NGETÜꞌÜCÜGÜ RÜ PAÜ̃GÜ NÜÜ̃ NACUAꞌGÜTCHAÜ̃
Nhuãcü nüü̃ tcharüporamae i ãnewaꞌeü̃?
Rü tchieü̃ i ore: Rü nagagu i ãnewaꞌeü̃ rü cuma tá tama nangema i namücügü.
Rü meü̃ i ore: Nhuguacü rü ãnewaꞌeü̃ tama tchieü̃ niĩ. Erü cuü̃ narüngü̃ẽẽ na meã nagu curüĩnü rü nüü̃ cudawenü naũpa quidea rü ta meã togü i duü̃ü̃güü̃ cuĩnü.
Rü nameẽtchi ore: Tchi cuma rü ãnewaꞌeü̃ quiĩgu i nhuꞌma rü nüü̃ curüporamae ta i ngẽma. Nhaa artchigu cuü̃ narüngü̃ẽẽ tá nhuãcü nüü̃ curüporamae i ãnewaꞌeü̃.
Taꞌacü cumuü̃?
Rü nagagu i ãnewaꞌeü̃ rü cumuü̃ütchi na duü̃ü̃gümaã quideaü̃. Rü ngẽmagagu rü cuãẽwa nagu curüĩnü na cuica cungemaü̃ nhama tchi wüi ucapu i waaneü̃wa cungemaü̃ruü̃. Ngẽma rü ngetchaü̃ütchi niĩ. Notürü tchi cuma meã nüü̃ cucuaꞌgu i curü muü̃gü rü nhama ucapu i waaneü̃ i ngürüãtchi omümaã ingóoneü̃ruü̃ niĩ rü meã nüü̃ cudau na tama cunawaꞌe na cumuü̃ü̃. Nüü̃ nadau i tamaepü i cuaꞌruü̃gü:
Namuü̃ 1: “Tama nüü̃ tchacuaꞌ i taꞌacü nüü̃ tchiu.”
Aicumaü̃: Rü duü̃ü̃gü yeera nüna nacuaꞌãtchie i taꞌacü namaã cunaü rü tama namaã quidea. Rü nüü̃ curüporamae i ãnewaꞌeü̃ rü ngẽguma i cuma rü duü̃ü̃gücaꞌ cuoegaãẽgu rü aicuma nüü̃ cuĩnü.
Nagu narüĩnü: Taꞌacü i ãmücü rü cucaꞌ name? Rü yimá rü guü̃guma nidea rü tama cuü̃ naĩnü urü yimá cucaꞌ naogaãẽ rü aicuma cuü̃ naĩnü?
Namuü̃ 2: “Duü̃ü̃gücaꞌ rü tchatchiecümamare rü tama tchideawaꞌe.”
Aicumaü̃: Rü woo ãnewaꞌeü̃ quiĩ urü tama rü duü̃ü̃gü tá guü̃guma nüü̃ nangema i wüi ĩnü i cutchiga. Rü ngẽmacaꞌ name i nümagü meã cuü̃ nacuaꞌgü. Ngẽmaãcü rü ngẽma cuü̃ narüngü̃ẽẽ na cuma nüü̃ curüporamaeü̃ i curü muü̃gü rü nümagü rü ta meü̃ cutchigagu narüĩnüẽ.
Nagu narüĩnü: Tchi cuma nagu curüĩnügu na duü̃ü̃gücaꞌ rü cutchiecümamare rü tama quideawaꞌe, eꞌna cuma cunangugü i tchieü̃ i duü̃ü̃gü?
Namuü̃: “Tchi nüü̃ tchiugu i tchieü̃tchigamare? Rü tchaãne tá.”
Aicumaü̃: Ngẽma nangupetü i guü̃ma i duü̃ü̃gümaã. Tchi cuma nüü̃ quiu i tchieü̃tchigamare rü nayonie na cunaweꞌü̃ na nüü̃ cucuaꞌü̃ na wüi i pecaduã́ü̃ quiĩü̃
Nagu narüĩnü: Cucaꞌ rü narümemae niĩ naũtawa cungemaü̃ i duü̃ü̃gü i nüü̃ cuaꞌgüü̃ na yagutchinügüü̃?
