Jesucristo ndaʼyoo rí phú jíná mi̱ndaʼkho ído̱ rí xa̱bo̱ xkawi̱i̱n nune̱ ngíníi iʼwíin. Xa̱bo̱ nithan ajngáa wa’a numuu̱, nigóó juya̱a̱ ná inúú xa̱bo̱ ñajon jamí phú jíná mi̱ndaʼkho ni̱xi̱ya̱a̱. Maske máʼ nimbá rí ra̱máján táʼnii̱, nixnáxe̱ mine̱ʼ ma̱ja̱ñúu̱ ga̱jma̱á numúú mbaʼiin xa̱bo̱ (Mateo 20:28; Juan 15:13). Xúge̱ʼ, ikhaa̱ ñajuun Xa̱bo̱ Ñajon tsí niʼgíi̱ Ana̱ʼlóʼ, ikhaa jngó ma̱ʼnii̱ rí xa̱bo̱ ná xúgíí numbaa mune̱ i̱ndo̱ó rí máján, ná xájúwa̱ʼ xa̱bo̱ xkawi̱i̱n (Isaías 42:3).

 Ajngóo Ana̱ʼlóʼ naʼthán xáne gáʼne numbaa ído̱ rí Jesús gáʼne ríge̱ʼ:

•   “I̱ndo̱ó i̱mbá lájuíin mbiʼi máʼ, ná xájúwa̱ʼ tsí ra̱májíin; ma̱thia̱xe̱ ná nijúwe̱e̱, jamí ná xáthañúu. Xómáʼ tsí májíin, majanúu ju̱ba̱ʼ ma̱ʼne drígu̱ún ikhii̱n, jamí gagi gájúwe̱e̱ʼ numuu rí phú tsímáá gáʼne mbiʼi rúʼkhue̱n” (Salmo 37:10, 11).

 Xáne gúsnga̱jmalóꞌ rí nu̱ꞌxnáálóꞌ dínuma̱a Jesús ga̱jma̱á numuu rí niꞌnii̱ jamí mangaa rí ma̱ꞌnii ga̱jma̱á numalóꞌ rá. Ná Lucas 22:19, Jesús ni̱ndu̱ꞌúún xa̱bi̱i rí marmáꞌáan a̱kuíi̱n mbiꞌi rí nijáñuu̱. Ikhaa jngó, mbámbá tsigu Xa̱bi̱i Ana̱ꞌlóꞌ Mikhuíí Jeobá, na̱gi̱mbíin marmáꞌáan a̱kuíi̱n mbiꞌi rí nijáñuu Jesús. Mangáán ma̱goo mi̱dxa̱ꞌ ma̱tru̱wa̱ mina̱ꞌ ga̱jma̱á nindxa̱ꞌxo̱ꞌ marmáꞌáan a̱kia̱nꞌxo̱ꞌ mbiꞌi rí nijáñuu Jesús. Ma̱ꞌne mbiꞌi domingo 24 i̱ka̱ ñajuun go̱nꞌ marzo tsigu 2024.

A̱ta̱ʼyá náá gídxú ma̱tru̱wa̱ mina̱ʼ