Ndiʼkhún xtáa ragi̱ʼdu̱u̱ tsiguʼ 2023 ga̱jma̱a̱ xúgiáanʼ nuguaʼthi̱i̱n dí makuwáanʼ májánʼ gajmiúlú familia ndrígulú. Mú, ndíjkha kua̱ʼthi̱i̱n rígi̱ rá.

 Náa Biblia nuxkamaa ajngáa rí májánʼ ga̱jma̱a̱ ikhí naʼthí dí xkujndu rí kuaʼdáá xúgi̱ nánguá mba̱yu̱u̱ʼ mambáa. Biblia nigumaraʼmáʼ: “Mu maʼsngúlú, rí naʼthí náa Kiʼniraʼmáʼ naʼni rí maʼngulú [...] muguaʼthi̱i̱n nda̱wa̱á” (Romanos 15:4).

•   Mu ma̱ta̱ya̱a̱ itháán rí naʼthí náa Biblia, atraxnuu artículo: “La esperanza real de un mañana mejor.”

 Náa Biblia naʼthí rí kua̱ʼthi̱i̱n: “Nindxu̱u̱ xóo mbá ancla ndrígóo barco rí nambáyulú makuwáanʼ” (Hebreos 6:19, nota). Dí kua̱ʼthi̱i̱n rígi̱ nambáyulú mu maʼngulú náa xkujndu ga̱jma̱a̱ mu xáxmiéjunlú ma̱ngaa rí makuwáánʼ gagi.

•   Atayáá video xú káʼnii rí naʼthí náa Biblia nimbáyúu mbáa xa̱bu̱ bi̱ naʼga̱a̱n iya najnga̱a̱. Atayáá video “Llegué a odiar la vida que llevaba”.

•   Atayáá xú káʼnii embáyulú rí kua̱ʼthi̱i̱n dí na̱ʼkha̱ náa Biblia índo̱ nakháñuu mbáa bi̱ nandulú kuʼyáá. Atayáá video: Índo̱ nakháñúu mbáa bi̱ nandaaʼ xtayáá.

 Mbaʼin xa̱bu̱ naguáʼthi̱i̱n rí makuwá májánʼ, mú na̱nguá eyáá á mu maʼga̱nú makuwá xúʼko̱ kaʼnii. Mú, mixtiʼkhu kayuuʼ nindxu̱u̱ rí naʼthí náa Biblia, ndíjkha rá. Numuu dí naʼthí náa Biblia nindxu̱u̱ rí naʼthí Jeobá Dios a, “bi̱ tséʼni nduwaʼ” (Tito 1:2). I̱ndó Jeobá gíʼdoo tsiaki̱i̱ maʼnimbánuu xúgíʼ rí naʼthí; maʼngo̱o̱ maʼni “xúgíʼ rí eyoo maʼni” (Salmo 135:5, 6).

 Nutha̱a̱nʼxu dí matraxnuu Biblia mu xúʼko̱ rí kua̱ʼthi̱i̱n dí na̱ʼkha̱ ikhí ma̱ndoo mambáyáaʼ mangáán. Maʼni itháán gújkhúʼ fe ndrígáaʼ á mu natayáá: “Tsumáá náa Kiʼnirámáʼ” (Hechos 17:11). I̱ndó á mu natanigajma̱a̱ Biblia xúʼko̱ ma̱ndoo maraʼti̱i̱n mbá dí májánʼ náa tsiguʼ 2023 ga̱jma̱a̱ xáxtumáán rí majuiʼsngáaʼ.