Índo̱ niʼni 23 ñajunʼ gu̱nʼ mayo tsiguʼ 2022, nikháñún má 6,27 millones xa̱bu̱ ga̱jma̱a̱ COVID-19 niʼthí Organización Mundial de la Salud (OMS). Náa informe rí nigájnuu 5 ñajunʼ gu̱nʼ mayo tsiguʼ 2022, nijuiʼthá rí OMS niʼthí rí mbáa nikháñún itháán mbaʼin xa̱bu̱. Niʼthí rí náa awúu̱n tsiguʼ 2020 ga̱jma̱a̱ 2021, “nikháñún itháán rí 14,9 millones xa̱bu̱ bi̱ ndiñún COVID-19 o ga̱jma̱a̱ i̱ʼwáʼ nandii”. Lá naʼthí náa Biblia dí xúʼko̱ má gárígá nandii xóo rígi̱ ráʼ.

•    Náa Biblia naxná mbiʼyuu “iwáá mbiʼi” rí kuwáanʼlu, Jesús niʼthí dí marigá ‹nandii rí xkawiʼ asndu náá› (2 Timoteo 3:1; Lucas 21:11, Traducción en lenguaje actual).

 Profecía rí niʼthí Jesús xtáa rambánuu rí mbiʼi xúgi̱. Mu ma̱ta̱ya̱a̱ itháán, atraxnuu artículo rí mbiʼyuu: “¿Cuál es la señal de ‘los últimos días’ o ‘los tiempos finales’?”.

•    “Dios bi̱ naʼni̱i̱ a̱jkiu̱lú náa xúgíʼ [...] Ikhaa naʼni̱i̱ a̱jkiu̱lú náa xúgíʼ gamiéjunʼ” (2 Corintios 1:3, 4).

 Mbaʼin xa̱bu̱ bi̱ nikháñún bi̱ nandún kuñún, nixkamaa náa Biblia rí maʼni̱i̱ a̱jkiu̱ún. Atraxnuu artículo rí mbiʼyuu: “Ndiéjunʼ gándoo matani̱ índo̱ nakháñuu mbáa rá. Rí ma̱ndoo matani̱” ga̱jma̱a̱ “Dí mambáyáaʼ á mu nikháñuu mbáa bi̱ xtayáá”.

•    “Ga̱ʼkha̱ rí naratáñajunʼ. Gaguma rí nandaaʼ ikháán, xó má mekhuíí xúʼko̱ má náa tsu̱du̱u̱ ku̱ba̱ʼ ma̱ngaa” (Mateo 6:10).

 Nánguá mba̱yu̱u̱ʼ rí “Xa̱bu̱ Ñajunʼ ndrígóo Dios” maʼnimbánuu ajngáa rígi̱: “Nímba̱a̱ xa̱bu̱ xáʼthí: ‹Nandoo kháñuʼ›” (Marcos 1:14, 15; Isaías 33:24). Mu ma̱ta̱ya̱a̱ itháán rí maʼngo̱o̱ maʼni Xa̱bu̱ Ñajunʼ ndrígóo Dios, atayáá video rí mbiʼyuu: Ndiéjunʼ nindxu̱u̱ Reino ndrígóo Dios rá.

 Nutha̱a̱nʼxu rí matraxnuu itháán Biblia. Xúʼko̱ gáʼni rí ikháán ga̱jma̱a̱ bi̱ kúwá náa guʼwáaʼ muxkamaa consejo rí mambáñún ma̱ngaa dí rígá mbá rí kua̱ʼthi̱i̱n nda̱wa̱á