Nákhí nixtáa ná tsu̱du̱u̱ ju̱ba̱ꞌ, Jesús nisngájma rí maphú nandoo̱ jaꞌñúú xa̱bo̱, i̱wa̱á ndiyoo̱ jaʼñúú xa̱bo̱ tsí ngíní numíni̱í (Mateo 9:36). Nixnáxe̱ mine̱ꞌ ma̱ja̱ñúu ga̱jma̱á numúú xa̱bo̱ (Mateo 20:28; Juan 15:13). Na̱ꞌkha̱ ra̱ngiyu̱u̱ má mbiꞌi rí mbu̱jú masngájmalóꞌ rí maphú nandoo̱ jaꞌyalóꞌ: ikhaa̱ ñajuun Xa̱bo̱ Ñajon tsí niꞌgíi̱ Ana̱ꞌlóꞌ, ikhaa jngó majmuu̱ tsiakhe̱ rí nijanáa neꞌne Ana̱ꞌlóꞌ ma̱ꞌnii̱ rí ná xáríga̱ tsingíná ná xúgíí numbaa.

 Jesús ma̱ꞌne mbánuu ajngáa mitsaan ríge̱ꞌ:

•   “Ga̱ꞌne jríñii̱ xa̱bo̱ xuajen tsí nuxrígú mijná, jamí ga̱ꞌne jríñii mangiin i̱ji̱ín xa̱bo̱ tsí ngíníi” (Salmo 72:4).

 Xáne gúsnga̱jmalóꞌ rí nu̱ꞌxnáálóꞌ dínuma̱a Jesús ga̱jma̱á numuu rí niꞌnii̱ jamí mangaa rí ma̱ꞌnii ga̱jma̱á numalóꞌ rá. Ná Lucas 22:19, Jesús ni̱ndu̱ꞌúún xa̱bi̱i rí marmáꞌáan a̱kuíi̱n mbiꞌi rí nijáñuu̱. Ikhaa jngó, mbámbá tsigu Xa̱bi̱i Ana̱ꞌlóꞌ Mikhuíí Jeobá, na̱gi̱mbíin marmáꞌáan a̱kuíi̱n mbiꞌi rí nijáñuu Jesús. Mangáán ma̱goo mi̱dxa̱ꞌ ma̱tru̱wa̱ mina̱ꞌ ga̱jma̱á nindxa̱ꞌxo̱ꞌ marmáꞌáan a̱kia̱nꞌxo̱ꞌ mbiꞌi rí nijáñuu Jesús. Ma̱ꞌne mbiꞌi domingo 24 i̱ka̱ ñajuun go̱nꞌ marzo tsigu 2024.

A̱ta̱ʼyá náá gídxú ma̱tru̱wa̱ mina̱ʼ