Tama. Yema diẽrutchĩü̃ rü duü̃ü̃gü tüü̃ üe tiĩ ya tórü puracüü̃ rüngü̃ẽẽ guü̃ i Naanewa. Tama nüü̃ tacuaꞌ na teemeꞌ niĩ ya diẽru tüü̃ üe. Taꞌacü niĩ i dízimo? Rü tüꞌcüü̃ Yeuwaarü Orearü Uruü̃gü nüü̃ natauma i ngema nacüma?

 Moitchéarü mugüwa nangema i wüi mu rü dízimo niĩ. Dízimo nhaü̃ rü niĩ: Ngeguma gumeeꞌpüarü yauye i ngemaü̃ rü wüi Tupanana naã. Tupanaarü Ore nüü̃ niu rü Moitchéarü mugü na nucümaü̃ iraéuanecüãꞌgüü̃caꞌ niĩ. Notürü ngema mu i dízimo rü tama i nhuꞌma yaõgüü̃caꞌ niĩ.—Ebréugü 7:5, 18; Corochacü̃ãꞌ 2:13, 14.

 Yeuwaarü Orearü Uruü̃gü tama togü namu oferta rü dízimo na ãü̃. Toma rü nhama nüíra yaõgürüü̃ i Tupanaarü puracüü̃ tarüngüẽẽ. Ngeguma diẽrutchiü̃ rü nangetanüãcü duü̃ü̃gümaã nüü̃ tiugu i Tupanaarü Ore.

 Ngegumarüü̃ taꞌacü Tupanaarü Ore nüü̃ iuu tanaügü: “Rü wüitchigü tanawaꞌe na ngĩü̃ itaãü̃ i ngema ngĩgu tarüĩnücü na nhure ngĩü̃ itaãtchaü̃ü̃. Rü tama name i aüãcüma ngĩü̃ itaã rüeꞌna teé tüü̃ muãcüma ngĩü̃ itaã. Erü Tupana rü nüü̃ nangetchaü̃ i ngema duü̃ü̃ i taãẽãcüma ngĩü̃ iãü̃.”—2 Corĩ́tiucü̃ãꞌ 9:7.