Yeuwaarü Orearü Uruü̃gü rü tama nagu nidaucüraü̃ i natchiãnegüarü ãẽꞌgacügü rü norü ngẽmaü̃gü, cuaꞌãtchiruü̃ norü woneragü. Rü ta tama tchiri natchiga tideagü ya teé nüü̃ tauneta natchiü̃ãnearü wiyae nagu tawiyae, nüü̃ itarümoẽgü ya wonera rü nüü̃ tiu na natchiü̃ãneü̃ ítapoü̃.

 Notürü, Yeuwaarü Orearü Uruü̃gü nüü̃ nauneta tama naügüü̃ i ngẽma erü nagu nayaõgü na ngẽma nacümagü rü tama nawüigu niĩ i Tupanaarü Oremaã. Ngẽgumarüü̃ tama nagu tidaucüraü̃ i duü̃ü̃güarü unetagü, rü tataãẽgü ngẽguma duü̃ü̃gü tama nagu nidaucüraü̃gu i torü uneta.

Nhaa natchigawa

•  Ngeü̃rüüü̃ i Tupanaarü Orearü nguꞌẽẽtaegü tayanguẽẽ?

•  Taꞌacü tá iügüü̃ tchi ãẽꞌgacügüarü mugü toü̃ namugu na nagu iãgüü̃caꞌ i ngẽma ngupetügü?

•  Eꞌna Yeuwaarü Orearü Uruü̃gü nagu naãtchaü̃ i purítchica rüeꞌna wüi duü̃ü̃gütücumüarü ĩnü?

 Nhaa niĩ i tare i Tupanaarü Orearü nguꞌẽẽtaegüga iĩnüẽ:

•   Inawaꞌegü Tupanaü̃icatama icuaꞌüü̃gü. Tupanaarü Ore rü nhanagürü: “¡Nüxü̃ icua̱xüxü̃ ya [Yeuwa ya] Cori ya curü Tupana, rü yimáaxü̃́xicatama napuracü!” (Luca 4:8) Natchiü̃ãnearü wiyaewa rü natchiü̃ãnearü unetawa aiꞌrügumaraü̃ niĩ na duü̃ü̃ namaã nauegu na nüü̃ ínapoü̃ i natchiü̃ãne nüẽ́tama i taꞌacü nangupetüü̃. Rü ngẽmacaꞌ, Yeuwaarü Orearü Uruü̃gü nüü̃ nacuaꞌgü na tama weꞌguü̃ niĩ ngẽma naügüü̃.

   Ngẽgumarüü̃, Yeuwaarü Orearü Uruü̃gü nüü̃ nacuaꞌgüü̃ na woneraü̃ nicuaꞌüü̃ rü cuaꞌüü̃neta niĩ rü Tupanaarü Ore nanatchuꞌu i ngẽma. (1 Corĩ́tiucü̃ãꞌ 10:14) Nümaü̃ i nacaꞌ daucügü nüü̃ nacuaꞌü̃ na natchiü̃ãnearü woneragü rü nhama tupananetaarü ngẽmaü̃gürüü̃ niĩ. Wüi nacaꞌ daucü naéga rü Carlton Hayes rü nüü̃ niu i nhaü̃: “Wonera niĩ wüi ngẽmaü̃ na natchiü̃ãneü̃ nicuaꞌüü̃caꞌ.” a Rü yatü Daniel Mannix nanawü i nhaü̃: “Yaõgüü̃ rü tama . . . ãmare Romacü̃ãꞌgüarü ãẽꞌgacügüna naã rü ngẽma rü namaã nawüigu i tama nüü̃ narümoẽ i wonera i nhuꞌma.” b

  Woo Yeuwaarü Orearü Uruü̃gü tama nüü̃ nicuaꞌüü̃gü i wonera rü nümagü tama nagu nidaucüraü̃ rü bai nanatchiẽẽ i ngẽma rüeꞌna ngeü̃rüümare i to i natchiü̃ãnearü ngẽmaü̃gü.

•   Tupanacaꞌ nawüiguü̃ i guü̃ma i duü̃ü̃gü. (Puracügü 10:34, 35) Tupanaarü Ore nüü̃ niu na Tupana rü “wüxi ga duü̃xü̃watama nanaxü ga guxü̃ma ga duü̃xü̃gü nax guxü̃ i naanewa nangẽxmagüxü̃ca̱x.” (Puracügü 17:26) Rü ngẽmacaꞌ, Yeuwaarü Orearü Uruü̃gü nagu nayaõgü na nagutchinü niĩ nagu rüĩnü na wüi duü̃ü̃gütücumü rü togüarü yeera narümemaẽ niĩ. Nüü̃ tangetchaü̃ i guü̃ma i duü̃ü̃gü, nüẽ́tama ngetá ne naĩ rü bai ngetá napeü̃. — 1 Pedru 2:17.

 Yeuwaarü Orearü Uruü̃gücaꞌ tama natchie i natchiü̃ãnegüarü ãẽꞌgacügü. Nagu tayaõgüü̃ na Tupana tama nanatchuꞌu na ngẽma ãẽꞌgacügü tamaã ínacuágüü̃. (Romacü̃ãꞌ 13:1-7) Rü ta nagu tayaõgüü̃ na yaõgüü̃ nawaꞌe naga naĩnüẽ i ngẽma ãẽꞌgacügü. — Luca 20:25.

 Notürü, taꞌacü tá iügüü̃ ngẽguma natchiü̃ãnearü mu rü nanamugu i taꞌacü Tupanaarü mu nanatchuꞌu? Nhuguãcü tama nagutcha ãẽꞌgacügücaꞌ naca na nanameẽẽü̃caꞌ i ngẽma mugü. c Ngẽguma ngẽma rü nagutchaü̃tchi niĩgu, Yeuwaarü Orearü Uruü̃gü meãmareãcüma nüü̃ nauneta “Tupanaga taxĩnüexü̃ rü tama i yatügüga taxĩnüexü̃.” — Puracügü 5:29.

 Tama. Yeuwaarü Orearü Uruü̃gü tama nagu naã i purítchicatücumügü rü bai duü̃ü̃gütücumü i nüü̃ ínapoü̃güü̃ i wüi natchiga. Ngẽguma tama natchiü̃ãnearü wiyae nagu tawiyaegügu, rü tama woneraü̃ ticuaꞌüü̃gügu, rüeꞌna tama nüü̃ niugügu na tatchiü̃ãneü̃ ítapoü̃gu tá, ngẽma rü tama nüü̃ niutchaü̃ na nagu taã i to purítchicatücumü. Tama iügüü̃ i ngẽma erü Tupanaarü Oregu tayaõgü.