NGETÜꞌÜ̃CÜGÜ RÜ PACÜGÜ RÜ NÜÜ̃ NACUAꞌGÜTCHAÜ̃
Nhuãcü tá nüü̃ rüoü̃ na tama meü̃gu rüĩnüü̃? Ngetüꞌü̃cügü rü pacügü rü nüü̃ nacuaꞌgütchaü̃?
Nhuãcü tá cuma cugü cudau?
Guü̃guma meü̃gu rüĩnüü̃
“Tchama tama naguü̃tchi tcharü inü nacamee ãũrima tchaoegaẽẽ ngẽmaü̃gü rü tchi yeera taãẽẽ tchoü̃ ngẽmaü̃caꞌ”—Valerie.
Tama meü̃gu rüĩnüü̃
“Guü̃guma tchanawaꞌetchi nümaü̃ i ngẽmaü̃ i meü̃ tchamaã nangupetüü̃tchi, nagu tcharüĩnü paꞌütchi: ngẽmaãcü yeera nameẽtchi aicumaü̃tchi niĩgü.”—Rebecca.
Meã nanayau
“Rü icurümemaẽtchaü̃ rü nawa tüü̃ nagaꞌ na icurümaãtchiü̃ rü na icunawaꞌeütchiü̃ rü nhatüwaáma cuü̃ naga. Rü cugümaã quiaicümaü̃ rü ta cuü̃ narüngü̃ẽẽ na nüü̃ cudau na nhuãcü nüma aicumaü̃tchi niĩgü.”—Anna.
Tüꞌcüü̃ nacaꞌ cuoegaãẽ i ngẽmagü?
Tupanaarü ore nüü̃ niu, “natürü yíxema taãẽxe, rü tümaca̱x rü guxü̃ma i ngunexü̃gu tüxü̃́ nangẽxma i tümaarü taãxẽ.” (Provérbios 15:15) Rü duü̃ü̃gü rü guü̃guma meü̃gu rüĩnüe rü nüü̃ rüoü̃ i tama meü̃gu rüĩnüe rü yeera nataãẽgü. Rü ta yíema guü̃guma meü̃gu rüĩnüe rü yeera namücügü ngẽmaü̃. Aicuma niĩ, tama name duü̃ü̃gümaã nangema na guü̃guma tama meü̃gu rüĩnüe.
Notürü, woo wüi duü̃ü̃ guü̃guma meü̃gu rüĩnüü̃ rü bemana nacaꞌ tama natautcha. Cuaꞌãtchiruü̃:
Rü terevisãowa nangema deagü i tchieü̃tchiga rü dai rü terrorismo rü tchieütchiü̃ üü̃.
Bemana cuü̃ nangema i gutchaü̃gü i cutanüü̃güwa.
Rü bemana cügü cuporae na curütama turagüü̃ curüporamaeü̃caꞌ.
Rü bemana cumücü cuü̃ nangetchaü̃ẽẽ.
Rü tama name namaü̃ nhuãcü tchi tama cuü̃ nangemagu i gutchaü̃gü. Noturü tama name nagu curüĩnüetcha i gutchaü̃güwa erü cuü̃ nangetchaü̃ẽẽ. Rü cügü cuporaẽẽ na meü̃gu curüĩnüü̃caꞌ. Rü ngẽma rü cuü̃ narüngü̃ẽẽ i maü̃arü gutchaü̃gü cunayau rü ngemaãcü gutchaü̃gü tama cuü̃́ narüporamae.
Cuma rü nüü̃ curüporamae i gutchaü̃gü rü narüü̃ i pucütaütchi rü nagu cuyaõ rü üacü nibaitchi
Taꞌacü tá cuüü̃
Rü tama i curü pecaduguicatama curüĩnüü̃.
Tupanaarü Ore nüü̃ niu: “Natürü ñoma i naanewa rü tataxuma ya texé aixcüma mea maxü̃́xẽ rü guxü̃guma mexü̃ üxe rü taguma chixexü̃ üxe.” (Eclesiastes 7:20) Rü curü pecadugü nanaweꞌ na cuma rü duü̃ü̃ quiĩ rü narüü̃ i yiemagü i guẽma ĩpecaduãgüü̃.
Nhuãcü meã nanayau: Rü cunayau i curü pecadugü erü quipecaduã. Rü wüi ngetüꞌücü naéga Caleb nüü̃ niu: “Rü tama tchorü tchieü̃guicatama tcharüĩnü. Notürü nacaꞌ tchadau rü nüü̃ tchacuaꞌtchaü̃ i tchorü tchieü̃gü.”
Tama name togüarü maü̃wa cugü cungugü.
Rü Tupanaarü Ore nüü̃ niu: ”Rü tama name i yigü ticua̱xüü̃gü rü yigü ítarüta rü bai nax togüxü̃ rüyexeragüchaü̃xü̃, rü bai nax ta̱xacüca̱x ixãũxãchixü̃.” (Gárataanecü̃ãꞌ 5:26) Rü nüü̃ cudau i cumücügütchicünaꞌã i redes sociaiswa na cuma tama cuna nau i ngẽma patawa rü ngẽmacaꞌ cuma rü curümaãtchi rü cunu. Rü cuma rü cunaügü na cumücügümaãtchi na ngẽmaãcü namaã cuuwanüãũ.
