Carru rü wüine ya ĩpata rü nanawaꞌe meama nüna idaũ. Ngegumaruü̃ tama niĩ i torü ãmücü i Tupanamaã. Icubaieguwena nhuãcü nüna cudau i curü ãmücü Tupanamaã?

Nhaã poperawa

•  Nanguꞌama i Tupanaarü Orecaꞌ

•  Nayumuẽama i Yeuwacaꞌ

•  Nagu ideaama i ngẽma taꞌacü nagu cuyaõü̃

•  Inanguama i ngutaqueꞌewa

 Wetchicuru: ‘Guü̃guma penaüü̃ca̱ꞌ i ngẽma nüma nanawa̱ꞌeü̃ rü guü̃ i nguneü̃gu yeeraãcü Tupanaü̃ pecuáü̃ca̱ꞌ’.—Corotchacü̃ãꞌ 1:10.

 Taꞌacütchiga i ngẽma wetchicuru nüü̃ niu? Icubaiewena rü nanawaꞌe Tupanaarü Orewa cuugütaeamaü̃ rü nagu curüinüü̃ i taꞌacü nawa cucuaꞌ.—Salmo 25:4; 119:97.

 Bemana, taꞌacü tá nangupetü? Nhuguãcü cuma rü tama cuü̃ iname na cunguü̃. Nagu curüinü na cunguü̃ rü tama cuca niĩ.

 Taꞌacü tá cuüü̃? Inangugü yeera i natchigagü i Tupanaarü Orewa cuü̃ meü̃. Naümatü curütama nguẽtaearü nguneü̃gü i cuü̃ nguꞌü̃ü̃ na ta cunaüü̃. Ngẽma cunawaꞌeü̃ niĩ na Yeuwaü̃ rü norü oreü̃ yeera cungetchaü̃ü̃. Cunguꞌü̃ rü curü meca niĩ rü ta cuna inanaã i taãẽ.—Salmo 16:11.

 Ucuꞌẽ: Inatchianeü̃wa inanguꞌ rü ngemaãcü ta meama icunguꞌ.

 Na yeera ngü̃ẽẽwaꞌẽü̃?

•   Nawa naugütae i:

   “Nhuãcü Tupanaarü Ore tchoü̃ narüngüẽ? – Noü üye 2: Yeera cugücaꞌ inametchigaẽ i Tupanaarü Orearü ugütae”

   “Nhuãcü nagurica tcharüĩnüü̃?”

•   Nüü̃ nadawenü:

   Taꞌacü togü ngetꞌü̃gü niugü? Naugütae i Tupanaarü Oretchiga

•   Nabaixa:

   “Inaümatü i Tupanaarü Orearü ugütae”

 Wetchicuru: ‘Rü tauca̱ma penai̱ãchiãẽgü! ¡Rü Tupanamaã nüü̃ piu i perü yumüẽwa i guü̃ma i ṯaꞌacü i peü̃ ngupetüü̃! ¡Rü naca̱ ípeca rü moẽ nüna peã!.’—Piripucü̃ãꞌ 4:6.

 Taꞌacütchiga i ngẽma wetchicuru nüü̃ niu? Tupanamaã quideaũ rü tare nacüma nüü̃ inangema: Cuma rü nüũ cuĩnü na cumaã yadeaũ ngeguma nawa cuugütaegügu i norü ore. Rü namaã quidea ngeguma cuyumuēgu. Curü yumuẽwa cuma rü icucaꞌ i taꞌacü cuũ tauũ rü ta moē nüna icuã nacaꞌ i guü̃ma i meü̃gü cuũ ngemaü̃.

 Bemana, taꞌacü tá nangupetü? Nhuguãcü curü yumuẽ rü ngemaētchatama niī. Rü ngemagagu cugüna icucaꞌ carü me Yeuwa nüü̃ naĩnüü̃ i tchorü yumuẽ rü nüũ inacuaꞌtchaũü̃ i taꞌacü namaã tchiutchaũü̃.—Salmo 10:1.

 Taꞌacü tá cuüü̃? Ngeguma iningunegu rü nagu rü ĩnü i ngemaü̃gü i curü yumuēwa nagu quideaegaũ. Tchi curü yumuēwa rü tauacüma ngematchiga quideagu i ngema ngoragu rü nagu rü ĩnüẽetcha rü yicama nacaꞌ inayumuẽ. Rü taũ cugücarica cuyumuẽü̃ rü nayumuẽ nacaꞌ i togü rü nacaꞌ i taꞌacü nüü̃ taugüü̃.—Piripucü̃ãꞌ 2:4.

 Ucuꞌẽ: Ngeguma nacaꞌ cuoegaãẽgu na curü yumuẽ rü ngemaẽtchatamacüraũ niīgu rü Yeuwacaꞌ inayumuẽ i ngematchiga. Erü nüma nüũ naĩnütchaũ i guü̃ma i taꞌacü cuü̃ oegaãẽẽü̃.—1 Juã́ũ 5:14.

