Rü Tupanaarü ore nüü̃ niu na ‘yíxema tama naxügüxe i ngẽma chixexü̃ rü nüma ya Tupana [ya Yeuwa] rü tama tüxna nanachu̱xu i norü mexü̃.’ (Salmo 84:11) Notürü taꞌacütchiga niĩ i nagu quiũ i ngema tama tchieü̃? Nagu tamaü̃ i wüi nacüma naweü̃ na cuyanguẽẽü̃ i curü uneta i Yeuwamaã cuüü̃ yeguma icubaiegu. (Eclesiastes 5:4 rü 5) Nhuꞌma na icubaieü̃, nhuãcü nagu quiũama i ngema tama tchieü̃?

•  Naporaama naétüwa i gutchaü̃gü

•  Naporaama tchieü̃ cuna ĩnügu

•  Naporaama rü cugü naporaẽẽama

  Wetchicuru: “Ngẽma Tupana ãẽ̱xgacü ixĩxü̃wa nax ixücuxü̃ca̱x, rü tanaxwa̱xe i muxü̃ma i guxchaxü̃gümaxã yáxna taxĩnüexü̃ i ñoma i naanewa —ñanagürügü.”—Puracügü 14:22

 Taꞌacütchiga i ngema wetchicuru nüü̃ niu? Guü̃ma i yaõgüü̃ rü tá gutchaü̃gü nüü̃ nangupetü. Nümaü̃ i gutchaü̃ rü ngema na nüü̃ cuunetaü̃ na Yeuwaaü̃́ cuyaõü̃. Cuaꞌãtchiruü̃ nanatchuꞌu na Yeuwaaü̃́ cuyaõü̃ rü cuü̃ nacugüe. Notürü nangema i to i gutchaü̃gü i guü̃ma duü̃ü̃güü̃ ngupetü Yeuwaaü̃́ yaõü̃ rüeꞌna tama. Cuaꞌãtchiruü̃ ngearü dĩẽru urü nidaꞌawe.

 Bemana, taꞌacü tá nangupetü? Nhuguãcü torü maü̃ nayatoraü̃. Tupanaarü Ore nüü̃ niu na guü̃ma i duü̃ü̃gümaã nangupetü i tchieü̃ rü Yeuwaü̃́ yaõü̃ rüeꞌna tama yaõü̃maã. — Eclesiastes 9:11

 Taꞌacü tá cuüü̃? Nhuꞌma na marü nüü̃ cucuaꞌ na gutchaü̃gü nangemaü̃ cugü nacaꞌ cumeẽẽ. Nüü̃ cudau i ngema gutchaü̃ na yeera cuporaẽẽ i curü õ rü Yeuwagu cuyaõãma. (Tiago 1:2 rü 3) Rü yicamaü̃ratchigü rü düwa tá quiĩ apostolo Pauru nüü̃ iuurüü̃ na Tupana nüna nanaã ga pora na nüü̃ narüporamaẽü̃caꞌ ga gutchaü̃gü. — 2 Corĩ́tiucü̃ãꞌ 4:7

 Ucuꞌẽ: Yuchéarü oretchiga nacuaꞌ. Nawa naugütae i norü maü̃tchiga i Tupanaarü Orewa i Gênesis capiturugü 37, 39, 40 rü 41wa. Nagu rüĩnü i nhaü̃: ngeü̃rüüü̃ i gutchaü̃gü nüü̃ ngupetüü̃? Rü nhuãcü nüü̃ narüporamaẽ? Nhuãcü Yeuwa Yucheü̃ narüngü̃ẽẽü̃?

 Na yeera ngü̃ẽẽwaꞌẽü̃?

•   Nawa naugütae i:

   “Nhuãcü wüi gutchaü̃ i taü̃́ü̃ tcharüporamae?”

   “Nhuãcü tchama nüü̃ tcharüporamae i gutchaü̃gü?”

   “Taꞌacü iüü̃ torü maü̃ yatoraü̃gu?”

•   Nabaixa:

   “Taꞌacü tá cuüü̃ tchi cunatü rü cué i daꞌawegu?”

  Wetchicuru: “Natürü ngẽma chixexü̃ i tümatama nagu tarüxĩnüxü̃ nixĩ i chixexü̃gu tüxü̃ nguxẽẽxü̃.”—Tiago 1:14

 Taꞌacütchiga i ngema wetchicuru nüü̃ niu? Nhuguãcü guãma i yiemagü nagu tarüĩnüe na tchieü̃ iügüü̃. Ngemacaꞌ nameẽtchi nüna idau i ngema ngútchaü̃gü.

 Bemana, taꞌacü tá nangupetü? Baiewena, cuü̃́ nangemaama tá i ‘naü̃nearü ngútchaü̃gü.’ (2 Pedru 2:18) Rü ta cuü̃́ nangutchaü̃ tá niĩ cuãrüã tama quingĩãcü.

