1. Najkualú náa xúgíʼ guʼwá,

nuʼthálú rí gajkhun.

Ikháanʼlu nduʼñíinʼ bi̱ nandún

muʼsngúún numuu Jeobá.

Jma̱a̱ nuʼthá rí Jesús nindxu̱u̱

rey bi̱ xtáa náa mekhuíí.

Rí mbiʼi xúgi̱ ikháanʼlu

na̱jkua̱ ruʼtáraʼa.

2. Náa mámbá xkrugua najkualú

ruʼthá mbiʼyuu Jeobá.

Ga̱jma̱a̱ mámbáa xa̱bu̱ gáʼthi

á mu nandoo maʼdxun.

Makuwíin tikhun bi̱ nditháan

xáʼndun má gudxawíín;

mú xúniʼñánʼ ruʼthá mámbá

guʼwá mbiʼyuu Jeobá.

3. Najkualú náa xúgíʼ xuajen

ruʼthá numuu Jeobá.

Tséʼniuu á mu tsíñún gúdxuun,

ikhiin má guraʼwi̱i̱.

Xú káʼnii gajmañún á mu

ikháanʼ tseʼthúnlú xá.

Ikha jngó guʼtáraʼa mu

mbuʼñíinʼ mugiu̱u̱ Jeobá.