Nhuãcü meã nanayau: Rü cunayau na tama guü̃guma rü duü̃ü̃gü cuna nau i petagüwa. Rü ta duü̃ü̃gütchicünaꞌãgü i nüü̃ cudau i redes sociaiswa rü tama nanaweꞌ i guü̃ma i taꞌacü nangupetü i duü̃ü̃güarü maü̃wa. Rü wüie pacü ngiéga Alexis nüü̃ tiu: “Rü redes sociaiswa rü duü̃ü̃gü nanaweꞌgü i taꞌacü meü̃gü niĩ rü tama nanaweꞌgü i guü̃ma i taꞌacü nangupetüü̃.”
Wüigu togümaã rü cutanüü̃gümaã cutaãẽe.
Rü Tupanaarü Ore nüü̃ niu: “¡Rü pegü peporaexẽxẽ nax guxü̃ma i duü̃xü̃güxü̃ pengechaxü̃güxü̃ rü ngẽmaãcü wüxigu namaxã petaãxẽgüxü̃ca̱x!.” (Romacü̃ãꞌ 12:18) Rü tama namaã icucuaꞌ i taꞌacü duü̃ü̃gü naügüü̃ notürü cuma tá namaã icucuaꞌ i taꞌacü cuüü̃. Rü guü̃guma nüü̃ curüngü̃ẽẽ na taãẽ nangemaü̃caꞌ.
Nhuãcü mea nanayau: Ngeguma wüi gutchaü̃ cuü̃ nangupetügu rü cugü cuporae na cutanüü̃gümaã curüngümüẽẽ, rü narüü̃ cumücügümaã cuüü̃ tá. Rü wüie pacü ngĩéga Melinda nüü̃ tiu: “Rü guãma i yiemagü tipecaduãgü rü nhugüãcü ngẽma duü̃ü̃gü rü tüü̃ nangetchaü̃ẽẽ. Notürü nüü̃ tauneta i taꞌacü taügü tchi namaã tataãẽgügu uru tama.”
Moẽ nüna naãü̃.
Rü Tupanaarü nüü̃ niu: “Rü name nixĩ i Tupanana moxẽ pexãgü.” (Corochacü̃ãꞌ 3:15) Rü guü̃guma moẽ nüna cuã rü cuü̃ narüngü̃ẽẽ i nagu curüĩnü i taꞌacü meü̃gü nangupetü i curü maü̃wa, rü tama nagu curüĩnü na ngẽmaü̃gü na tama mea ínanguutchi.
Nhuãcü mea nanayau: Rü cunayau na cuü̃ nangupetü i gutchaü̃gü, notürü ta cunayau i ngemaü̃gü i meü̃gü cuü̃ nangupetü. Rü wüie pacü ngĩéga Rebecca nüü̃ tiu: Wüitchigü i nguneü̃gu tchaümatüü̃ i ngemaü̃ i meü̃ na tchoü̃ nangupetü. Tchaucaꞌ name nüna tchacuaꞌãtchi na nangema muü̃tchi i ngemaü̃gü i meü̃gü rü ngẽmawa mea nagu tcharüĩnü.”
Mea nüü̃ nauneta i cumücügü.
Rü Tupanaarü Ore nüü̃ niu: “Rü texé ya chixexü̃ i duü̃xü̃maxã ãmücüxe, rü tüxü̃́ inayanaxoxẽxẽ i tümacümagü i mexü̃” (1 Corĩ́tiucü̃ãꞌ 15:33) Tchi muü̃tchi i nguneü̃gü i duü̃ü̃gümaã na tchire i togütchiga nideagügu cungema uru duü̃ü̃gümaã na tama meü̃gu narüĩnüe cungema rü düwa narüü̃ quiĩ tá.
Nhuãcü meã nanayau: Rü ngẽguma gutchaü̃gü nangupetügu i tamücügümaã, bemana nhure i nguneü̃ nangetchaü̃gü rü tama meü̃gu narüĩnü. Rü name niĩ nüü̃ curüngü̃ẽẽ, notürü tama name na ngẽma rü cuü̃́ nanagutchaẽẽ. Rü wüie pacü ngĩéga Michelle nüü̃ tiu: “Tama name guü̃guma tangemagü i duü̃ü̃gümaã i tama meü̃gu narüĩnüe, rü wüi cuaꞌãtchiruü̃, rü mea nagu tarüĩnüe i ngẽma nguꞌarü matemáticawa ngẽguma cunangugügu i menumaã rü tá inadau i norü ngãü̃ tama name tá rü ngegumarüü̃ i yiema ngeguma tama mea nangugügu i torü ĩnü tchieü̃ rü ngemacaꞌ tá yeeraãcü nhaatüwa naũ i curü ĩnü”.
Yeera naugütae i ngẽmatchiga
Tupanaarü Ore nüü̃ niu na tamaẽü̃ i nguneü̃wa na “ãũcümaxü̃gü rü guxchaxü̃gü naxca̱x i duü̃xü̃gü.” (2 Timúteu 3:1) Rü nhama i naane poraãcü gutchaü̃gü nangema, rü ngemacaꞌ cucaꞌnagutcha meü̃gu curüĩnüama? Nawa naugütae i natchiga “Tüꞌcüü̃ nangẽmaü̃ i tchieü̃gü rü oẽgü?”.