Nákhí nixtáa ná tsu̱du̱u̱ ju̱baʼ Jesucristo nisngájma rí maphú nandoo̱ jaʼyalóʼ; ikhaa jngó asndo nixnáxe̱ mine̱ʼ ma̱ja̱ñúu̱ ga̱jma̱á numalóʼ (Mateo 20:28; Juan 15:13). Na̱ʼkha̱ rangiyuu máʼ mbiʼi rí mbu̱jú masngájmalóʼ rí maphú nandoo̱ jaʼyalóʼ: ikhaa̱ ñajuun Xa̱bo̱ Ñajon tsí niʼgíi̱ Ana̱ʼlóʼ, ikhaa jngó ma̱ʼne gámba̱a̱ xkujndu rí ríga̱ ná xúgíí numbaa (Salmo 46:9).

 Athiyáá dí iʼthán Ajngóo Ana̱ʼlóʼ rí ma̱ʼne Jesús:

•   “Ma̱ʼne jríya̱ʼ tsí ngínáa nandxaʼwá ska mi̱thambáyíi, xúʼkhue̱n máʼ tsí naxrígú mina̱ʼ jamí tsí ndawa̱a̱ nimbáa tsí mambáyúu. Ma̱ñáwíin a̱kui̱in jaʼyoo xa̱bo̱ tsí naxrígú mina̱ʼ jamí tsí ngínáa mangaa, ma̱ʼne jríñii tsí ngíníi. Ma̱ʼne jríñi̱i inúú xúgíin tsí nune̱ ngíníi núñúu nikhuáa̱” (Salmo 72:12-14).

 Xáne gúsnga̱jmalóʼ rí nu̱ʼxnáálóʼ dínuma̱a Jesús ga̱jma̱á numuu rí niʼnii̱ jamí mangaa rí ma̱ʼnii ga̱jma̱á numalóʼ rá. Ná Lucas 22:19, Jesús ni̱ndu̱ʼúún xa̱bi̱i rí marmáʼáan a̱kuíi̱n mbiʼi rí nijáñuu̱. Ikhaa jngó, mbámbá tsigu Xa̱bi̱i Ana̱ʼlóʼ Mikhuíí Jeobá, na̱gi̱mbíin marmáʼáan a̱kuíi̱n mbiʼi rí nijáñuu Jesús. Mangáán ma̱goo mi̱dxa̱ʼ ma̱tru̱wa̱ mina̱ʼ ga̱jma̱á nindxa̱ʼxo̱ʼ ma̱rmáʼáan a̱kia̱nʼxo̱ʼ mbiʼi rí nijáñuu Jesús. Ma̱ʼne mbiʼi domingo 24 i̱ka̱ ñajuun go̱nʼ marzo tsigu 2024.

A̱ta̱ʼyá ná gídxú ma̱tru̱wa̱ mina̱ʼ