “Jah” rü nangoꞌ i orewa i Aleluia ngegumarüü̃ü̃ nüü̃ iu i Pontifício Instituto Bíblico de Roma (Edições Paulinas). — Apocaríchiu 19:1; Almeida, revista e atualizada; Pontifício Instituto Bíblico de Roma (Edições Paulinas), nota.
Tocaꞌ cuü̃ name i ngẽma
CAGÜ NA TUPANAARÜ ORE NANGÃÜ̃
Teé niĩ i Yeuwa rü tüꞌcüü̃ nameẽtchima i naéga?
Nũcümaü̃ ga Iraéutanüü̃gürüü̃, eꞌna Yeuwa rü Tupanaicatama niĩ i wüi duü̃ü̃güarü natücumü?
TEÉ TIGÜ
Nacaꞌ ínaca na cuü̃tawa naũü̃caꞌ
Nüü̃ yeera cucuaꞌü̃ i Tupanaarü Oretchiga rüeꞌna i Yeuwaarü Orearü Uruü̃gütchiga.