Rü gucü ya yüügu rü tareeꞌpüꞌcüna ngẽma Yeuwaarü Orearü Uruü̃gü rü nanangutaqueꞌegü nawa i Ngutaqueꞌepataü̃ ya Yeuwaarü Orearü Uruü̃gü iĩü̃. Taꞌacü i ngẽma ngutaqueꞌegüwa ngupetüü̃? Tüꞌcüü̃ i curü mecaꞌ niĩ nawa cunguü̃ i ngẽma ngutaqueꞌegü?

•  Taꞌacü ngupetüü̃ i wüi i Ngutaqueꞌepataü̃wa?

•  Tüꞌcüü̃ name nawa cunguü̃ i ngẽma ngutaqueꞌegü?

•  Taꞌacü i ngẽma ngetüꞌü̃cügü rü paü̃gü nüü̃ niugüü̃?

 Ngutaqueꞌepataü̃ rü wüi i natchica ngetá ngẽma duü̃ü̃gü rü nanangutaqueꞌegü na nangúeü̃caꞌ na nhuãcü i Tupanaarü Ore tüü̃ rüngü̃ẽẽ i wüitchigü i nguneü̃gu. Ngẽma ngutaqueꞌegüwa cuma rü tá:

•   nüü̃ cucuaꞌ i ore i aicuma iĩü̃ i Tupanatchiga.

•   nüü̃ cucuaꞌ i taꞌacütchiga niĩ i nhuꞌmaü̃tchima ngupetügüü̃.

•   na nhuãcü narümecümamae.

•    nüü̃ cuyangau i meü̃ i ãmücügü.

  Taꞌacü nawa cüü̃́ nacuaꞌẽẽü̃ rü cüü̃ rüngü̃ẽẽ. Ngẽma Tupanaarü Orearü ucuꞌẽgü i ngẽma ngutaqueꞌegüwa nüü̃ niutchigaü̃ rü cüü̃ rüngü̃ẽẽ tá “nayaxu i ngẽma cua̱x”. (Provérbios 4:5) Ngemaãcü Tupanaarü Ore cüü̃ rüngü̃ẽẽ tá na meü̃ i unetagü cunaü i curü maü̃wa. Tupanaarü Ore rü ta cüü̃ nangãü̃ i ngẽma ãũrima nameẽtchiü̃ i cagü i nhaü̃:

•   Taꞌacücaꞌ imaẽü̃?

•   Eꞌna Tupanagagu niĩ i tórü oeẽ?

•   Taꞌacü ngupetüü̃ ngẽguma tayuegu?

 Nhaã niĩ nhure natchigagü i ore nawa nüü̃ niutchiga i ngẽma ngutaqueꞌegü i yüüarüguꞌgu:

•  v● Tüꞌcüü̃ nanayau i Tupanaarü Orearü ucuꞌẽgü?

•   Ngetá nüü̃ iyangau i ngü̃ẽẽ i ngẽma nagutchaütchi i nguneü̃gu?

•   Taꞌacü i ngẽma Ãẽꞌgacü ya Tupana nüü̃ yangucutchi tacaꞌ ínaüü̃ i nhuꞌma?

 “Wüi ga nguneü̃gu tchorü ãmücü i ngúepataü̃arü rü ngutaqueꞌewa nangu. Rü tchautanüü̃maã ínaruto. Toma rü paaãtchicaꞌ nüna taãgü i torü poperagü. Yicama nüma rü tchamaã nüü̃ niu na nabaiãtchi namaã i taenegüarü ore ga ngutaqueꞌewa. Nüma rü ta nüü̃ niu na norü tupaucawa natauma i poperagü i nawa ingúü nhama tüü̃́ nangẽmaruü̃.” — Brenda.

 Marü nüü̃ cucuaꞌ? Ngutaqueꞌepataü̃wa tama diẽrucaꞌ ínaca.

 Duü̃ü̃gü rü cuü̃ nataãẽẽẽ tá. Tupanaarü Ore nüü̃ niu na yaõgüü̃ rü ínanangutaqueꞌegüü̃ nacaꞌ ‘nügüaü̃́ nangútchaü̃ẽẽü̃’. (Ebréugü 10:24, 25) Natanüü̃gu narüã́ũü̃ i ngẽma duü̃ü̃gü i nacaꞌira nadauü̃ i Tupanaarü ngútchaü̃ iüü̃ rü togüarü ngútchaü̃ iüü̃, rü tüü̃ nataãẽẽẽ i nhama i naãnewa i duü̃ü̃gü nügüguicatama narüĩnüe.

 “Woo tchipaütchigu nagagu nataütchi i tchorü puracü, notürü Ngutaqueꞌepataü̃wa ngẽma duü̃ü̃gü rü guü̃guma tchoü̃ nataãẽẽẽ. Ngẽguma tchapatagu tchatáegugu rü tchataãẽü̃ rü ítchamemare na nai i nguneü̃gu wena tchapuracüü̃caꞌ.” — Elisa

 Marü nüü̃ cucuaꞌ? Nüü̃́ nangẽma i 120 mil arü yeera i natücümugü ya Yeuwaarü Orearü Uruü̃gü iĩü̃. Rü 60 mil arü yeera i Ngutaqueꞌepataü̃gü i guü̃ i naãnewa. Gucü ya taunecügu nanaügü 1.500 (mil e quinhentos) i Ngutaqueꞌepataü̃gü na yeeraü̃ i duü̃ü̃gü nawa nangugüü̃caꞌ. a