 Na yeera ngü̃ẽẽwaꞌẽü̃?

•   Nawa naugütae i:

   “Carü me iname iyumuẽ?

•   Nabaixa:

   “Nhuãcü icunameētchigü i curü yumuẽ”

 Wetchicuru: “Rü meãma inangugü i curü nguētae . . . ngema cuügu rü ta cugütama icumaẽ rü togüü̃ ta.—1 Timúteu 4:16.

 Taꞌacütchiga i ngẽma wetchicuru nüü̃ niu? Ngeguma cuma natchiga quideagu i taꞌacü nagu cuyaõü̃ rü ta cunaporaẽ i curü õ. Rü icunamaẽgü i duü̃ü̃gü curü ĩnüẽü̃ rü nhuꞌmatchi curü maũ tá icupoü̃.

 Bemana, taꞌacü tá nangupetü? Rü nhuguãcü cuma rü tama cuũ inangutchaü̃ na natchiga quideaü̃ i taꞌacü nagu cuyaõü̃. Rü icumuũ na ngematchiga quideaü̃ i curü nguepataũwa.

 Taꞌacü tá cuüü̃? Rü taũ cuyangeü̃ na ngema tchieü̃ ĩnügü i cumaã inacuaꞌü̃ nhama cumuũü̃. Pauru nüü̃ iniu: ‘Woꞌo ngeguma tchama nüü̃ tchiugu i meü̃gü ngewacaũũ i tama tchorü ngutchaü̃maã ngemaãcütama rü tchona inaügatchi i ngema puracü.’—1 Corĩ́tiucü̃ãꞌ 9:16, 17.

 Ucuꞌẽ: Cunatügüarü ngüẽmaã rü nacaꞌ nadau i wüi taeneẽ rü taeya arü ngüẽẽ i meü̃ i cuarüü̃gü iĩgüü̃ i orearü uwa.—Proverbs 27:17.

 Na yeera ngü̃ẽẽwaꞌẽü̃?

•   Nawa naugütae i:

   “Tüꞌcüü̃ itchamuũ na tchorü õtchiga itchideaü̃?”

 Wetchicuru: ‘Rü nhuꞌma rü name niĩ i nacaꞌ idaugüü̃ na wüitchigü yigü rüngü̃ẽẽgüü̃ na yeeraãcü yigü íngetchaü̃güü̃caꞌ rü meü̃ iügüü̃caꞌ rü tama name na nüü̃ rüoeü̃ na ingutaqueꞌegüü̃.’—Ebréugü 10:24, 25.

 Taꞌacütchiga i ngẽma wetchicuru nüü̃ niu? Ngutaqueꞌewa tangugü na Yeuwaü̃ icuaꞌüü̃güü̃caꞌ. Notürü yeera iname nacaꞌ na taeneẽgü rü taeyagü tüü̃ inataãēgüẽü̃caꞌ i torü õwa. Rü nhuꞌmatchi nüü̃ itaãēgüẽü̃ ngeguma ngutaqueꞌewa ingugügu rü iunagügu.—Romacü̃ãꞌ 1:11, 12.

 Bemana, taꞌacü tá nangupetü? Nhuguãcü ngutaqueꞌewa rü togümare tarüĩnüẽ rü ngemagagu i ngema ucuẽgü imegüü̃ rü nüü̃ itarüngümaẽ. Urü ena inangema i ngemaü̃gü i cuü̃ gutchaü̃ na nüü̃ icurüporamaẽü̃ na ngutaqueꞌewa cunguamaü̃ nhama cupatana cudaü̃ rü cuüwemüü̃ ngema rü cuü̃ inanagutchaẽẽ.

 Taꞌacü tá cuüü̃? Ĩpatana cudaü̃ rü cuüwemüü̃ iname niĩ notürü tama yeera inarümemaẽ nüü̃ i ngutaqueꞌegü. Rü ngemacaꞌ nanawaꞌe i yeera na ngutaqueꞌewa meü̃gü ucuꞌẽ cuyauü̃. Rü ngutaqueꞌewa inaunagü. Rü ngutaqueꞌewena nüü̃ irümoẽ i wüitchigü taeneẽgü inaügüü̃ i norü orearü uꞌ rü unagü.

 Ucuꞌẽ: Cugü inameẽ naũpa i ngutaqueꞌe. Inaĩẽ aplicativo JW Library rü nagu naücu ngutaqueꞌe na nüü̃ cudaü̃caꞌ i taꞌacütchiga inidea i wüitchigü ngutaqueꞌe.

 Na yeera ngü̃ẽẽwaꞌẽü̃?

•   Nawa naugütae i:

   “Tüꞌcüü̃ nanawaꞌe icunguü̃ i ngutaqueꞌe iyaõgüü̃arüwa?”