“Tchanawaꞌe Tupanaarü Ore tchaugütae, notürü ngẽguma nüü̃ tchadau norü ta rü tchorü maãtchi.”—Briana, 15 taunecü.

 Cumaã rü ta ngema nangupetüü̃? Nhuꞌmatchi nhaã popera cuü̃ narüngü̃ẽẽ tá.

•  Tücüü̃ name niĩ Tupanaarü Ore ugütae?

•  Nhuãcü Tupanaarü Ore iugütae?

•  Taꞌacü i togü paũgü rü ngetüꞌüü̃gü nüü̃ iugü

 Cuma rü tama cunangutchaü̃ẽẽ ugütae i Tupanaarü Ore? Tama nataucha Tupanaarü Ore ugütae erü tama nangẽmaü̃ natchicünaãgü rü ta muũtchi naátügü nangẽma. Ngẽmacaꞌ narüyeera terevisão rü ta internetarü videogü dawenümare.

 Tchi ngeguma wüi baú nũcümaü̃ icuyangau rü cuü̃ nangutchaü̃tchi na cuyawanaü̃ rü cudau?

 Tupanaarü Ore nüma baúrüü̃ niĩ rüꞌena nachiü̃rüü̃ niĩ nawa muũtchi uirugü. Nhuãcü Tupanaarü Ore cuü̃ narüngü̃ẽẽ tá?

•   Meü̃ rü tá cuunetacaꞌ

•   Cuma papagü rü mamagü nataãẽẽgü

•   Nhuãcü cungẽmaü̃ aicümaü̃cü i amücü

•   Nhuãcü tá memareü̃ quiĩ

 Tüꞌcüü̃ wüi popera nũcümaü̃ cuü̃ narüngü̃ẽẽ i nhuꞌma? Erü “guxü̃ma i Tupanaãrü ore i ümatüxü̃ rü nügüãẽwatama nanajaxu ga Tupana.” (2 Timúteu 3:16) Ngẽma nanaweꞌü̃ na norü ucüꞌegü ya Tupanaarü niĩ.

 Nüíra guü̃ma Tupanaarü Orewa iugütae. Inaü i ngẽma cuü̃ narüngü̃ẽẽ i Tupanaarü Ore cucuaꞌü̃. Ngiã nüü̃ tadau tare cuaꞌtchiruü̃gü rü nhuãcü ugütae i Tupanaarü Ore guü̃.

•    Cuugütae Biblia i 66 poperagü rü inanaügü Génesis nhuꞌmata Apocaríchiugu.

•    Nawa naugütae i Tupanaarü Ore nügüwa cunanuatchiãcü i guü̃ma i ngẽma to i natchipeꞌe i to wetchicurugü nüü̃ cuyangaü̃.

 Düca: Tradução do Novo Mundowa Apêndice A7gu nüü̃ niu rü taꞌacü narüyeera naüpetü Ngetchutchuarü maü̃gu.

 Norü tare ugütae üyé gutchaü̃tchiga cumaã nangupetü. Cuaꞌtchiruü̃:

•   Cunawaꞌe amücügü aicümacü? Cuugütae Davíarü ore rü ta Yonatãarü ore. (1 Samuel capíturugü 18 nhuꞌmata 20) Yicama cuü i Puracügü Tupanaarü Orearü “Como encontrar amigos leais” rü cudau i taꞌacü orearü cungu.

•   Cunawaꞌe i pora na tama icuüü̃ca’ i yema ngutchinü? Cuugütae Yuchéarü ore rü nüü̃ cudau nhuãcü ga nanaü i ngẽma. (Génesis capituru 39) Yicama cuü i Puracügü Tupanaarü Orearü “Como resistir à tentação, José — Parte 1” rü “Acusado injustamente, José — Parte 2” rü nüü̃ cudau norü cuaꞌruü̃ cuü̃ narüngü̃ẽẽ.

•   Cunawaꞌe cucuaꞌü̃ nhuãcü i yumüẽ cuü̃ narüngü̃ẽẽ? Cuugütae Neemíaarü ore. (Nehemías capíturu 2) Yicama cuü i Puracügü Tupanaarü Orearü “Deus respondeu sua oração” rü cudau i taꞌacü Neemíaarü ore cungu.

 Düca: Ngẽguma ugütae Tupanaarü Ore natchicawa cuũ na meã curüĩnü.

 Norü tamaepüꞌ ugütaegü wüi ore rüꞌena wüi Salmo yicama nagu curüĩnü. Cuaꞌtchiruü̃ nügütama cucaꞌ.

•    Tüꞌcüü̃ Yeuwa nanawaꞌe i nhaã oregü norü Orewa i ümatüü̃?

•    Taꞌacü nhaã tchoü̃ nguꞌẽẽ Yeuwaarü nacümatchiga?

•    Nhuãcü tchama ngẽma ore ga naĩnü?

 Düca: Wüi nguneü̃ iyau na Tupanaarü Ore cuugütae icunaücaꞌ.