Marü nüü̃ cucuaꞌ? Nümaü̃gü i duü̃ü̃gü nagu narüĩnüẽ na tama naãnewaꞌegüü̃ erü muü̃tchiü̃ i duü̃ü̃gümaã nideagü i internetwa. Notürü yeera name na cuü̃ inangẽma i aicumaü̃ i ãmücügü ngẽguma nümatama namaã quideagu. Rü Sherry Turkle psicóloga rü especialista i tecnologiawa ngĩgürügü: Ngẽguma nüü̃ idaugügu rü nüü̃ taĩnüẽ i duü̃ü̃güarü dea rü nhuꞌmatchi aicuma nüna tangaicamagü.” a
Rü tchi curü muü̃gümaã icucuaꞌgu rü nümatama namaã quidea rü meã nüü̃ cudau na tama cunawaꞌe na cumuü̃ü̃.
Rü ucuꞌẽgü nacaꞌ nüü̃ curüporamae i ãnewaꞌeü̃
Tama togüarü maü̃wa yigü tangugü: Rü tama cunawaꞌe na guü̃guma quideaütchiü̃ notürü cunawaꞌe cügü cuporaẽẽ na curü ãnewaꞌemaã icucuaꞌü̃. Rü ngẽmaãcü tá cuü̃ nangema i ãmücugü rü yeera cutaãẽ.
“Rü tama nanawaꞌe quideaütchi. Rü tama cuicatama quidea. Rü nüü̃ curümoẽ rü nümaü̃gü i cagü cunaü.”—Alicia.
Tupanaarü Ore nhanagürü: “Rü name nixĩ i mea tügüarü maxü̃tama tangugü. Rü ngẽxguma namexgu i tümaarü maxü̃, rü name nax tügümaxãtama tataãxẽ. Natürü taxuca̱xma tü̱xcüü̃ togüarü maxü̃wa tügü tangugü.”—Gárataanecü̃ãꞌ 6:4
Mea nüü̃ nadawenü: Rü mea nüü̃ cudawenü nhuãcü ngẽma duü̃ü̃gü tama naãnewaꞌegü na togümaã nideagüü̃. Taꞌacü naügü? Taꞌacü tama meü̃? Nhuãcü cuma rü nüü̃ quidauü̃?
“Rü mea nüü̃ cudawenü rü meã nüü̃ cucuaꞌ i ngẽma duü̃ü̃gü i meü̃ ãmücügü nüü̃ ngẽmaü̃. Rü nüü̃ cudau taꞌacü naügüü̃ rü taꞌacü nüü̃ niugü ngẽguma nüü̃ nacuaꞌgügu i wüi duü̃ü̃ i nüíraepüꞌcüna.”—Aaron.
Tupanaarü Ore nüü̃ niu na ngẽma duü̃ü̃gü nügüü̃tawa nüü̃ nacuaꞌe, rü nhanagürü: “Ngẽma fieru rü to i fieruxü̃ nate̱xẽxẽ. Rü ngẽxgumarüxü̃ ta i taxre i duü̃xü̃gü rü nügü naxucu̱xẽgü nax mexü̃gu naxĩnüexü̃ca̱x.”—Provérbios 27:17.
Inaca: Guü̃guma rü duü̃ü̃gü rü nüü̃ name na norü ĩnü yaugüü̃ i wüi ngemaü̃tchiga. Ngẽmacaꞌ cunaü i cagü rü meẽtchiü̃ niĩ na cunaügüü̃caꞌ i deagü. Ngemaãcü tá tama cutchigarica nideagü.
“Name niĩ mea nagu narüĩnüü̃ i taꞌacü quidea, rü ngemaãcü tama poraãcü cuoegaãẽ. Cuaꞌãtchiruü̃ naũpa i wüigu i duü̃ü̃gümaã cungema rü name mea cügü cumeẽẽ rü nagu curüĩnü i nümaü̃gü i natchigagü i togümaã quideatchaü̃. Tchi cunaügu i ngẽma, rü nüü̃ cucuaꞌ i ngewacaü̃ i duü̃ü̃gü rü tama naca cuoegaãẽü̃tchi na taꞌacü tá quiuü̃ rü yeera natautcha cuãmücüü̃.”—Alana.
Tupanaarü Ore nüü̃ niu: “¡Rü tama pegüguxicatama perüxĩnüe, natürü name nax ngẽma togügu perüxĩnüexü̃ rü pegü perüngü̃xẽxẽgüxü̃!”— Piripucü̃ãꞌ 2:4.
a Rü popera i Reclaiming Conversation (nanameẽẽ i yadeaü̃).