Muü̃ma i duü̃ü̃gü rü nagü narüĩnüe na curutcha nüü̃ ngemagü rü marü nügücaꞌ yaõgütanüãü̃ niĩgü i guü̃ i Naanewa. Woo na Yeuwaarü Orearü Uruü̃gü rü õgütanüü̃ tiĩgü notürü tama curutchaü̃ nicuaꞌüüü̃gü. Rü tüꞌcüü̃?

 Erü Tupanaarü Ore nüü̃ niu na tama curutchagu nayuü̃ ga Ngetchutchu. Ngetchutchu rü wüi catagu nayu. Rü nhuꞌmatchi Tupanaarü Orewa tacaꞌ nanangoꞌẽẽ rü yaõgüü̃ nüna tiĩgatchi i guü̃ma i tupananetatchicünaꞌãgü na tama nüü̃ icuaꞌüüü̃güü̃caꞌ. Rü tama ta curutchaü̃ icuaꞌüüü̃güü̃.—1 Corĩ́tiucü̃ãꞌ 10:14; 1 Juã́ũ 5:21.

 Ngetchutchu nhanagürü: “Rü ngeguma wüitchigü pemücügüü̃ pengetchaü̃gu, rü guü̃ma i duü̃ü̃gü tá nüü̃ nicuaꞌãtchitanü na tchorü ngúeü̃gü peiĩgüü̃”. (Juã́ũ 13:34, 35) Ngetchutchu rü ngema oremaã tüü̃ nanguꞌẽẽ rü ngema ngetchaü̃ niĩ rü nanaweꞌü̃ na tee tiĩgü ya yíema aicuma i norü ngúeü̃güe. Rü tama curutcha niĩ rü tama tupananetatchicünaꞌãgü niĩ rü naweꞌeü̃ na aicuma yaõgüü̃.