Tüꞌcüü̃ i ngẽma Yeuwaarü Orearü Uruü̃gü rü tama gueragügu naãgü?

NAPAÜ

Ngẽma Yeuwaarü Orearü Uruü̃gü rü tama gueragügu naãgü nagagu i nhaã nacümagü:

Tupanaga naĩnüe. Tupanaarü Orewa nüü̃ niu na Tupanaarü duü̃ü̃gü “rü ngẽma naxnegü i namaxã nügü nada̱i̱xü̃ rü norü puracüruxü̃ tá nayaxĩgüxẽxẽ ... rü bai tá i daica̱x nügü nax nangúexẽẽxü̃.” — Isaías 2:4
Ngetchutchuga naĩnüe. Ngetchutchu rü norü ngúeü̃ ga Pedrumaã nhanagürü: “¡Naxchiü̃gu yaxǘcuchi i curü tara! Erü guxãma ya yíxema taramaxã nuẽxe, rü taragu tátama tayue.” (Mateu 26:52) Ngemaãcü Ngetchutchu rü meama nanaweꞌ na norü duü̃ü̃gü rü tama niãne.

Erü tama purítchicagu naãgü, ngẽma Ngetchutchuarü duü̃ü̃gü rü norü mugüga naĩnüẽ rü “tama ñoma i naanecüã̱x nixĩgü”. (Juã́ũ 17:16) Nümagü rü tama ãẽꞌgacügümaã nanue i ngẽma gueragütchiga rü tama nüna nanatchuꞌu i togü i duü̃ü̃gü i tchuraragütücumü niĩgütchaü̃.
Togü i duü̃ü̃güü̃ nangetchaü̃gü. Ngetchutchu nüü̃ namu na namücügüü̃ nangetchaü̃güü̃caꞌ. (Juã́ũ 13:34, 35) Ngemaãcü rü guü̃ i naãnewa rü natanüü̃ü̃tchi niĩgü. Rü tauema rü tügümaã tadaigü tá. — 1 Juã́ũ 3:10-12.
Norü cuaꞌruü̃ ga nüíraü̃ yaõgüü̃. Wüi i nguꞌẽẽtaepane nüü̃ niu na “yema nüíraü̃ Cristuaü̃́ yaõgüü̃ rü tama gueragüwa naãgü rü bai tchuraragü niĩgü”, erü ngẽma nacümagü rü “tama namaã wüiguü̃ i ngẽma Ngetchutchuarü ngetchaü̃ rü norü mu i nüü̃ nangetchaü̃ i norü uwanügütchiga”. (Encyclopedia of Religion and War). Ngegumarüü̃ ta ngẽma Alemanhacü̃ãꞌ ya teólogo ya Peter Meinhold nhanagürü: “Taucürüwama rü Crituaü̃́ niĩ rü tchuraratücumü niĩ rü ta.”

Togüü̃ narüngü̃ẽẽ

Ngẽma Yeuwaarü Orearü Uruü̃gü rü meã togüü̃ narüngü̃ẽẽ i natchicawatama, rü tama rü daimaã nayaãũnegü natchiü̃anecü̃ãꞌgü i duü̃ü̃gü. Toma rü naga taĩnüe i ngẽma ãẽꞌgacügüarü mugü rü nüxü̃́ tanaütanü i ngẽma diẽru i ãẽꞌgacügü nagu unetaü̃ẽꞌpü na nüü̃́ tanaütanüü̃, ngegumarüü̃ i nhaã Tupanaarü Orearü mugü:

“Name nixĩ i mea norü ãẽ̱xgacüga naxĩnüe i guxü̃ma i duü̃xü̃gü.” — Romacü̃ãꞌ 13:1.
“¡Ãẽ̱xgacüna ngĩxü̃ pexã i ngẽma ãẽ̱xgacüarü ixĩcü, rü Tupanana ngĩxü̃ pexã i ngẽma Tupanaarü ixĩcü!” — Mateu 22:21.

Ngemaãcü toma rü naga taĩnüe i ngẽma ãẽꞌgacügüarü mugü, rü nüü̃́ tanaütanügü i norü diẽru rü meã tanayaugü ngẽguma ãẽꞌgacügü togüü̃ narüngü̃ẽẽtchaü̃gu i tatchicawa.