Nákha 24 ñajunʼ gu̱nʼ mayo tsiguʼ 2022, náa xuajen rí mbiʼyuu Uvalde (Texas, Estados Unidos). Nirígá mbá rí táguaʼthi̱i̱n marigá. Náa mbá periódico rí mbiʼyuu The New York Times niʼthí: “Mbáa xa̱bu̱ nigudíin ga̱jma̱a̱ ajua̱nʼ mbá 19 e̱ji̱n ma̱ngaa a̱jmi̱i̱n maestra bi̱ nusngáa náa escuela primaria rí mbiʼyuu Robb”.

 Naʼni makuwáanʼ ngíná, índo̱ nduʼyáá dí xóo rígi̱ narígá nángi eʼni. Mbá periódico rí mbiʼyuu USA today naʼthí rí i̱ndó náa Estados Unidos, “tsiguʼ rí nijngoo nirígá mbá 249 nuthu rí xa̱bu̱ nitu̱ʼu̱u̱n gurmidá ajua̱nʼ náa escuela, tsiguʼ rígi̱ ninindxu̱u̱ itháán mbaʼa nuthu ki xóo asndu nákha tsiguʼ 1970”.

 Ndíjkha jngóo narígá tsíginá xóo rígi̱ rá. Ndiéjunʼ gándoo gámbáyulú mu maʼngulú muraʼníí rá. Xú káʼnii eʼyáá dí maʼga̱nú mbá mbiʼi mambáa dí narígá rí tséjmaa rá. Naxtiʼña̱a̱ graxe̱ rígi̱ náa Biblia.

•    Mbiʼi rí kuwáanʼlu Biblia naxná mbiʼyuu “iwáá mbiʼi” ga̱jma̱a̱ rí xa̱bu̱ “xáʼndúún kuñún a̱ngiu̱ún” ma̱ngaa rí “mani̱ndxu̱u̱n xóo xujkhú xáná bi̱ najmangu̱u̱nʼ”. Xa̱bu̱ bi̱ nindxu̱ún xígi̱ kaʼnii “muni̱ itháan dí ra̱májánʼ” (2 Timoteo 3:1-5, 13). Á mu nandaaʼ ma̱ta̱ya̱a̱ itháán, atraxnuu artículo “¿Predijo la Biblia cómo sería la gente en nuestros días?”.

 Mbaʼin xa̱bu̱ nurajximíjna ndíjkha jngóo rí Dios naniñuuʼ marigá tsingíná xóo rígi̱, xóo dí niradíin e̱ji̱n náa escuela ga̱jma̱a̱ ajua̱nʼ. Mu ma̱ta̱ya̱a̱ rí naʼthí náa Biblia, atraxnuu artículo “¿Por qué le pasan cosas malas a la gente buena?”.

•    “Dí nigumarámáʼ nákha wájyúuʼ nigumarámáʼ mu maʼsngúlú, rí naʼthí náa Kiʼniraʼmáʼ [...] naʼni̱i̱ a̱jkiu̱lú, rúʼko̱ naʼni rí maguaʼdáá mbá rí muguaʼthi̱i̱n nda̱wa̱á” (Romanos 15:4).

 Consejo rí na̱ʼkha̱ náa Biblia ma̱ndoo mambáyáaʼ mu xáraxtaa ngíná índo̱ narígá dí ra̱májánʼ. Á mu nandaaʼ ma̱ta̱ya̱a̱ itháán, atraxnuu i̱yi̱i̱ʼ ¡Despertad! Rí kayá edxu̱u̱ “¿Acabará algún día la violencia?”.

 Ikháanʼla xabuanii á mu nandala mumbáñún e̱jña̱la mu xámiñún gáʼni noticias rí nudxawíín o nduyáá náa internet, ma̱ndoo matraxnuu artículo rígi̱, “El efecto de las noticias en los niños”.

•    “Maʼni káwíin náa rí najma gíníi ga̱jma̱a̱ náa rí najuixnún” (Salmo 72:14).

•    “Ga̱jma̱a̱ chídí ndrígu̱ún muni̱i̱la xóo arado ga̱jma̱a̱ lanzas ndrígu̱ún muni̱i̱la xóo ajua̱n rí narujtu iná. Nimbá xuajin ní xuradímijna ga̱jma̱a̱ chídí, asndu ní xagun náa guerra” (Miqueas 4:3).

 Dios majmaa maʼni mbá rí xa̱bu̱ numbaaʼ tséʼngu̱u̱n gúni. Xa̱bu̱ Ñajunʼ ndrígóo bi̱ xtáa mekhuíí, maʼni gámbáa ajua̱nʼ ga̱jma̱a̱ xúgíʼ dí ra̱májánʼ dí narígá. Á mu nandaaʼ ma̱ta̱ya̱a̱ itháán rí maʼngo̱o̱ maʼni Xa̱bu̱ Ñajunʼ ndrígóo Dios, atraxnuu artículo “El Reino de Dios traerá ‘paz en abundancia’”.