Ajmúú 153
Arathúnʼ rí naku̱ma̱ʼ
-
Ndiéjunʼ ku̱ma̱ʼ índo̱
natanimbaníí ñajunʼ
rí marathu̱u̱n xa̱bu̱ rí
maʼga̱nú náa a̱jkiu̱ún.
Ndiéjunʼ ku̱ma̱ʼ índo̱
nadxuʼ gárataraʼa,
rí Jeobá jma̱a̱ tsiakii ndrígóo
ma̱ndoo mambáyaʼ.
(ESTRIBILLO)
Xtáá gagi rí mani mba̱a̱ Dios
maxnu̱u̱ gamajkhu jma̱a̱ aʼwóoʼ.
¡Ikha jngó xániʼñúʼ rataráʼa
káxi̱ ajngóo!
-
Ndiéjunʼ ku̱ma̱ʼ índo̱
narathúún ga̱jma̱a̱ májánʼ
ajngáa ndrígóo Dios Jeobá
xúgínʼ xa̱bu̱ numbaaʼ.
Ndiéjunʼ ku̱ma̱ʼ índo̱
nudxuun ajngáa rí gajkhun.
Maski ajndu mbaʼin xáʼndún,
ikháanʼ xúniʼñaʼxu.
(ESTRIBILLO)
Xtáá gagi rí mani mba̱a̱ Dios
maxnu̱u̱ gamajkhu jma̱a̱ aʼwóoʼ.
¡Ikha jngó xániʼñúʼ rataráʼa
káxi̱ ajngóo!
-
Ndiéjunʼ ku̱ma̱ʼ índo̱
rí xtáa Dios ga̱jma̱á ni̱ndxa̱ʼ,
índo̱ natanimbáníí
ñajunʼ rí itháan mba̱a̱.
Ndiéjunʼ ku̱ma̱ʼ índo̱
natani ñajunʼ Jeobá.
Ndayóoʼ rí maʼngaʼ itháan,
mbiʼi na̱jkha̱ mambáa.
(ESTRIBILLO)
Xtáá gagi rí mani mba̱a̱ Dios
maxnu̱u̱ gamajkhu jma̱a̱ aʼwóoʼ.
¡Ikha jngó xániʼñúʼ rataráʼa
káxi̱ ajngóo!
(Atayáá ma̱ngaa Hech. 13:48; 1 Tes. 2:4; 1 Tim. 1:11.)