 Taꞌacü tá cuüü̃? Rü ngora i nüü̃ cuunetaü̃ rü nhuꞌma niĩ — naü̃pa na curü õü̃ naüü̃. Ngemaãcü tá, tama nagu cungu i curü ngútchaü̃ i tchieü̃. Nüna nacuaꞌãtchi i Ngetchutchu nüü̃ iuü̃: “Taxucürüwa wüxíe rü tataxrearü coriã̱x.”(Mateu 6:24) Rü pora i cuü̃́ ngemaü̃ na te’é tá niĩü̃ ya curü Tupana rü cumeꞌewa nangẽma. Ngemacaꞌ Yeuwaü̃ nauneta! Woo tchi nataütchi i ngútchaü̃, nagu cungu urü tama. Rü curü uneta niĩ.— Gárataanecü̃ãꞌ 5:16

 Ucuꞌẽ: Nüü̃ nacuaꞌ ngeü̃rüüü̃ i curü poragü rü curü turagü. Nüü̃ nauneta i namücügü i meü̃ cumaã iu. Nüna iũgatchi i duü̃ü̃gü rü natchicagü i cuü̃ tchieãẽẽtchaüü̃ naweguü̃ cuüü̃caꞌ.—Salmo 26:4 rü 5

 Na yeera ngü̃ẽẽwaꞌẽü̃?

•   Nawa naugütae i:

   “Nhuãcü nüna cuũgatchi i tchieü̃ cuna ĩnügu?”

   “Nhuãcü itchitchaãtchiü̃ nagu tcharüĩnüü̃ i aãrüã́tchiga?”

   “Nhuãcü nüna quiũgatchi i colegagü tüü̃ natchiewegu?”

   “Cuma nagu curüĩnüü̃ i Yeuwarüü̃?”

  Wetchicuru: ‘Pema rü ngẽmaãcü noxrirüü̃ mexü̃ i perü ngúchaü̃maã nüxü̃ perüngü̃xẽẽgüecha i taeneẽgü. Rü tama tanaxwa̱xe na nüxü̃ perüxoetanücüüxü̃ na Cristuwe perüxĩxü̃.’—Hebrews 6:11 rü 12

 Taꞌacütchiga i ngema wetchicuru nüü̃ niu? Teé tama tügü poraẽẽ i tümaarü puracüwa natautcha na taturaü̃ü̃ rü taoü̃.

 Bemana, taꞌacü tá nangupetü? Baiewena rü cutaãẽü̃tchi rü Yeuwacaꞌ cupuracü notürü yicama nguneü̃ ngupetü Yeuwaga iĩnü i guü̃ma i ngemagüwa rü nigutchatchigü. Ngema rü cuü̃ narümaãtchiẽẽ rü cuü̃ nüü̃ narütchauẽẽ na Yeuwacaꞌ cupuracüü̃.—Gárataanecü̃ãꞌ 5:7

 Taꞌacü tá cuüü̃? Naüama i taꞌacü i weguü̃ woo nhuguãcü tama ngema cuütchaü̃gu. (1 Corĩ́ticucü̃ãꞌ 9:27) Ngeguma ngema cuü̃ üpetügu nüna nangaicama ya cunatü ya daũgucü ya Yeuwa. Rü namaã nüü̃ iu i yumüẽwa naétüwa i ngema rü guü̃guma norü orecaꞌ cungu. Rü ta namaã naãmücüama i Yeuwaarü duü̃ü̃gü.

 Ucuꞌẽ: Nüna nacuaꞌãtchi na Yeuwa cuü̃ nangetchaü̃ rü guü̃guma cuü̃ narüngü̃ẽẽtchaü̃. Ega curümaãtchigu taṹ paama nagu rüĩnü na nüma cumaã nangetchaü̃ü̃. Rü Tupanaarü Ore nhanagürü: “Dücax, rü yíxema ipaxe rü pora tüxna naxã. Rü yíxema turaxe rü tüxü̃ ínanaporaãchixẽxẽ”. (Isaias 40:29) Írarüwatchigü, nüma naétü tá naweme i curü pora i nacaꞌ cuüü̃ na norü ngútchaü̃ cuüamaü̃.

 Na yeera ngü̃ẽẽwaꞌẽü̃?

•   Nawa naugütae i:

   ““Pa ngetüꞌügü rü Pa pacügü “pegü peporaexẽxẽ nax nawe perüxĩxü̃ i ngẽma ore””

   “Nhuãcü niĩ na taãẽãcü Tupanaü̃ tchicuaꞌüü̃?”

•   Nüü̃ nadawenü:

   Taꞌacü i Togü i Ngetüꞌücügü rü Paü̃gü Nüü̃ Iugü? — Maü̃ i guü̃arü yeera meü̃

 Orearü gú: Tchi nagu quiũgu i ngema tama tchieü̃ rü Yeuwaü̃ cutaãẽẽẽ tá. (Provérbios 27:11) Nüma rü nataãẽ tá ngeguma cuü̃ nadaugu na nawaama cuüü̃. Rü nüma tá cuü̃ narüngü̃ẽẽ na cugüna cudau na nüna quiũgatchiü̃ egaTchataná cuna ĩnügu.