Erü toma ya Yeuwaarü Orearü Uruü̃gü rü Tupanaü̃ tangetchaü̃gü rü ta duü̃ü̃güü̃ tangetchaü̃gü, rü togümaã nüü̃ tiugütchaü̃ i Tupanaarü Oretchiga. Ngẽma duẽẽgü rü ta tiĩ ya teé tama nüü̃ ĩnütchaü̃e i ngẽma ore i meü̃. (Mateu 22:37-39) Erü Tupanaü̃ tangetchaü̃gügagu rü naga taĩnüe i ngẽma mu na Ngetchutchu tüü̃ namuü̃ rü ngẽma niĩ guü̃wama i guü̃ i duü̃ü̃gümaã nüü̃ tiugü i ngẽma ore i meü̃. (Puracügü 10:42; 1 Juã́ũ 5:3) Nacaꞌ ngemaãcü tanaügü rü name nhureeꞌpüꞌcüna duü̃ü̃gügu tanaĩane nanangegumarüü̃ ga yema nũcümaü̃ orearü uruü̃gü marü nanaügü. (Jeremias 25:4) Erü nüü̃ nangetchaü̃gügagu i togü i duü̃ü̃gü rü namaã nüü̃ tiugütchaü̃ i ngẽma ore i meü̃, rü ngẽma duü̃ü̃gü i tama nüü̃ iĩnütchaü̃güü̃ rü ta niĩ. — Mateu 24:14.

 Ngeguma wena napatagu tawoegugu ngẽma duü̃ü̃gü na ü̃pa tomaã nüü̃ niugü na tama nüü̃ nacuaꞌgütchaü̃ rü düwa tüü̃ naĩnütchaü̃gü. Nüü̃ cudau tamaẽpüꞌ nacümagü na tüꞌcüü̃ i ngẽma ngupetüü̃:

•   Napatana niũgatchi.

•   To napatacü̃ãꞌ rü nüü̃ naĩnüetchaü̃ i ore i meü̃.

•   Duü̃ü̃gü rü nanaütchicüü i nagu narüĩnüü̃ãcüma. Nhama naanecü̃ãꞌgü rü nanaütchicüüü̃ rü duü̃ü̃güarü maü̃ rü ta nanaütchicüü, rü ngemagagu niĩ na nhuꞌma nüü̃ nacuaꞌtchaü̃ i Tupanatchiga rü Tupanaarü oretchiga. (Mateu 5:3) Ngẽma duü̃ü̃gü na ü̃pa nauwanüãꞌgü rü nhuꞌma nanatoraü̃ i norü nagu narüĩnüãcüma ga ngegumarüü̃ namaã nangupetü ga apótolo Pauru. — 1 Timúteu 1:13.

 Notürü toma rü tama poraãcü nüü̃ nayaugüẽẽ i ngẽma ore i meü̃. (1 Pedru 3:15) Erü wüitchigü i duü̃ü̃gü name niĩ nüü̃ nauneta i taꞌacü tá nüü̃ nayaoü̃ i religiãotchiga. — Deuteronômio 30:19, 20.